ព្រះសីហនុ៖ប្រភពពីមន្ត្រីនិងភ្នាក់ងារគយក្នុងខេត្តព្រះសីហនុមួយ ចំនួនបានឲ្យដឹងថាបើទោះបីរឿងអាស្រូវពុករលួយរបស់លោកយ៉ឹក យូប្រធានសាខាគយនិងរដ្ឋាករកំពង់ផែអន្តរជាតិខេត្តព្រះសីហនុ ត្រូវបានបើកកកាយយ៉ាងណាក៏ដោយក៏មេគយធំៗនៅក្នុងអគ្គនា យកដ្ឋានគយនិងរដ្ឋាករកម្ពុជាក៏ដូចជាលោកអូនព័ន្ធមុនីរ័ត្នដែល ជារដ្ឋមន្ត្រីក្រសួងហិរញ្ញវត្ថុ ធ្វើមិនដឹងមិនឮអ្វីទាំងអស់។ ហេតុនេះហើយទើបលោកយ៉ឹកយូមានសិទ្ធិអំណាចកាន់តែធំធេង ក្នុងការឃុបឃិតឲ្យឈ្មួញមួយចំនួននាំចូលទំនិញគេចពន្ធទំនិញ បង់ពន្ធមិនគ្រប់និងទំនិញខុសច្បាប់កាន់តែច្រើនឡើងៗដើម្បីប្រ មូលលុយធ្វើមានធ្វើបានផ្ទាល់ខ្លួនយ៉ាងគឃ្លើន។ ជាងនេះទៅទៀតលោកយ៉ឹកយូបានឃុបឃិតជាមួយមន្ត្រីគយលើ ផ្ទៃសមុទ្រដើម្បីគាបយកលុយពីក្រុមឈ្មួញនាំចូលទំនិញតាមទូក តាមកប៉ាល់កាន់តែច្រើនឡើងៗរហូតដល់រឿងអាស្រូវពុករលួយ របស់លោកយ៉ឹកយូនិងបក្ខពួកត្រូវបានបើកកកាយយ៉ាងពេញបន្ទុក។
ប្រភពពីមន្ត្រីដែលបម្រើការងារនៅក្នុងកំពង់ផែអន្តរជាតិខេត្តព្រះ សីហនុបានឲ្យដឹងថាមួយរយៈកន្លងទៅនេះលោកយ៉ឹកយូប្រើតួនា ទីនិងអំណាចប្រព្រឹត្តអំពើពុករលួយដោយគ្មានញញើតអ្វីទាំងអស់ ព្រោះអាងមានខ្នងបង្អែករឹងមាំនៅក្នុងអគ្គនាយកដ្ឋានគយនិងរដ្ឋាករកម្ពុជា។ ក្នុងនោះលោកយ៉ឹកយូបានគាបសង្កត់ជំរិតយកលុយពីក្រុមអ្នករត់ ការឯកសារនាំចូលនាំចេញទំនិញតាមច្រកកំពង់ផែអន្តរជាតិក្រុង ព្រះសីហនុស្រេតែអំពើចិត្តរបស់ខ្លួនហើយបើអ្នករត់ការឯកសារក្រុ មហ៊ុននាំទំនិញចេញចូលមិនបង់លុយតាមការកំណត់ទេនោះត្រូវ ប្រឈមនឹងការរំខានជាមិនខាន។ ប្រភពដែលស្និទ្ធនឹងលោកយ៉ឹកយូបានឲ្យដឹងថាបច្ចុប្បន្ននេះលោក យ៉ឹកយូបានរៀបចំបណ្ដាញពុករលួយយ៉ាងរឹងមាំដោយយកលេស ប្រមូលពន្ធជូនរដ្ឋប៉ុន្តែតាមពិតមន្ត្រីគយរូបនេះកំពុងប្រព្រឹត្តអំពើពុក រលួយដើម្បីផលប្រយោជន៍ផ្ទាល់ខ្លួនយ៉ាងក្រអឺតក្រទម។
ប្រភពពីតំណាងក្រុមហ៊ុនក៏ដូចជាក្រុមអ្នករត់ការឯកសារនាំចូលនាំ ចេញទំនិញតាមកំពង់ផែអន្តរជាតិក្រុងព្រះសីហនុបានឲ្យដឹងថាប ច្ចុប្បន្នលោកយ៉ឹកយូប្រធានសាខាគយច្រកកំពង់ផែអន្តរជាតិក្រុង ព្រះសីហនុប្រព្រឹត្តអំពើពុករលួយកាន់តែខ្លាំងឡើងៗដោយគ្មានញ ញើតអ្វីទាំងអស់។ ការគាបសង្កត់ជំរិតយកលុយពីក្រុមឈ្មួញនាំចូលនាំចេញទំនិញ តាមច្រកកំពង់ផែអន្តរជាតិក្រុងព្រះសីហនុកាន់តែច្រើនឡើងៗកំ ពុងធ្វើឲ្យលោកយ៉ឹកយូល្បីល្បាញក្នុងការប្រព្រឹត្តអំពើពុករលួយព្រោះ រឿងអាស្រូវទាំងនោះត្រូវបានលាតត្រដាងជាបន្តបន្ទាប់។ លើសនេះទៅទៀតករណីលោកយ៉ឹកយូនិងបក្ខពួកឃុបឃិតឲ្យឈ្មួញនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់ តាមច្រកកំពង់ផែអន្តរជាតិក្រុងព្រះសីហនុកំពុងធ្វើឲ្យរដ្ឋត្រូវខាត បង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ។ ដូច្នេះលោកអូនព័ន្ធមុនីរ័ត្នដែលជារដ្ឋមន្ត្រីក្រសួងសេដ្ឋកិច្ចនិងហិ រញ្ញវត្ថុក៏ដូចជាមេគយធំៗនៅក្នុងអគ្គនាយកដ្ឋានគយនិងរដ្ឋាករ កម្ពុជាមិនគួរមើលរំលងតទៅទៀតទេព្រោះមួយរយៈចុងក្រោយនេះ លោកយ៉ឹកយូឃុបឃិតគ្នាប្រព្រឹត្តអំពើពុករលួយតាមច្រើនរូបភាព យ៉ាងគឃ្លើនបំផុត។ ពាក់ព័ន្ធនិងការរិះគន់ខាងលើគេហទំព័រ(www.enn-tv.comយើងខ្ញុំមិនអាចសុំការពន្យល់បកស្រាយពីលោកយុឹកយូប្រធាន សាខាគយនិងរដ្ឋាករកំពងផែអន្តរជាតិខេត្តព្រះសីហនុបាននោះទេ៕
លោក យុឹក យូ ប្រធានសាខា គយនិងរដ្ឋាករច្រកទ្វារអន្តរជាតិ កំពង់ផែខេត្តព្រះសីហនុអាងខ្នង ជំទាវ គុណ ញឹម ជិះសេះលែងដៃ!
Filed in: ព័ត៌មានថ្មី