ខេត្តត្បូងឃ្នុំៈប្រភពពីមន្ត្រីរាជការនៅក្នុងមន្ទីរកសិកម្មខេត្តត្បូងឃ្មុំ បានឲ្យដឹងថាលោកគឹមឈុនលីនាយខណ្ឌរដ្ឋបាលព្រៃឈើខេត្តត្បូងឃ្មុំកំពុងសប្បាយប្រមូលលុយតាមរបៀបពុករលួយពីក្រុមឈ្មួញដឹកជញ្ជូនឈើចេញទៅស្រុកយួនយ៉ាងក្រអឺតក្រទមដោយគ្មានញញើតអ្វីទាំងអស់។
ប្រភពបានឲ្យដឹងទៀតថា ការដែលលោក គឹម ឈុនលី ធ្វើអ្វីៗតាមអំពើចិត្តគឺដោយសារអាងមានលោក វេង សាខុន រដ្ឋមន្ត្រីក្រសួងកសិកម្ម ជាបង្អែកយ៉ាងរឹងមាំហើយជាញឹកញាប់លោក គឹម ឈុនលី តែងប្រើប្រាស់ឈ្មោះលោក វេង សាខុន ដើម្បីបិទបាំងទង្វើរបស់ខ្លួនដោយមិនខ្វល់ពីការរិះគន់អ្វីទាំងអស់។
ដូច្នេះហើយទើបក្រុមឈ្មួញធំៗមួយចំនួននៅតែអាចដឹកជញ្ជូនឈើឆ្លងកាត់ខេត្តត្បូងឃ្មុំ ចេញទៅស្រុកយួនតាមច្រកព្រំដែនច្រើនកន្លែងក្នុងស្រុកមេមត់និងស្រុកពញាក្រែកយ៉ាងពេញបន្ទុកព្រោះមានការឃុបឃិតបើកដៃពីសំណាក់លោក គឹម ឈុនលី ដែលកំពុងល្បីល្បាញខាងពុករលួយ។
ប្រភពដែលស្និទ្ធនឹងលោក គឹម ឈុនលី បានឲ្យដឹងថា ឈ្មួញដឹកជញ្ជូនឈើឆ្លងកាត់ខេត្តត្បូងឃ្មុំចេញទៅស្រុកយួនតាមច្រក ព្រំដែនក្នុងស្រុកមេមត់និងស្រុកពញាក្រែកសុទ្ធតែមានទំនាក់ទំ នងជិតស្និទ្ធជាមួយលោកគឹមឈុនលីទើបអាចដឹកជញ្ជូនឈើទៅ ដល់គោលដៅប្រកបដោយសុវត្ថិភាព។
ប្រភពបានឲ្យដឹងទៀតថាឈ្មួញឈើដែលជាមន្ត្រីនគរបាលឬមន្ត្រីអាវុធហត្ថក៏ដូចជាឈ្មួញជាជនស៊ីវិលជាឧកញ៉ាត្រូវតែមានទំនាក់ ទំនងជិតស្និទ្ធជាមួយលោកគឹមឈុនលីទើបអាចចៀសផុតពីការបង្ក្រាប។
ប្រសិនបើឈ្មួញណាចង់គេចវេះមិនបង់លុយតាមការកំណត់របស់ លោកគឹមឈុនលីគឺត្រូវប្រឈមនឹងការបង្ក្រាបយកស្នាដៃជាមិនខាន ព្រោះលោកគឹមឈុនលីអាងមានលោកវេងសាខុនរដ្ឋមន្ត្រីក្រសួង កសិកម្មជាបង្អែកដូច្នេះមិនខ្លាចឥទ្ធិពលឈ្មួញឈើជាកម្លាំងប្រដាប់ អាវុធឡើយ។ប្រភពមន្ត្រីរាជការនៅក្នុងមន្ទីរកសិកម្មខេត្តត្បូឃ្មុំ បានឲ្យដឹងថាបច្ចុប្បន្នឈ្មួញឈើច្រើននាក់នៅតែបន្តសកម្មភាពដឹកជញ្ជូនឈើឆ្លងកាត់ខេត្តត្បូងឃ្មុំចេញទៅស្រុកយួនយ៉ាងពេញ បន្ទុក ជាពិសេសនៅពេលយប់។
ប្រភពបានឲ្យដឹងទៀតថាលោកគឹមឈុនលីបានចាត់តាំងមនុស្សជំនិតរបស់ខ្លួនដែលមានរថយន្តសម្រាប់ប្រដេញចាប់ក្រុមឈ្មួញដឹកជញ្ជូនឈើខុសច្បាប់ផងដែរប្រសិនបើឈ្មួញទាំងនោះមិនរត់ ការបង់លុយជាមុន។ទាក់ទងបញ្ហាខាងលើនេះលោក ជាមច័ន្ទសោភ័ណអភិបាលនៃគណៈអភិបាលខេត្តត្បូងឃ្មុំនៅពេលថ្មីៗជំ នួសលោកលីឡេងមិនគួរមើលរំលងតទៅទៀតទេព្រោះលោកគឹម ឈុនលី និងបក្ខពួកកំពុងធ្វើអ្វីៗស្រេចតែអំពើចិត្ត។
ជាពិសេសករណីលោកគឹមឈុនលីចាត់ទុកឈ្មួញឈើជាប្រភពចំ ណូលដ៏សំខាន់របស់ខ្លួនគឺជាមូលហេតុដែលធ្វើឲ្យក្រុមឈ្មួញបង្កើនសកម្មភាពដឹកជញ្ជូនឈើឆ្លងកាត់ខេត្តត្បូងឃ្មុំចេញទៅស្រុកយួន កាន់តែខ្លាំងក្លាជាងមុនទៅទៀត។ ពាក់ព័ន្ធការរិះគន់ខាងលើគេហទំព័រ(www.enn-tv.com) យើងមិនអាចសុំការពន្យល់បកស្រាយបាននោះទេ៕
