ខេត្តកំពង់ឆ្នាំង៖ក្រោយពីមានព័ត៌មានផ្សព្វផ្សាយនៃការរំលោភ សម្លាបក្មេងស្រីពីនាក់បងប្អូននោះឥឡូវនេះឃាតករត្រូវលោក ឧត្តមសេនីយ៍ទោ ឡុចវណ្ណារ៉ាស្នងការនគរបាលខេត្តកំពង់ឆ្នាំង បានបញ្ជាក់ប្រាប់នៅរសៀលថ្ងៃទី២១ខែតុលានេះថាជនដៃដល់ ដែលសម្លាប់ក្មេងស្រីបងប្អូនបង្កើត២នាក់នៅស្រុកបរិបូរណ៌ ខេត្តកំពង់ឆ្នាំងត្រូវបានកម្លាំងនគរបាលឃាត់ខ្លួនបានហើយបន្ទាប់ ពីការសួរនាំរយៈពេល២ថ្ងៃ។
លោកស្នងការបានបន្តថាការសម្លាប់ក្មេងស្រីទាំង២នាក់នេះបាន កើតឡើងពីករណីរំលោភ ហើយសម្លាប់ចោលតែម្តង។
ជនដៃដល់មានឈ្មោះឆុំពយគឺជាអ្នកជិតខាងក្មេងស្រីរងគ្រោះ។ ជនសង្ស័យរូបនេះបានឡើងទៅរំលោភក្មេងស្រីជាបងតែខណៈ នោះក្មេងស្រីជាប្អូនបានឃើញនិងស្រែកហើយដោយសារខ្លាចធ្វើ ឲ្យបែកការណ៍ជនសង្ស័យបានយកខ្នើយសង្កត់ដង្ហើមបណ្តាលឲ្យ ស្លាប់ទាំង២នាក់ភ្លាមៗ។
លោកបន្តថាពីដំបូងជនសង្ស័យប្រកែកមិនព្រមសារភាពនោះទេ តែទីបំផុតដោយសារការប្រើប្រាស់ជំនាញរបស់សមត្ថកិច្ចជនសង្ស័យ ក៏បានសារភាពផ្ទុយទៅវិញឪពុកមានិងម្តាយមីងរបស់ក្មេងស្រីរង គ្រោះ មិនពាក់ព័ន្ធនោះទេ។
លោកឧត្តមសេនីយ៍ទោឡុចវណ្ណារ៉ាបានបញ្ជាក់ដែរថាក្រោយការឃាត់ ខ្លួនជនសង្ស័យហើយកម្លាំងនគរបាលរបស់លោកនឹងនាំជនដៃ ដល់ទៅធ្វើត្រាប់ នៅទីកន្លែងកើតហេតុផងដែរ ៕