ប្រភពសមត្ថកិច្ចនិងមន្ត្រីអាជ្ញាធរមូលដ្ឋាន ក្នុងស្រុកអូរយ៉ាដាវ ខេត្តរតនគិរីបាន ឲ្យដឹងថាឈ្មួញជា ច្រើន នាក់ហើយ កំពុង បន្តធ្វើសកម្មភាព ដឹកជញ្ជូនឈើចេញទៅស្រុកយួននោះ មាន ដូចជា ឈ្មួញឈ្មោះ ឈ្មួញឈ្មោះ ទូច ប៉ែត ប្រើ ប្រាស់រ ថយ ន្តសាំយ៉ុង១គ្រឿង ឈ្មួញឈ្មោះ នី កាចាញ ប្រើប្រាស់រថយន្តសាំយ៉ុង១ គ្រឿង ឈ្មួញឈ្មោះ ស្រី ពៅ ហៅពៅបាឡែន បានប្រើប្រាស់ រថយន្តបាឡែន២គ្រឿងសម្រាប់ដឹកជញ្ជូនឈើ ចេ ញទៅស្រុកយួន។ រីឯឈ្មួញឈ្មោះ យាយគ្រឿង ប្រើប្រាស់រថយន្តសាំយ៉ុង១គ្រឿង ឈ្មួញឈ្មោះ ស្រីល័ក្ខណ៍ ប្រើប្រាស់រថយន្តសាំយ៉ុង១គ្រឿង ឈ្មួញឈ្មោះ ស្រីពៅ ហៅពៅតាកូម៉ា ប្រើប្រាស់រថយន្តតាកូម៉ា១គ្រឿង ឈ្មួញឈ្មោះ ឆែ ប្រើប្រាស់រថយន្តឡិចស៊ីស៥៧០មួយគ្រឿងដើម្បីដឹកជញ្ជូនឈើចេញ ទៅស្រុកយួន។
ប្រភពពីមន្ត្រីនៅច្រកទ្វារអន្តរជាតិអូរយ៉ាដាវ ស្រុកអូរយ៉ាដាវ ខេត្តរតនគិរី បានឲ្យដឹងថា មួយរយៈចុងក្រោយនេះលោកឧត្តមសេនីយ៍ត្រី អីុ ចំរើន នាយប៉ុស្ដិ៍នគរបាលអន្តោប្រវេសន៍ច្រក ទ្វារអន្តរជាតិអូរយ៉ាដាវ សម្រុកបើកដៃឲ្យឈ្មួញ៩នាក់ដឹក ជ ញ្ជូនឈើចេញទៅស្រុកយួនយ៉ាងពេញបន្ទុក។ ឈ្មួញមួយចំនួនមានលោក គឹម រស្មី មេបញ្ជាការអាវុធហត្ថ ខេត្តរតនគិរី ជាខ្នងបង្អែករឹងមាំហើយឈ្មួញមួយចំនួនទៀត បានយកលោក សយ សូណា ប្រធានមន្ទីរកសិកម្មខេត្តរតនគិរី និងលោក កែប កត់ នាយខណ្ឌរដ្ឋបាលព្រៃឈើខេត្តរតនគិរី ជាបង្អែកដើម្បីអាចដឹកជញ្ជូនឈើទៅដល់គោលដៅ។ ប៉ុន្តែទោះជាយ៉ាងណាប្រសិនបើគ្មានការឃុបឃិតបើកដៃពី សំណាក់អាជ្ញាធរនិងជំនាញបង្រ្កាបជាពិសេសលោក អីុ ចំរើន មេនគរបាលអន្តោប្រវេសន៍ច្រកទ្វារអន្តរជាតិអូរយ៉ាដាវ ទេនោះគឺគ្មានឈ្មួញណាអាចដឹកជញ្ជូនឈើចេញទៅស្រុកយួនបាន នោះឡើយ។
ប្រភពពីមន្ត្រីជំនាញនិងសមត្ថកិច្ចពាក់ព័ន្ធក្នុងខេត្តរតនគិរី បានឲ្យដឹងថា ឈ្មួញដូចរៀបរាប់ឈ្មោះខាងលើនេះនៅតែ បន្តសកម្មភាពដឹកជញ្ជូនឈើចេញទៅស្រុកយួនតាមច្រកទ្វារ អន្តរជាតិអូរយ៉ាដាវ យ៉ាងរលូន ព្រោះមានលោក អីុ ចំរើន ជា អ្នកបើកបារ៉ាស់ច្រកព្រំដែន។ ការដែលលោក អីុ ចំរើន ហ៊ាន ធ្វើអ្វីៗតាមអំពើចិត្តរបស់ខ្លួនគឺដោយសារអាងមានខ្នងបង្អែក រឹងមាំនៅក្នុងក្រសួងមហាផ្ទៃ ជាពិសេសនៅក្នុងអគ្គនាយកដ្ឋានអន្តោប្រវេសន៍នៃក្រសួងមហាផ្ទៃ។ ជាក់ស្ដែងរហូតមកដល់ ពេលនេះលោក អីុ ចំរើន កំពុងបន្តបើកដៃឲ្យឈ្មួញជាច្រើន នាក់ដឹកជញ្ជូនឈើចេញទៅស្រុកយួនតាមច្រកទ្វារអន្តរជាតិអូ រយ៉ាដាវ យ៉ាងគឃ្លើនហើយថ្នាក់ដឹកនាំក្រសួងមហាផ្ទៃ ព្រមទាំងនាយឧត្តមសេនីយ៍ នេត សាវឿន អគ្គស្នងការ នគរបាលជាតិ បែរជាសម្ងំធ្វើមិនដឹងមិនឮអ្វីទាំងអស់។ ពាក់ព័ន្ធព័ត៌មានខាងលើគេហទំព័រ(www.enn-tv.com)យើងមិនអាចសុំការពន្យល់បកស្រាយពីលោកអីុចំរើនមេនគរ បាលអន្តោប្រវេសន៍ច្រកទ្វារអន្តរជាតិអូរយ៉ាដាវបាននោះទេ៕
