ខេត្តមណ្ឌលគិរី៖ចៅក្រមស៊ើបសួរនៃសាលាដំបូងខេត្តមណ្ឌលគិរី កាលពីព្រឹកថ្ងៃទី១៨ខែតុលាឆ្នាំ២០១៨បានសម្រេចឃុំខ្លួនជន ល្មើសចំនួន៤នាក់ដាក់ពន្ធនាគារជាបណ្ដោះអាសន្នពីបទកាប់ឈើ ខុសច្បាប់នៅក្នុងដែនជម្រកសត្វព្រៃស្រែពកឋិតក្នុងភូមិសាស្រ្តភូមិ ស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី។
ជនល្មើសទាំង៤នាក់ដែលតុលាការសម្រេចឃុំខ្លួនមាន១.ឈ្មោះវិច វ៉ាត ភេទប្រុសអាយុ២៦ឆ្នាំ,២.ឈ្មោះ លួមថាំង ភេទប្រុស អាយុ២៤ឆ្នាំ,៣.ឈ្មោះសាវាភេទប្រុសអាយុ៣០ឆ្នាំនិងទី៤ឈ្មោះលួម តាំង ភេទប្រុស អាយុ២៧ឆ្នាំ។ ជនល្មើសទាំង៤នាក់មានទីលំនៅភូមិជីមាតឃុំណងឃីលឹកស្រុកកោះ ញែក ខេត្តមណ្ឌលគិរី។
ការសម្រេចឃុំខ្លួនជនល្មើសទាំង៤នាក់ខាងលើនេះគឺបន្ទាប់ពីមន្រ្តី ឧទ្យានុរក្សដែនជម្រកសត្វព្រៃស្រែពកសហការជាមួយកម្លាំងនគរ បាលវរៈសេនាតូចការពារព្រំដែនគោកលេខ៣០៣បានចុះប្រតិបត្តិ ការដើរល្បាតដើម្បីទប់ស្កាត់និងបង្រ្កាបបទល្មើសធនធានធម្មជាតិ ហើយបានទើបប្រទះឃើញជនសង្ស័យកំពុងតែប្រើប្រាស់រណារ យន្តដើម្បីកាប់រំលំដើមឈើជាប្រភេទឈើប្រណិតធ្នង់អស់ជាច្រើន ដើមហើយក៏ត្រូវសមត្ថកិច្ចជំនាញចាប់ឃាត់ខ្លួនបានភ្លាមៗតែម្ដង។
សូមបញ្ជាក់ថាបទល្មើសធនធានធម្មជាតិជាពិសេសការលួចកាប់ ឈើខុសច្បាប់នៅក្នុងដែនជម្រកសត្វព្រៃនានាក្នុងភូមិសាស្រ្តខេត្ត មណ្ឌលគិរីក៏ត្រូវបានរដ្ឋបាលខេត្តមណ្ឌលគិរីតាមរយៈសេចក្ដីណែ នាំស្ដីពីការពង្រឹងវិធានការចាំបាច់នានាក្នុងការទប់ស្កាត់និងការ បង្រ្កាបបទល្មើសព្រៃឈើនិងការកាប់រានដីព្រៃខុសច្បាប់ដើម្បីរួមចំ ណែកអភិរក្សធនធានធម្មជាតិនិងការប្រើប្រាស់ប្រកបដោយនិរន្តរភាព។
គួររម្លឹកដែរថាមាត្រា៦២នៃច្បាប់ស្ដីពីតំបន់ការពារធម្មជាតិបានចែងថា (ត្រូវផ្ដន្ទាទោសជាបទល្មើសធនធានធម្មជាតិថ្នាក់ទី៤និងត្រូវរឹបអូស វត្ថុតាងជាសម្បត្តិរដ្ឋចំពោះជនណាដែលប្រព្រឹត្តបទល្មើសណាមួយដូច ខាងក្រោមៈ១.កាប់គាស់រុករានដីព្រៃឆ្ការដុតនិងឈូសឆាយដីព្រៃ ដើម្បីយកដីធ្វើជាកម្មសិទ្ធិ។
២.កាប់ប្រមូលនិងកែច្នៃឈើប្រណីតគ្រប់ប្រភេទដែលជាច្បាប់មិន អនុញ្ញាត្តិត្រូវតែមានទោសជាធរមាន)៕