ភ្នំពេញៈប្រភពដែលស្និទ្ធនឹងលោកសាំពិសិដ្ឋប្រធានមន្ទីរសាធារណការរាជធានីភ្នំពេញបានបង្ហើបឲ្យដឹងថាគម្រោងដែលក្រសួងសាធារណការ និងសាលារាជធានីភ្នំពេញប្រគល់ឲ្យមន្ទីរសាធារណការរាជធានីភ្នំពេញ អនុវត្តន៍គឺសុទ្ធ តែមានតម្លៃខ្ពស់លើសក្រុមហ៊ុន ឯកជន។ ប្រភពបានឲ្យដឹងទៀតថាក្រុមហ៊ុនម៉ៅការស្ថាបនាផ្លូវឬជួសជុលផ្លូវក្នុងរាជធានីភ្នំពេញកន្លងមកប្រើប្រាស់សម្ភារៈផ្ទាល់ខ្លួននិងចំណាយលុយបុគ្គលិកកម្មករទាំងស្រុងហើយបង់ពន្ធ១០ភាគរយប៉ុន្តែគេបែរជាចំណា យទាបជាងការអនុវត្តន៍គម្រោងរបស់មន្ទីរសាធារណការរាជធានីភ្នំពេញ។ ប្រភពបានបង្ហើបថាមន្ទីរសាធារណការរាជធានីភ្នំពេញដែលប្រើប្រាស់សម្ភារៈរបស់រដ្ឋបុគ្គលិកកម្មកររដ្ឋនិងមិនបង់ពន្ធមួយសេនណានោះបែរ ជាទទួលគម្រោងក្នុងតម្លៃខ្ពស់ជាងក្រុមហ៊ុនឯកជនម៉ៅការទៅទៀត។
មន្ត្រីរាជការក្នុងមន្ទីរសាធារណការរាជធានីភ្នំពេញបានលើកឡើងថារាល់គម្រោងដែលមន្ទីរសាធារណការរាជធានីភ្នំពេញអនុវត្តន៍ក្នុងការស្ថាបនាផ្លូវជួសជុលផ្លូវឬដំឡើងបង្គោលភ្លើងតាមផ្លូវសាធារណៈនាពេលកន្លងមក សុទ្ធតែមានតម្លៃខ្ពស់ជាងតម្លៃដែលក្រុមហ៊ុនចិនឯកជនម៉ៅការ។ ប្រភពបានឲ្យដឹងទៀតថាបច្ចុប្បន្នលោកសាំពិសិដ្ឋនិងបក្ខពួកនៅក្នុងការិយាល័យផែនការណ៍គណនេយ្យកំពុងឃុបឃិតគ្នាប្រព្រឹត្តអំពើពុក រលួយបំប៉ោងថវិកាចំណាយស្រេចតែអំពើចិត្តរបស់ពួកគេដោយគ្មានញញើតអ្វីទាំងអស់។ ប្រភពបង្ហើបថាហេតុនេះហើយទើបមានសេចក្ដីអំពាវនាវឲ្យលោកឱម យ៉ិនទៀងប្រធានអង្គភាពប្រឆាំងអំពើពុករលួយបើកការស៊ើបអង្កេតទៅ លើរឿងអាស្រូវពុករលួយរបស់លោកសាំពិសិដ្ឋប្រធានមន្ទីរសាធារណការរាជធានីភ្នំពេញជាបន្ទាន់ព្រោះអីលោកស៊ុនចាន់ថុលរដ្ឋមន្ត្រីក្រសួងសាធា រណការនិងដឹកជញ្ជូនក៍សម្ងំស្ងៀមទុក្ខឲ្យលោកសាំពិសិដ្ឋធ្វើអ្វីៗតាមអំពើចិត្ត។
ប្រភពពីមន្ត្រីរាជការនៅក្នុងមន្ទីសាធារណការរាជធានីភ្នំពេញមួយចំនួនបានបង្ហើបឲ្យដឹងថាចាប់តាំងពីលោកសាំពិសិដ្ឋបានកាន់តំណែងជាប្រធានមន្ទីររួចមកគឺលោកសាំពិសិដ្ឋប្រើតួនាទីនិងអំណាចរបៀបអំពើ ពុករលួយច្រើនបែបច្រើនយ៉ាងក្នុងការកេងប្រវ័ញ្ចថវិការដ្ឋដោយគ្មានញញើតអ្វីទាំងអស់។ កន្លងមករឿងអាស្រូវពុករលួយច្រើនបែបច្រើនយ៉ាងរបស់លោកសាំ ពិសិដ្ឋត្រូវបានបើកកកាយជាបន្តបន្ទាប់ប៉ុន្តែលោកស៊ុនចាន់ថុលរដ្ឋមន្ត្រី ក្រសួងសាធារណការនិងដឹកជញ្ជូនបែរជាសម្ងំស្ងៀមធ្វើមិនដឹងមិនឮអ្វីទាំងអស់ហើយបណ្ដោយឲ្យលោកសាំពិសិដ្ឋធ្វើអ្វីៗតាមអំពើចិត្ត។ ប្រភពមន្រ្តីតូចតាចអំពាវនាវឲ្យលោកឱមយ៉ិនទៀងប្រធានអង្គភាពប្រឆាំងអំពើពុករលួយបើកការស៊ើបអង្កេតឲ្យបានស៊ីជម្រៅទៅលើរឿង អាស្រូវពុករលួយរបស់លោកសាំពិសិដ្ឋដើម្បីកុំឲ្យលោកសាំពិសិដ្ឋ និងបក្ខពួកឃុបឃិតគ្នាប្រព្រឹត្តអំពើពុករលួយយ៉ាងគឃ្លើន ។ ប្រភពដដែលបានបង្ហើបថាមន្ទីរសាធារណការនិងដឹកជញ្ជូនរាជធានីភ្នំពេញកន្លងមកមន្ទីរទទួលបានគម្រោងស្ថាបនាផ្លូវនិងជួសជុលផ្លូវ ថែទាំផ្លូវជាច្រើនខ្សែក្នុងរាជធានីភ្នំពេញហើយការចំណាយថវិកាសម្រាប់គម្រោងទាំងនោះត្រូវគេដឹងថាពោរពេញទៅដោយភាពប្រកតី។ ប្រភពបានឲ្យដឹងទៀតថាគម្រោងធ្វើផ្លូវបេតុងក្នុងខណ្ឌពោធិ៍សែនជ័យ និងខណ្ឌព្រែកព្នៅរាជធានីភ្នំពេញគឺពោរពេញទៅដោយអំពើពុករលួយ ហើយលោកស៊ុនចាន់ថុលរដ្ឋមន្ត្រីក្រសួងសាធារណការបែរជាសម្ងំស្ងៀមទៅវិញ។ ដូច្នេះហើយទើបមជ្ឈដ្ឋានប្រជាពលរដ្ឋមួយចំនួនដាក់ការសង្ស័យថា លោកស៊ុនចាន់ថុលជាអ្នកនៅពីក្រោយខ្នងលោកសាំពិសិដ្ឋប្រធានមន្ទីរសាធារណការនិងដឹកជញ្ជូនរាជធានីភ្នំពេញធ្វើអ្វីតាមអំពើចិត្តហើយមានការបែងចែកផលប្រយោជន៍។
ពាក់ព័ន្ធនិងការិះគន់ខាងលើគេហទំព័រ(www.enn-tv.com)យើងមិនអាចសុំការពន្យល់បកស្រាយពីលោកសាំពិសិដ្ឋប្រធាន មន្ទីរសារធារណការនិងលោកស៊ុនចាន់ថុលរដ្ឋមន្រ្តីក្រសួងសារធា រណការនិងដឹកជញ្ជូនបាននោះទេ៕