លោក​ ហ៊ុយ​ សុជាតិ​ប្រធាន ការិ​យាល័យគយនិងរដ្ឋាករ ច្រកទ្វារ​អន្តរជាតិប៉ោយ​ប៉ែត និងបក្ខ​ពួករងការរិះគន់ឃុ​ប ឃិតប្រព្រឹត្តអំ​ពើពុក​រលួយ.!

បន្ទាយមានជ័យៈប្រភពដែលស្និទ្ធនឹងលោកហ៊ុយសុជាតិប្រធាន ការិយាល័យច្រកទ្វារអន្តរជាតិប៉ោយប៉ែតបានបង្ហើបឲ្យដឹងថាបច្ចុប្បន្ន ទំនិញដែលឈ្មួញធំៗនាំចូលតាមច្រកទ្វារប៉ោយប៉ែតនេះបង់ពន្ធជូនរដ្ឋ​ត្រឹម២៥ទៅ៣០ភាគរយប៉ុណ្ណោះហើយក្រៅពីនេះគឺឈ្មួញបែងចែក​ផលប្រយោជន៍ជាមួយលោកហ៊ុយសុជាតិនិងមេគយធំៗក្នុងខេត្ត បន្ទាយមានជ័យ​។ ប្រភព​បាន​បង្ហើបទៀតថា ឈ្មួញ​ធំៗ​នាំចូល​ទំនិញគេចពន្ធទំនិញបង់ពន្ធមិនគ្រប់តាមច្រកប៉ោយប៉ែតកាន់តែ ច្រើនឡើងៗយកមកស្តុកទុកតាមឃ្លាំងជាច្រើនកន្លែងក្នុងក្រុងប៉ោយប៉ែត។ភាពពុករលួយនេះហើយទើបធ្វើឲ្យលោកហ៊ុយសុជាតិមេគយច្រក​ប៉ោយប៉ែតកំពុងធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹក សន្ធាប់ក្នុងមួយឆ្នាំៗហើយផលប្រយោជន៍បានទៅលើមន្ត្រីគយនិង​ឈ្មួញខិលខូចដែលឃុបឃិតគ្នាបំផ្លាញផលប្រយោជន៍ជាតិនិង បង្កើនប្រយោជន៍ផ្ទាល់ខ្លួន។ប្រភពដដែលបង្ហើប​ពី​មន្ត្រី​ភ្នាក់ងារ​គយនៅខេត្តបន្ទាយមានជ័យបានឲ្យដឹងថាបច្ចុប្បន្នលោកហ៊ុយសុ ជាតិព្រមទាំងបក្ខពួកកំពុងឃុបឃិតប្រព្រឹត្តអំពើពុករលួយច្រើនបែប​ច្រើនយ៉ាងធ្វើឲ្យរដ្ឋត្រូវខាតបង់ចំណូលពន្ធកាន់តែច្រើនឡើងៗ។ ក្នុងនោះលោកហ៊ុយសុជាតិបើកដៃឲ្យឈ្មួញធំៗនាំចូលទំនិញគេច ពន្ធទំនិញបង់ពន្ធមិនគ្រប់និងទំនិញក្លែងភេទទំនិញចូលមកយ៉ាង គំហុកហើយពួកគេបែរជាគាបសង្កត់លើពលរដ្ឋដែលអូសរទេះដឹក​ជញ្ជូន​ទំនិញ​បន្តិចបន្តួច​យ៉ាង​កំរោល​គួរ​ឲ្យ​ស្អប់ខ្ពើម​បំផុត​។      ដូច្នេះលោកអូនព័ន្ធមុនីរ័ត្នរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុមិន គួរទុកឲ្យលោកហ៊ុយសុជាតិប្រធានការិយាល័យគយច្រកទ្វារអន្តរ ជាតិប៉ោយប៉ែតព្រមទាំងបក្ខពួកឃុបឃិតប្រព្រឹត្តអំពើពុករលួយ។
ប្រភពពីមន្ត្រីនៅច្រកទ្វារអន្តរជាតិប៉ោយប៉ែតមួយចំនួនបានបង្ហើប ឲ្យដឹងថាលោកហ៊ុយសុជាតិប្រធានការិយាល័យគយច្រកទ្វារអន្តរ ជាតិប៉ោយប៉ែតដែលអាងមានខ្នងបង្អែករឹងមាំកំពុងប្រើអំណាចគាប សង្កត់មន្រ្តីក្រោមឱវាទនិងប្រព្រឹត្តអំពើពុករលួយដោយគ្មានញញើត​អ្វី​ទាំងអស់​។ ប្រភព​បាន​បង្ហើបទៀតថា ទំនងជា​លោក ហ៊ុយ សុជាតិចំណាយដើមទុនយ៉ាងច្រើនក្រាស់ក្រែលក្នុងការទទួលបាន​តំណែងជាប្រធានការិយាល័យគយច្រកទ្វារអន្តរជាតិប៉ោយប៉ែតទើប​ខំប្រឹងប្រព្រឹត្តអំពើពុករលួយប្រមូលលុយស្រង់ដើមយ៉ាងពេញបន្ទុកតែម្តង។
ប្រភពមន្ត្រីភ្នាក់ងារគយមួយចំនួនបានឲ្យដឹងថាការដែលលោកហ៊ុយ សុជាតិហ៊ានធ្វើអ្វីៗតាមអំពើចិត្តគឺមានការឃុបឃិតបើកដៃពីមេគយ​ធំៗក្នុងខេត្តបន្ទាយមានជ័យផងដែរទើបអ្វីៗអាចប្រព្រឹត្តទៅដោយរលូនដូច្នេះ។ ជាក់ស្ដែងចាប់តាំងពីទទួលបានតំណែងជាមេគយច្រកប៉ោយប៉ែត គឺលោកហ៊ុយសុជាតិបើកដៃឲ្យឈ្មួញនាំចូលទំនិញគេចពន្ធទំនិញ​បង់ពន្ធមិនគ្រប់និងក្លែងភេទទំនិញកាន់តែច្រើនឡើងៗដើម្បីជាថ្នូរ​នឹង​ផលប្រយោជន៍​ផ្ទាល់ខ្លួន​។ ផ្ទុយទៅវិញ​លោក ហ៊ុយសុជាតិ បានគាបសង្កត់លើប្រជាពលរដ្ឋដែលនាំចូលទំនិញបន្តិចបន្តួចអូស​តាមរទេះដោយគ្មានការយោគយល់ឡើយដែលជាហេតុធ្វើឲ្យប្រជា ពលរដ្ឋបញ្ចេញប្រតិកម្មយ៉ាងខ្លាំងទៅនឹងអំពើពុករលួយរបស់លោក ហ៊ុយ សុជាតិ ព្រមទាំង​បក្ខពួក​។                                    ជាងនេះទៀតក៏មានសេចក្ដីអំពាវនាវឲ្យលោកអូនព័ន្ធមុនីរ័ត្នដែលជា​រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុក៏ដូចលោកគុណញឹមអគ្គនាយក នៃអគ្គនាយកដ្ឋានគយនិងរដ្ឋាករកម្ពុជាពិនិត្យឡើងវិញទៅលើលោក ហ៊ុយសុជាតិប្រធានការិយាល័យច្រកទ្វារអន្តរជាតិប៉ោយប៉ែតផងទាន។ពាក់ព័ន្ធការិះគន់ខាងលើគេហទំព័រ(www.enn-tv.com)     យើងមិនអាចសុំពន្យល់បកស្រាយពីលោកហ៊ុយសុជាតិប្រធានការិ យាល័យគយច្រកទ្វារអន្តរជាតិប៉ោយប៉ែតបាននោះទេ៕