កំពង់ធំៈប្រភពដែលស្និទ្ធលោកអ៊ុកកុសលបានឲ្យដឹងថាក្នុងតំណែងជាស្នងការនគរបាលខេត្តកំពង់ធំគឺលោកអ៊ុកកុសលប្រើអំណាច ប្រមូលលុយ តាមរបៀបពុករលួយស្រេចតែអំពើចិត្តរបស់ខ្លួន។ ប្រភពបានឲ្យដឹងទៀតថាលោកអ៊ុកកុសលពង្រាយមនុស្សជំនិតរបស់ខ្លួនឲ្យចាំរាប់ក្បាលរថយន្ត ដឹកទំនិញនិងដឹកឈើឆ្លងកាត់ខេត្តកំពង់ ធំ យក លុយតាមរបៀបពុករលួយដោយក្នុងរថយន្តមួយគ្រឿងត្រូវបង់លុយពី២០ដុល្លារទៅ៥០ដុល្លាររហូតដល់១០០ដុល្លារទៀតផង?។ ក្រុមមនុស្សជំនិតរបស់លោក អ៊ុក កុសល បានបង្ហាញនូវភាពក្រអឺតក្រទមយ៉ាងខ្លាំងព្រោះពួកគេធ្វើអ្វីៗតាមបញ្ជារបស់លោកអ៊ុកកុសលហើយគ្មានឈ្មួញឈើឬឈ្មួញដឹក ជញ្ជូនទំនិញឆ្លងកាត់ខេត្តកំពង់ធំ ណាម្នាក់ហ៊ានតវ៉ាឡើយ ។
តាមការបង្ហើបពីមន្ត្រីនគរបាលក្នុងស្នងការដ្ឋាននគរបាលខេត្តកំ ពង់ធំបានឲ្យដឹងថាការប្រឡងចូលក្របខ័ណ្ឌនគរបាលក្នុងខេត្តកំ ពង់ធំនាពេលកន្លងមកពោរពេញទៅដោយអំពើពុករលួយហើយមានបេក្ខជនខ្លះចំណាយលុយពី៥០០០ដុល្លាររហូត១០០០០ម៉ឺនដុល្លារដើម្បីអាចប្រឡងជាប់?។ បញ្ហានេះគឺជារឿងដែលនាយឧត្តមសេនីយ៍នេតសាវឿនមិនគួរមើ លរំលងតទៅទៀតនោះទេហើយក្រុមអធិការកិច្ចរបស់ក្រសួងមហា ផ្ទៃគួរបើកការស៊ើបអង្កេតជាបន្ទាន់ទៅលើរឿងអាស្រូវពុករលួយនិងទង្វើមិនប្រក្រតីរបស់លោកអ៊ុកកុសលព្រមទាំងបក្ខពួកឲ្យបានស៊ីជម្រៅ។ ទន្ទឹមនឹងនេះលោកឱមយ៉ិនទៀងប្រធានអង្គភាពប្រឆាំងអំពើពុក រលួយមិនគួរទុកឲ្យលោកអ៊ុកកុសលព្រមទាំងបក្ខពួកប្រព្រឹត្តអំពើ ពុករលួយតាមច្រើនរូបភាព។
ប្រភពពីមន្ត្រីនគរបាលនៅក្នុងស្នងការដ្ឋាននគរបាលខេត្តកំពង់ធំ បានលាតត្រដាងជាបន្តបន្ទាប់នូវរឿងអាស្រូវពុករលួយនិងទង្វើមិនប្រក្រតីរបស់លោកឧត្តមសេនីយ៍ទោអ៊ុកកុសលស្នងការនគរបាលខេត្តកំពង់ធំ។ទន្ទឹមនឹងនេះមន្ត្រីនគរបាលក្នុងស្នងការដ្ឋាន នគរបាលខេត្តកំពង់ធំមួយចំនួនក៏បានអំពាវនាវឲ្យថ្នាក់ដឹកនាំក្រសួង មហាផ្ទៃនិងនាយឧត្តមសេនីយ៍នេតសាវឿនអគ្គស្នងការនគរបាលជាតិចាត់វិធានការទប់ស្កាត់អំពើពុករលួយនិងទង្វើមិនប្រក្រតីរបស់ លោក អ៊ុក កុសល ស្នងការនគរបាលខេត្តកំពង់ធំ ជាបន្ទាន់។
សេចក្ដីរាយការណ៍ពីមន្ត្រីនគរបាលខេត្តកំពង់ធំបានឲ្យដឹងទៀតថា ចាប់តាំងពីទទួលបានតំណែងជាស្នងការនគរបាលខេត្តកំពង់ធំរួច មកគឺលោកអ៊ុកកុសលស្នងការនគរបាលខេត្តកំពង់ធំប្រើអំណាចប្រព្រឹត្តអំពើពុករលួយប្រមូលផលប្រយោជន៍ផ្ទាល់ខ្លួនដោយគ្មានញញើតអ្វីទាំងអស់។ ប្រភពបានឲ្យដឹងទៀតថាគ្រប់ប្រធានការិយាល័យជំនាញនៅក្នុងស្នងការដ្ឋាននគរបាលខេត្តកំពង់ធំត្រូវបានលោកអ៊ុកកុសលប្រើអំណាចគាបសង្កត់សព្វបែបយ៉ាងតែម្តង។ ជាងនេះទៅទៀតសូម្បីតែអធិការនគរបាលក្រុងស្ទឹងសែននិងអធិ ការនគរបាលតាមបណ្ដាស្រុកនានាក្នុងខេត្តកំពង់ធំក៏ត្រូវលោកអ៊ុក កុសល ប្រើអំណាចគាបសង្កត់យ៉ាងកំរោលផងដែរ។ ប្រការនេះហើយដែលធ្វើឲ្យមន្ត្រីនគរបាលក្នុងស្នងការដ្ឋាននគរបា លខេត្តកំពង់ធំអត់ធ្មត់តទៅទៀតលែងបានហើយបើកកកាយរឿង អាស្រូវពុករលួយនិងទង្វើមិនប្រក្រតីរបស់លោកអ៊ុកកុសលដើម្បីឲ្យនាយឧត្តមសេនីយ៍នេតសាវឿនអគ្គស្នងការនគរបាលជាតិចាត់ វិធានការទប់ស្កាត់ឲ្យបានទាន់ពេលវេលា។
ពាក់ព័ន្ធនិងក្រុមមន្រ្តីក្រោមឱវាទរិះគន់ខាងលើគេហទំព័រ(www. enn-tv.com)យើងមិនអាចសុំការពន្យល់បកស្រាយពី លោក អ៊ុក កុសល ស្នងការខេត្តកំពង់ធំនិងបក្ខពួកបាននោះទេ៕