ភ្នំពេញៈនាព្រឹកថ្ងៃទី១២ខែធ្នូឆ្នាំ២០១៨នៅអគ្គនាយកដ្ឋានគយនិង រដ្ឋាករកម្ពុជាមានប្រារព្ធកិច្ចប្រជុំយន្តការភាពជាដៃគូគយ-ផ្នែកឯកជន លើកទី៧ក្នុងគោលបំណងបន្តពិភាក្សាដោះស្រាយនូវបញ្ហាប្រឈម និងសំណូមពរនានារបស់វិស័យឯកជនពាក់ព័ន្ធនឹងការអនុវត្តយន្ត ការសម្រួលពាណិជ្ជកម្មរបស់រាជរដ្ឋាភិបាលកម្ពុជា។
កិច្ចប្រជុំនេះបានប្រព្រឹត្តទៅក្រោមអធិបតីភាពសហប្រធាននៃយន្ត ការភាពជាដៃគូគយ-ផ្នែកឯកជនឯកឧត្តមបណ្ឌិតគុណញឹមប្រតិ ភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានគយនិង រដ្ឋាករកម្ពុជានិងអ្នកឧកញ៉ាគិតម៉េងប្រធានសភាពាណិជ្ជកម្មកម្ពុជា ព្រមទាំងមានការចូលរួមពីសំណាក់សមាសភាពនៃយន្តការជាមន្ត្រី គយនិងរដ្ឋាករនិងតំណាងវិស័យឯកជនរួមមានសភាពាណិជ្ជកម្ម កម្ពុជា,សមាគមរោងចក្រកាត់ដេរនៅកម្ពុជា, សមាគមសហ គ្រាសធុនតូច-មធ្យមសមាគមដឹកជញ្ជូនកម្ពុជាក្លឹបធុរកិច្ចជប៉ុន, ក្រុមហ៊ុននាំចេញ-នាំចូលនិងតំណាងដៃគូអភិវឌ្ឍអន្តរជាតិព្រមទាំង ភ្ញៀវជាតិ និងអន្តរជាតិផងដែរ។
ថ្លែងក្នុងពិធីបើកកិច្ចប្រជុំអ្នកឧកញ៉ាគិតម៉េងបានបញ្ជាក់ថាយន្តការ ភាពជាដៃគូគយ-វិស័យឯកជនគឺជាវេទិកានៃការពិគ្រោះយោបល់គ្នា ដើម្បីស្វែងរកដំណោះស្រាយនូវរាល់បញ្ហានានាដោយឈរលើគោល ការណ៍ឈ្នះ-ឈ្នះស្របតាមការណែនាំប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជា ណាចក្រកម្ពុជា។ ជាមួយគ្នានេះឯកឧត្តមបណ្ឌិតគុណញឹមបានគូសរំលេចនូវលទ្ធផល យ៉ាងល្អប្រសើរនៃការប្រមូលចំណូលពន្ធនិងអាករចូលថវិកាជាតិ ដែលមានតួលេខកំណើន២ដងក្នុងរយៈពេល៥ឆ្នាំចុងក្រោយនេះឆ្នាំ។ ប្រការនេះបានឆ្លុះបញ្ចាំងនូវភាពប្រសើរឡើងទាំងកម្រិតអនុលោម ភាពរបស់វិស័យឯកជនក៏ដូចជាអភិបាលកិច្ចល្អក្នុងអង្គភាពគយផងដែរ។ ឯកឧត្តមបណ្ឌិតក៏បានលើកឡើងពីការកែសម្រួលសមាសភាពយន្ត ការនិងបន្ថែមក្រុមការងារជំនាញថ្មីមួយទៀតគឺ“ក្រុមការងារគយ-សហគ្រាសធុនតូចនិងមធ្យមដើម្បីឆ្លើយតបនឹងគោលនយោបាយ របស់រាជរដ្ឋាភិបាលក្នុងការលើកស្ទួយនិងជម្រុញការអភិវឌ្ឍវិស័យ សហគ្រាសធុនតូចនិងមធ្យមដែលជាផ្នែកមួយនៃយុទ្ធសាស្ត្រពិពិធ កម្មឧស្សាហកម្ម និងផលិកម្មនៅកម្ពុជា ។ នាឱកាសនេះតំណាងអគ្គនាយកដ្ឋានគយនិងរដ្ឋាករកម្ពុជាបាន រាយការណ៍ជូនអង្គប្រជុំអំពីវឌ្ឍនភាពនាពេលកន្លងមកជាពិសេស លទ្ធផលដែលសម្រេចបានក្នុងកិច្ចប្រជុំការងារជំនាញទាំង៤របស់ យន្តការក្នុងចន្លោះពេលរវាងកិច្ចប្រជុំលើកទី៦និងទី៧នេះដែលបាន រួមគ្នាដោះស្រាយនូវបញ្ហាពាក់ព័ន្ធនឹងការងារគយចំនួន៤០សំណូ មពរព្រមទាំងបានចេញនូវបទប្បញ្ញត្តិចាំបាច់មួយចំនួនផងដែរក្នុង ការបន្តធ្វើសាមញ្ញកម្មនិតិវិធីគយដើម្បីបង្កលក្ខណៈងាយស្រួលដល់ វិ និយោគិន និងធុរជនពាក់ព័ន្ធបន្ថែមទៀត។
កិច្ចប្រជុំបានដំណើរការពិភាក្សាលើសំណូមពរនិងបញ្ហាដែលបាន លើកឡើងដោយវិស័យឯកជននាពេលថ្មីៗនេះនិងបានឯកភាពគ្នា លើដំណោះស្រាយតាមបញ្ហានីមួយៗដែលពាក់ព័ន្ធនឹង(១ការអនុ វត្តប្រព័ន្ធបញ្ជរតែមួយជាតិ(២ការធ្វើសាមញ្ញកម្មនិតិវិធីទំនិញសេវា បញ្ញើរហ័ស (៣)ការរៀបចំនិងដាក់អនុវត្តកម្រៃសេវា គយ (៤)ការផ្ទៀតផ្ទាត់តម្លៃគិតពន្ធគយ(៥ការចូលរួមចំណែករបស់គយនិង វិស័យឯកជនក្នុងការអនុវត្តគោលនយោបាយពិពិធកម្មសេដ្ឋកិច្ច (៦ការរៀបចំខ្លួនឆ្លើយតបចំពោះការវិវត្តន៍នៃសេដ្ឋកិច្ចឌីជីថលនិង (៧ការកែសម្រួលអនុក្រឹត្យស្តីពីទំនិញហាមឃាត់និងទំនិញជាប់ កម្រិតកំណត់ (អនុក្រឹត្យ ២០៩) ជាដើម។
លើសពីនេះភាគីទាំងសងខាងក៏បានបង្ហាញនូវគោលជំហរគាំទ្រ គ្នាទៅវិញទៅមកលើការងារមួយចំនួនទៀតជាពិសេសការសម្រប សម្រួលផ្នែកឯកជនគ្រប់ស្ថាប័នឲ្យមានសម្លេងតែមួយដើម្បីជជែក ជាមួយតំណាងស្ថាប័នរាជរដ្ឋាភិបាលព្រមទាំងបន្តកិច្ចសហការគ្នា និងជំរុញឲ្យក្រុមការងារតាមវិស័យនីមួយៗបង្កើនការពិភាក្សាដោះ ស្រាយបញ្ហាឲ្យកាន់តែមានប្រសិទ្ធភាពថែមទៀត។