ភ្នំពេញ៖លោកស៊ុយឌីម៉ង់កូនប្រុសរបស់លោកស៊ុយសែមរដ្ឋមន្ត្រី ក្រសួងរ៉ែនិងថាមពលនៅពេលនេះត្រូវបានតែងតាំងជារដ្ឋលេខាធិការក្រសួងរ៉ែ និងថាមពល។ ព្រះរាជក្រឹត្យតែងតាំងលោកស៊ុយឌីម៉ង់ជារដ្ឋលេខាធិការក្រសួងរ៉ែ និងថាមពលដែលលោកស៊ុយសែមជាឪពុកធ្វើជារដ្ឋមន្ត្រីត្រូវបានផ្សព្វផ្សាយនៅយប់ថ្ងៃទី០៦ខែវិច្ឆិកាឆ្នាំ២០១៨កាលពីម្សិលមិុញ ដោយមានការតែងតាំងបន្ថែមរដ្ឋលេខាធិការ២រូបនិងអនុរដ្ឋលេខា ធិការ២រូប នៅក្រសួងរ៉ែនិងថាមពល។
មុនក្លាយជារដ្ឋលេខាធិការលោកស៊ុយឌីម៉ង់អគ្គនាយកក្នុងក្រសួងរ៉ែ និងថាមពល។ តាំងពីដើមមកបុគ្គលិកក្នុងក្រសួងជ្រួញចិញ្ចើមខ្សិបខ្សៀវគ្នាមិន សប្បាយចិត្តនឹងលោកស៊ុយឌីម៉ង់ទេពោលគឺឪកូនកាន់ក្រសួងតែ១។
កាលពីឆ្នាំ២០១៥លោកស៊ុយឌីម៉ង់ដែលជាកូនប្រុសរបស់រដ្ឋមន្ត្រីក្រសួងរ៉ែនិងថាមពលលោកស៊ុយសែមត្រូវបានតែងតាំងជាអ្នកនាំ ពាក្យក្រសួងបន្ថែមលើមុខងារជាអគ្គនាយកនៃអគ្គនាយកដ្ឋានកិច្ច ការទូទៅរបស់ក្រសួងរ៉ែនិងថាមពលនិងជាប្រធានក្រុមការងាររៀបចំឯកសារគោលណែនាំស្តីពីកិច្ចការរដ្ឋបាលរបស់ក្រសួងរ៉ែនិងថាមពល។
តួនាទីនិងភារកិច្ចដែលមានចែងនៅលើគេហទំព័ររបស់ក្រសួងរ៉ែនិងថាមពលបង្ហាញថាអគ្គនាយកដ្ឋានកិច្ចការទូទៅនេះទទួលខុសត្រូវលើផ្នែករដ្ឋបាលនិងព័ត៌មានវិទ្យាផ្នែកបុគ្គលិកគណនេយ្យនិងហិ រញ្ញវត្ថុសហប្រតិបត្តិការនិងកិច្ចការអាស៊ាននិងនីតិកម្ម។
មន្ត្រីក្នុងក្រសួងបានលើកឡើងថាកូនកាន់ផ្នែករដ្ឋបាលផ្នែកគណនេយ្យ និងហិរញ្ញវត្ថុក្នុងក្រសួងដែលមានឪជាមេក្រសួងគឺមិនល្អទេជាទំនាស់ផលប្រយោជន៍ខុសត្រូវចែកមិនដាច់ហើយអ្នកទឹកភ្នែកគឺមន្ត្រីក្រោមឱវាទ។
មន្ត្រីក្នុងក្រសួងក៏បានបន្ថែមថា(ការតែងតាំងសាច់ញាតិជាកូន- ឪពុកក្នុងក្រសួងតែមួយបែបនេះគឺមិនមែនជាគំរូល្អទេនិងជាការបំបាក់ ទឹកចិត្តមន្ត្រីជុំវិញ ដែលមានស្នាដៃល្អតែគ្មានឱកាសដូចឪកូន។រឿងដែលបារម្ភនិងការបំបាក់ទឹកចិត្តដល់ការខំធ្វើល្អគឺនៅត្រង់ផល ប្រយោជន៍ជាតិ នឹងតូចជាងផលប្រយោជន៍ឪកូន)។
យ៉ាងណាក៏ដោយជាឪពុកគឺសប្បាយចិត្តហើយដែលជួយកូនឲ្យមានឱកាសកាន់តែធំឡើងនៅក្នុងក្រសួងខ្លួនក៏ប៉ុន្តែការរៀបចំបែបនេះ នឹងបង្កើតឲ្យមានជំងឺសង្គមដ៏រ៉ាំរៃដែលពិបាកព្យាបាលការបាក់ស្រុត នៅពេលអនាគត៕
