ខេត្តតាកែវ៖លោកឆាយសាវុធអធិការនគរបាលក្រុងដូនកែវនិងកំពុង ត្រៀមខ្លួនឡើងតំណែងជាស្នងការរងនគរបាលខេត្តតាកែវផងនោះ បានប្រើអំពើហិង្សាដាក់ប្រពន្ធខ្លួនឯងយ៉ាងចាស់ដៃខណៈដែលតាម ទាន់ខ្លួនលួចទៅជួបស្រីស្នេហ៍ទាំងកណ្តាលយប់ក្នុងក្រុងដូនកែវ។
ហេតុការណ៍ហិង្សានេះបានកើតឡើងនៅយប់ថ្ងៃព្រហស្បតិ៍៨កើត ខែកត្តិកឆ្នាំចសំរឹទ្ធិស័កព.ស២៥៦២ត្រូវនឹងថ្ងៃទី១៥ខែវិច្ចិកាឆ្នាំ២០ ១៨ស្ថិតក្នុងក្រុងដូនកែវខណៈដែលលោកឆាយសាវុធដែលជាជនដៃ ដល់ស្រវឹងជោកជាំក្នុងកម្មវិធីជប់លៀងពិធីប្រកាសចូលកាន់មុខ តំណែងប្រធានសាលាដំបូងខេត្តតាកែវហើយឆ្លៀតទៅជួបស្រីស្នេហ៍ ក្រោយពីចប់កម្មវិធីក៏ត្រូវប្រពន្ធតាមទាន់ទើបកើតការឈ្លោះក្រកែក រហូតបង្កជាអំពើហិង្សាដាក់ប្រពន្ធយ៉ាងចាស់ដៃបែបនេះតែម្តងទៅ។
លោកសួនផុនស្នងការរងទទួលផែនយុត្តិធម៌នៃស្នងការដ្ឋាននគរ បាលខេត្តតាកែវបានឲ្យដឹងថាករណីនេះជាបទល្មើសព្រហ្មទណ្ឌតែ ដោយសារគ្មានពាក្យបណ្តឹងពីជនរងគ្រោះជំនាញលោកមិនអាចចាត់ ការបានទេម្យ៉ាងទៀតជនបង្កជាមនុស្សមានបុណ្យសក្តិខ្ពស់ផងនោះ ដូច្នេះមានតែព្រះរាជអាជ្ញាទេទើបមានសិទ្ធិចាត់ការតាមនីតិវិធី។
បើយោងតាមប្រភពច្បាស់ការណ៍បានបញ្ជាក់ទៀតថាលោកឆាយ សាវុធគឺជាមនុស្សមានឥទ្ធិពលខ្លាំងណាស់ហើយលោកក៏ជាកូន ប្រសាមេឆ្នោតខុសច្បាប់ដ៏ល្បីល្បាញខាងចាក់ត្រូវលេខធំរាប់ម៉ឺន ដុល្លារមិនសងកូនពេញស្រុកត្រាំកក់។
ជុំវិញករណីនេះដែរមហាជននៅរង់ចាំមើលថាតើលោកឆាយសាវុធ អធិការនគរបាលក្រុងដូនកែងដែលកំពុងត្រៀមខ្លួនឡើងជាស្នងការ រងខេត្តផងនោះត្រូវបានច្បាប់ចាត់ការដែរឬទេ?ស្របពេលដែលលោក ជាមនុស្សដែលទទួលបានការទុកចិត្តពីថ្នាក់លើដំឡើងតួនាទីដើម្បីប ម្រើផលប្រយោជន៍ដល់ប្រជាពលរដ្ឋនិងធ្វើជាគំរូល្អតែបែរជាមកប្រ ព្រឹត្តអំពើមិនល្អដាក់ប្រពន្ធខ្លួនឯងយ៉ាងចាស់ដៃដោយសារស្រីស្នេហ៍ ទៅវិញ ឬក៍ចង់ដើរម៉ូឌែលមេចាស់។
ចំណែកនៅលើបណ្ដាញសង្គមហ្វេសប៊ុកម្ចាស់AccountPouv Sopheapដែលគេដឹងថាជាប្រពន្ធអធិការក្រុង ដូនកែវលោក ឆាយសាវុធបានសរសេររៀបរាប់ថាកាលពីវេលាម៉ោង១០យប់ថ្ងៃទី១៥ ខែវិច្ឆិកាឆ្នាំ២០១៨ប្តីរបស់ខ្លួនបានបញ្ចេញស្នាដៃរបស់ខ្លួនអួតស្រីស្នេហ៍ ដោយលើក ដៃវ៉ៃប្រពន្ធ ដែលតាមទាន់។ អ្នកស្រីក៏បានស្នើឲ្យមិត្តភក្តិនៅក្នុងបណ្ដាញសង្គមហ្វេសប៊ុកជួយចែក រំលែក «Share» តៗគ្នាផងដែរ។
ឆ្លើយតបទៅនឹងការលើកឡើងរបស់AccountFacebookPouv Sopheap លោក ឆាយ សាវុធ អធិការនគបាលក្រុងដូនកែវ ខេត្តតាកែវបានថ្លែងទទួលស្គាល់ថាលោកពិតជាបានប្រើអំពើហិង្សាលើ ប្រពន្ធពិតប្រាកដមែនដោយលោកបានទះនាងមួយកំផ្លៀងហើយមូល ហេតុនៃការប្រើអំពើហិង្សានេះគឺបណ្ដាលមកពីប្រពន្ធរបស់លោកបានបើក រថយន្តបុករថយន្តរបស់ លោកឲ្យខូចខាតគូទខាងក្រោយ ។
តែទោះជាយ៉ាងណាលោកអធិការក្រុងដូនកែវក៏បានអះអាងថានេះជារឿង គ្រួសារផ្ទាល់ខ្លួនរបស់លោកហើយលោកនឹងធ្វើការដោះស្រាយគ្នា ក្នុងរង្វង់គ្រូសារមិនឲ្យមានបញ្ហាវែងឆ្ងាយតទៅទៀតនោះទេ។
បើយោងតាមការ Commentនៅលើការបង្ហោះនោះ មិត្ត ភក្តិមួយចំនួននៅក្នុងហ្វេសប៊ុកបាននាំគ្នារិះគន់លោកអធិការក្រុងដូនកែវ យ៉ាងចាស់ដៃដោយមិនគួរណាដាច់ចិត្តលើកដៃវ៉ៃប្រពន្ធនោះទេ។ ដោយឡែកមិត្តភក្តិខ្លះទៀតក៏បានលើកឡើងថាមិនគួរណាបង្ហោះរឿង គ្រួសារដែលឈ្លោះគ្នាតិចតួចនោះទេមានការអីជជែកគ្នាវិញប្រសើរជាង យកមកបង្ហោះឲ្យគេ ដឹងឮរឿងគ្រួសារផ្ទាល់ខ្លួនបែបនេះ ។
ក្នុងករណីនេះអគ្គស្នងការនគរបាលជាតិនាយឧត្តមសេនីយ៍សន្តិបណ្ឌិត នេតសាវឿននៅថ្ងៃសុក្រ៩កើតខែកត្តិកឆ្នាំចសំរឹទ្ធិស័កព.២៥៦២ត្រូវនឹង ថ្ងៃទី១៦ខែវិច្ឆិកាឆ្នាំ២០១៨បានចេញបទបញ្ជាឲ្យផ្អាកការងារអធិការនគរ បាលក្រុងដូនកែវខេត្តតាកែវគឺលោកឆាយសាវុធជាបណ្តោះអាសន្នដោយ ជាប់ពាក់ព័ន្ធការប្រើហិង្សាទៅលើភរិយារបស់ខ្លួន ។
មន្រ្តីជាន់ខ្ពស់នៃអគ្គស្នងការដ្ឋាននគរបាលជាតិបានថ្លែងថា«នាយឧត្តម សេនីយ៍នេតសាវឿនបានបញ្ជាទៅកាន់ស្នងការនគរបាលខេត្តតាកែវ ចាត់វិធានការផ្អាកការងារមន្ត្រីអធិការនគរបាលក្រុងដូនកែវលោកឆាយ សាវុធក្រោយហេតុការណ៍ប្រើអំពើហិង្សាវាយដំមកលើភរិយារបស់ខ្លួន»។
ក្រោយការបង្ហោះរូបភាពអគ្គស្នងការនគរបាលជាតិបានប្រញាប់ដាក់ បញ្ជា៣ ចំណុចទៅស្នងការ នគរបាលខេត្តតាកែវ។ បទបញ្ជាទាំង៣រួមមាន៖*ទី១៖សូមផ្អាកការងារអធិការនគរបាលរូបនេះ សិនដើម្បីធ្វើការស៊ើបអង្កេត*ទី២៖ពិនិត្យអង្គហេតុនិងធ្វើការសម្រុះស ម្រួលជាមួយនឹងក្រុមគ្រួសារ។ បើសិនជាសម្របសម្រួលមិនបានទេត្រូវកសាងសំណុំរឿងនិងបញ្ជូន ទៅតុលាការ*ទី៣៖ត្រូវអនុវត្តវិន័យកងកម្លាំងនគរបាលដោយចេញលិ ខិតព្រមានផ្អាកការងារ អធិការនគរបាលរួបនេះ៕