ភ្នំពេញ៖លោកសាស្ដ្រាចារ្យម៉មប៊ុនហេងរដ្ឋមន្ដ្រីក្រសួងសុខាភិបាល បានស្នើដល់និស្សិតពេទ្យគ្រប់រូបត្រូវខិតខំលើកកម្ពស់និងត្រូវគោរព ឲ្យបានខ្ជាប់ខ្ជួននូវក្រមសីលធម៌វិជ្ជាជីវៈនៅពេលដែលចុះធ្វើកម្មសិក្សា និងពេលចេញទៅប្រកបវិជ្ជាជីវៈរបស់ខ្លួន។ ការថ្លែងបែបនេះរបស់លោករដ្ឋមន្ដ្រីក្នុងឱកាសអញ្ជើញបើកបវេសន កាលឆ្នាំសិក្សា២០១៨-២០១៩នៅសាកលវិទ្យាល័យវិទ្យាសាស្រ្ត សុខាភិបាល នៅថ្ងៃទី១ ខែវិចិ្ឆកា ឆ្នាំ២០១៨នេះ។
លោករដ្ឋមន្ដ្រីម៉មប៊ុនហេងបានក្រើនរំលឹកដល់និស្សិតពេទ្យទៀតថា “ពេលកំពុងសិក្សារៀនសូត្រត្រូវខិតខំប្រឹងប្រែងឲ្យអស់ពីលទ្ធភាព កម្លាំងកាយចិត្ដដើម្បីក្រេបយកចំណេះវិជ្ជានេះយកទៅប្រើប្រាស់ ប្រកបដោយសមត្ថភាពគុណភាពនិងប្រសិទ្ធិភាពខ្ពស់ដល់អ្នកជំងឺ”។
លោកសាស្ដ្រាចារ្យបានថ្លែងបន្ដថា“សម្រាប់សាកលវិទ្យាល័យវិទ្យាសា ស្ដ្រសុខាភិបាលវិញត្រូវខិតខំបន្ដលើកកម្ពស់គុណភាពនៃការបណ្ដុះ បណ្ដាលនូវចំណេះជំនាញនិងវិធីសាស្ដ្របង្រៀនថ្មីៗទាន់សម័យបច្ចុប្បន្ន ទាំងឧបករណ៍ទ្រឹស្ដីដើម្បីធានាបានថានិស្សិតរបស់យើងទទួលបាននូវ ចំណេះដឹង ជំនាញ និងឥរិយាបថល្អ”។
ជាការឆ្លើយតបលោកសាស្រ្តាចារ្យសាផុនវឌ្ឍនៈសាកលវិទ្យាធិការនៃ សាកលវិទ្យាល័យវិទ្យាសាស្រ្តសុខាភិបាលបានថ្លែងថា“យើងខ្ញុំទាំងអស់ នឹងខិតខំប្រឹងប្រែងឲ្យអស់ពីលទ្ធភាពដើម្បីបណ្ដុះបណ្ដាលចំណេះជំនាញ ជូនដល់និស្សិតពោរពេញទៅដោយសមត្ថភាពចំណេះជំនាញយ៉ាងពិតប្រាកដ”។
បច្ចុប្បន្ននេះសាកលវិទ្យាល័យបាននិងកំពុងខិតខំប្រឹងប្រែងធ្វើឲ្យកាន់មាន ភាពល្អប្រសើរឡើងនូវគុណភាពនៃការបណ្ដុះបណ្ដាលស្របតាមចក្ខុវិស័យ របស់ខ្លួនដែលប្រែក្លាយសាកលវិទ្យាល័យវិទ្យាសាស្ដ្រសុខាភិបាលជាថ្នាល បណ្ដុះបណ្ដាលឈានមុខគេក្នុងវិស័យវិទ្យាសាស្ដ្រសុខាភិបាលដែលទទួល បាននូវការទទួលស្គាល់ថ្នាក់ជាតិនិងអន្ដរជាតិហើយជាមជ្ឈដ្ឋានមួយដែលគ្រូ និស្សិតមន្ដ្រីនិងបុគ្គលិកសុទ្ធតែខិតខំនាំមកនូវឧត្ដមភាពក្នុងការបង្រៀន ការសិក្សា ការស្រាវជ្រាវ និងការផ្ដល់សេវាសាធារណៈ ។
លោកសាស្រ្តាចារ្យសាផុនវឌ្ឍនៈបានបញ្ជាក់បន្ថែមថាក្នុងឆ្នាំ២០១៧-២០១៨ កន្លងមកនេះសាកលវិទ្យាល័យបានបណ្តុះបណ្តាលនិសិ្សតមានចំនួនសរុប ៦,១៤៣នាក់ក្នុងនោះមាននិស្សិតស្រីចំនួន៣,១៨១នាក់និងនិសិ្សតទទួល អាហារូបករណ៍របស់រាជរដ្ឋាភិបាលកម្ពុជាមានចំនួន៦៤៦នាក់។ និសិ្សតថ្នាក់វេជ្ជបណ្ឌិតឯកទេសចំនួន១០៤នាក់បានទទួលអាហារូបករណ៍ ពីសម្តេចតេជោ នាយករដ្ឋមន្រី្តកម្ពុជា។ ព្រមទាំងដំណើរការបណ្តុះបណ្តាលលើគ្រប់មុខជំនាញនិងគ្រប់កម្រិតក្នុង វិស័យសុខាភិបាលពិសេសបានដំណើរការថ្នាក់កម្មវិធីអន្តរជាតិផ្នែកវេជ្ជសាស្រ្ត ផ្នែកគិលានុបដ្ឋាក និងផ្នែកឱសថសាស្រ្ត។ សាកលវិទ្យាល័យបានជ្រើសរើសសាស្រ្តាចារ្យឆ្នើមសម្រាប់ឆ្នាំសិក្សា២០១៧ -២០១៨ចំនួន១៨នាក់មន្រី្តបុគ្គលិកឆ្នើមសម្រាប់ឆ្នាំ២០១៨ចំនួន១៥នាក់ និងនិសិ្សត ចំនួន១០៣នាក់ផងដែរ។
លោករដ្ឋមន្ដ្រីម៉មប៊ុនហេងបានថ្លែងឲ្យដឹងផងដែរថារាជរដ្ឋាភិបាលកម្ពុជា ដែលមានសម្តេចតេជោហ៊ុនសែននាយករដ្ឋមន្រី្តកម្ពុជាបានយកចិត្តទុកដាក់ និងផ្តល់អាទិភាពលើការអភិវឌ្ឍធនធានមនុស្សជាពិសេសក្នុងវិស័យសុខាភិ បាលដូចមានចែងក្នុងយុទ្ធសាស្រ្តចតុកោណដំណាក់កាលទី៤របស់រាជរដ្ឋាភិ បាល នីតិកាលទី៦ នៃរដ្ឋសភា៕