ភ្នំពេញ៖ឯកឧត្តមឧត្តមសេនីយ៍ឯកសថេតអគ្គស្នងការរងនិងជា ស្នងការនគរបាលរាជធានីភ្នំពេញបានថ្លែងប្រាប់មន្រ្ដីនគរបាលនៅ តាមបណ្ដារខណ្ឌទាំងអស់ក្នុងរាជធនីភ្នំពេញត្រូវចុះត្រួតពិនិត្យនិង ស្រាវជ្រាវនៅតាមបណ្ដាហាងខារ៉ាអូខេក្នុងមូលដ្ឋានរបស់ខ្លួនដែល អាចមានការប្រើប្រាស់គ្រឿងញៀនឬថ្នាំគ្រវីហើយត្រូវរាយការណ៍ ទៅអភិបាលខណ្ឌ ដើម្បីធ្វើការចុះបង្រ្កាប។
ឧត្តមសេនីយ៍ឯកសថេតបានថ្លែងក្នុងពេលអញ្ជើញជួបសំណេះសំ ណាលជាមួយមន្រ្តីនគរបាលខណ្ឌចំការមននិងខណ្ឌមានជ័យនៅ ស្នងការដ្ឋាននគរបាលរាជធានីភ្នំពេញកាលពីព្រឹកថ្ងៃទី១៩ខែតុលា ម្សិលមិញថាហើយឥឡូវនេះក្លឹបកម្សាន្ដធំៗនេះអភិបាលរាជធានីភ្នំ ពេញលោកធ្វើលិខិតអញ្ជើញទៅប្រជុំនៅរាជធានីភ្នំពេញហើយដែល មានខ្ញុំនិងអាវុធហត្ថចូលរួមដើម្បីជាការលើកទឹកចិត្តហើយនាំគ្នាធ្វើ កិច្ចសន្យាជាមួយរដ្ឋបាលរាជធានីភ្នំពេញនិងសមត្ថកិច្ចដើម្បីគាំពារ នូវសេចក្ដីថ្លៃថ្នូររបស់អាជីរកម្មរបស់ពួកគាត់តែបើបណ្ដោយឲ្យមាន បទ ល្មើសគ្រឿងញៀននៅក្នុងនោះ យើងនឹងធ្វើការបង្រ្កាប ។
ស្នងការនគរបាលរាជធានីភ្នំពេញបានថ្លែងបន្តថាប្រហែលជាសប្ដាហ៍ ក្រោយយើងនឹងធ្វើកម្មវិធីនេះប៉ុន្ដែខាងក្រោយនេះតាមខារ៉ាអូខេទាំង ស្អីនេះមានហើយថ្នាំគ្រវីថ្នាំស្អីនៅក្នុងហ្នឹងអញ្ចឹងយើងត្រូវតែស្រាវជ្រាវ ហើយរាយការណ៍ជូនអភិបាលខណ្ឌដើម្បីដឹកនាំកម្លាំងចម្រុះចុះធ្វើការបង្រ្កាប។
ឧត្តមសេនីយ៍ឯកសថេតបានឲ្យដឹងថាខ្ញុំគិតថាទីតាំងទាំងនោះបានធ្វើ កិច្ចសន្យាអស់ហើយនៅក្នុងខណ្ឌនីមួយៗហើយត្រូវឡើងបញ្ជីរឈ្មោះ ទីតាំងឲ្យបានច្បាស់លាស់៕
