ឈ្មួញធំៗនេសាទប្រើឧបករណ៍ខុសច្បាប់និងបំពាក់ម៉ាស៊ីនធំៗលើទូក ហើយប្រើអួនអូសក្រឡាញឹកគឺជាឧបករណ៍ខុសច្បាប់យ៉ាងធ្ងន់ធ្ងរតែ មន្ត្រីជលផលបិតភ្នែកដេកលក់អស់ខេត្តកំពង់ធំការបំពាក់ម៉ាស៊ីនលើទូកហើយប្រើអួនអូសដោយប្រើម៉ាសីុនគឺជាឧបករណ៍ខុសច្បាប់ស្តីពីច្បាប់ជលផលប៉ុន្តែទូកដែលបំពាក់ឧបករណ៍របៀបនេះមានប្រមាណជាង១០គ្រឿងដែលកំពុងប្រព្រឹត្តល្មើសខុសច្បាប់រាល់ថ្ងៃនៅចំណុចកោះតាបរបឹងទន្លេសាបស្ថិតក្នុងឃុំផាត់សណ្តាយស្រុកកំពង់ស្វាយខេត្តកំពង់ធំ។
ជាក់ស្តែងកាលពីល្ងាចថ្ងៃទី២៥ខែតុលា២០១៨គេឃើញទូកឈ្មួញ ទិញត្រីល្អិតៗនិងទូកអ្នកអូសអដោយម៉ាស៊ីននេះបានមកប្រមូលទិញ ត្រីតាមទូកដែលកំពុងនេសាទនៅចំណុចកោះតាបរក្បែរស្នាក់ការលោក យ៉ាន់ វីសាក់ ហៅសែ នាយផ្នែកជលផលផាត់សណ្តាយ។ យោងតាមប្រភពពីអ្នករកស៊ីអូសអួនដោយម៉ាស៊ីនដែលភាគច្រើនជាជនជាតិវៀតណាមបានឱ្យដឹងថាថៅកែបានរត់ការបង់លុយឱ្យសមត្ថកិច្ចជំនាញ ដើម្បីឱ្យពួកគាត់ចេញអូសប៉ុន្តែអូសបានត្រូវតែយកមកលក់ឱ្យថៅកែ។ ប្រភពពីប្រជាពលរដ្ឋនៅជិតកន្លែងប្រមូលទិញត្រីនោះបាននិយាយថា ក្នុងមួយថ្ងៃឈ្មួញទិញត្រីល្អិៗបានជាច្រើនតោនហើយយប់ឡើងទើបមាន រថយន្តចាំដឹកចេញយកទៅលក់នៅតាមផ្សារនានា ឬភ្នំពេញ។
នៅក្នុងបឹងទន្លេសាបមិនអាចទាក់ទងលោកយ៉ាន់វិសាក់ហៅសែនាយផ្នែក ជលផលផាត់សណ្ដាយ។
សូមបញ្ជាក់ថាក្នុងច្បាប់ជលផលមិនអនុញ្ញាតឲ្យប្រើស្បៃក្រឡាញឹកនេះទេ គឺហាមដាច់ខាតចំពោះការនេសាទគ្រប់ប្រភេទនៅក្នុងដែននេសាទដោយប្រើឧបករណ៍នេសាទទំនើបនាំមកនូវការបំផ្លាញមច្ឆាជាតិ។ ដូច្នេះការប្រើឧបករណ៍អូសអួនក្រឡាញឹកដោយម៉ាស៊ីនគឺខុសនឹងច្បាប់ជលផល៕
