ស្វាយរៀងៈប្រភពអាជីវករច្រើននាក់បានបង្ហើបប្រាប់ដូចៗគ្នាថា មន្ត្រីប្រចាំច្រកទ្វារមួយនេះបានកំណត់យកលុយច្រើនដោយមិន ចេញក្រដាសស្នាមឬវិក័យប័ត្របង់ពន្ធចូលរដ្ឋឡើយ។ ជាហេតុបណ្ដាលឲ្យពួកគាត់ត្រូវចំណាយលុយបង់ឲ្យសមត្ថកិច្ច តាមដងផ្លូវជាតិលេខ១ជាហូរហែរាប់សិបកន្លែងទម្រាំដល់គោល ដៅនៅរាជធានីភ្នំពេញ។
ប្រភពតៃកុងរថយន្តដឹកបន្លែពីវៀតណាមម្នាក់បានបង្ហើបឲ្យដឹងថា គាត់ដឹកបន្លែ១រថយន្តចំណុះ៥តោនទម្រាំដល់គោលដៅភ្នំពេញ ត្រូវចំណាយលុយរត់ការអស់ជាង២លានរៀលក្នុង១ជើង។ ក្នុងនោះបង់លុយឲ្យមន្ត្រីអនុក្រឹត្យ៦៤ដែលប្រចាំការនៅច្រកទ្វារ អន្តរជាតិ បាវិត ច្រើនជាងគេ។ លោកបានបង្ហើបថាបង់លុយឲ្យការិយាល័យគយបាវិតចំនួន១៧ ០,០០០រៀលក្នុង១ជើងជាកំហិតគឺហុចផ្ទាល់ដៃមិនមានចេញវិ ក័យប័ត្រឬបង់ពន្ធចូលរដ្ឋអ្វីនោះទេ។ រួចហើយបង់ឲ្យកាំកុងត្រូលចំនួន១៤ម៉ឺនរៀលស្នាក់ការ១៤ម៉ឺនរៀល នគរបាលអន្តោរប្រវេសន៍ចំនួន១៤ម៉ឺនរៀលផងដែរដល់សរុបចេ ញផុតច្រកអស់ចំនួន៥៩០,០០០រៀលក្នុង១ជើង។ មិនតែប៉ុណ្ណោះនៅពេលបើករថយន្តចេញផុតពីច្រកទ្វារបាវិតហើយ គឺបន្តបង់លុយឲ្យសមត្ថកិច្ចតាមដងផ្លូវជាតិលេខ១ជាហូរហែផង នោះ ១កន្លែងជាង១០០,០០០រៀលរហូត។ ទម្រាំដល់គោលដៅនៅភ្នំពេញត្រូវចំណាយជាង២លានរៀលស ម្រាប់បន្លែ១រថយន្តចំណុះ៥តោន។ ប្រភពអាជីវករអ្នកដឹកបន្លែតាមរថយន្តចំណុះ១០តោនបានបង្ហើប ថាជារៀងរាល់លើកពេលដឹកបន្លែពីវៀតណាមតាមច្រកបាវិតគឺគេ មានមេការសម្រាប់រត់ផ្លូវបង់លុយឲ្យមន្ត្រីអនុក្រឹត្យ៦៤ដែលប្រចាំ ច្រកទ្វារ យ៉ាងទៀងទាត់។ ដោយមួយកន្លែងបង់អស់ចាប់ពី៣០ម៉ឺនរៀលទៅ៥០ម៉ឺនរៀលដោ យយោគយល់ទៅតាមចំនួនទំនិញ បន្លែតិចឬច្រើន។ ហើយរាល់ការបង់លុយទាំងនោះគឺមិនដែលមានចេញក្រដាស់ស្នាម ឬវិក័យប័ត្រអ្វីនោះទេ។ ជាមួយគ្នានោះដែរពេលចេញផុតពីច្រកត្រូវបង់លុយឲ្យសមត្ថកិច្ច ក្នុងខេត្តស្វាយរៀងព្រៃវែងកណ្ដាលជាហូរហែទៀតនោះដល់សរុប ១ជើងត្រូវចំណាយអស់ចាប់ពី៣លានប្រាំសែនរៀលដល់៤លាន ប្រាំសែនរៀល។ប្រភពបានរាយការណ៍បន្ថែមថាមន្ត្រីគយច្រក ទ្វារបាវិតបានបើកដៃឲ្យមានទំនិញគេចពន្ធដោយប្រើម៉ូតូដឹកជញ្ជូន ពីចំណុចសរ យកមកដីខ្មែរ ធ្វើរបៀបកណ្ដៀរ។ ខណៈទំនិញទាំងនោះច្រើនព្រោះខាងវៀតណាមគេដឹកមកដោយប្រើ រថយន្តធំៗរួចទម្លាក់ត្រឹមចំណុចសរ។ ពាក់ព័ន្ធអាជីវករការចោទប្រកាន់ខាងលើគេហទំព័រ(www.enn-tv.com)យើងមិនអាចសុំការពន្យល់បកស្រាយពីលោក លឹង សៀងហេង ប្រធានស្នាក់ការ ច្រកបាវិត ។ រីឯលោកនងសុខុមប្រធានការិយាល័យគយនិងរដ្ឋាករច្រទ្វារអន្តរជាតិ បាវិតខេត្តស្វាយរៀងបាននោះទេ៕ 
