រាជធានីភ្នំពេញ ៖ ផលិតផលជាច្រើននាំចូលមកកម្ពុជាពីប្រទេសជិតខាងទំនងជាប្រភេទទំនិញគេចពន្ធ ព្រោះប្រជាពលរដ្ឋរស់ នៅជិតខាងទីតាំងផ្ទុកទំនិញនោះ មើលឃើញថា ជាទីតាំងដែលពុំមានឈ្មោះ ពុំមានលេខសម្គាល់បានកំពុងតែផ្ទុកទឹក ដោះគោឆៅ និងតៅហ៊ូ ដែលមានចំនួនច្រើនតោន ។
ប្រភពពីប្រជាពលរដ្ឋរស់នៅជិតខាងបានឱ្យដឹងកាលពីពេលថ្មីៗកន្លងទៅនេះថា មានរថយន្តកូរ៉េ ៥តោន ពណ៌ខៀវ ពាក់ស្លាកលេខ ភ្នំពេញ ២ឈ- ២៩០០ ដឹកកេសស្នោរាប់រយ កេស ក្នុងឡាំងនោះមានដប ជ័រតូច គឺដបទឹកដោះគោឆៅ និងតៅហ៊ូរាប់រយកេស យក ស្តុបទុកនៅផ្ទះក្រុមឈ្មួញ ដែលទល់មុខអគ្គនាយកដ្ឋាន កសិកម្មទីតាំងស្តុបផលិតផលមួយនេះសមត្ថកិច្ចជំនាញ ពាក់ព័ន្ធមិនធ្វើការបង្ក្រាបម្តងណា ឡើយ ឬមួយទីតាំងលក់ និងចែកចាយផលិតផលមួយនេះ មានខ្នងបង្អែកជាធំ នៅពី ក្រោយការពារមួយវិញទៀត ម្ចាស់ផលិតផលមួយនេះ បានបង់ប្រាក់ប្រចាំខែឱ្យសមត្ថកិច្ចទាំងអស់នោះដោះដូរ នឹងការបង្ក្រាប ។
ប្រជាពលរដ្ឋបានឃើញ មានទីតាំងស្តុបលក់ផលិតផលទឹកដោះគោឆៅ និងតៅហ៊ូមួយកន្លែង ស្ថិតនៅ ផ្លូវលេខ ២៧១ស្ទួន សង្កាត់ទឹកល្អក់ទី ៣ ខណ្ឌទួលគោក រាជធានីភ្នំពេញ ។ ផលិតផលទឹកដោះ គោឆៅនិងតៅហ៊ូ នាំមកពីប្រទេសថៃចូលមកកម្ពុជា ដោយស្ងាត់ៗដឹកតាមរថយន្ត គ្រប់ប្រភេទរួចចែកចាយបន្ត ទៅលើទីផ្សារនៅ តាមការកុម៉្មង់របស់ឈ្មួញយកទៅលក់ ឱ្យប្រជាពលរដ្ឋទទួលទាន ដោយគ្មានការត្រួតពិនិត្យទៅ លើគុណភាពអ្វីនោះ ឡើយ ។
ក្រុមឈ្មួញទាំងអស់នោះ គិតតែផលប្រយោជន៍ផ្ទាល់ ខ្លួនតែប៉ុណ្ណោះ មិនគិតអំពីសុខ ភាពប្រជាពលរដ្ឋ ទូទាំងប្រទេសរងគ្រោះដោយសារការ ទទួលទានផលិតផលទឹកដោះ គោឆៅនិងតៅហ៊ូ ផលិតផលផ្សេងៗទៀតដែល ក្រុមឈ្មួញ បាននាំយកមកលក់នៅកម្ពុជា ។
ដោយឡែក ក្រុមប៉ូលិសបង្ក្រាបបទល្មើសក្រសួងមហាផ្ទៃក៏ធ្លាប់បានចុះពិនិត្យទីតាំងមួយកន្លែងនេះដែរ គឺគ្រាន់តែអើតឈ្ងោករួចក៏ត្រឡប់ទៅវិញបាត់ស្រមោលតែម្តង ។ ក្រុមប៉ូលិសបង្ក្រាបបទល្មើសសេដ្ឋកិច្ចក្រសួង មហាផ្ទៃនេះ ស្ថិតនៅក្រោមឱវាទ លោក ឡុង ស្រេង ដែលល្បីល្បាញប្រើស្នៀតគោះទឹកឱ្យត្រីចូលស៊ង កំពុងសម្ងំទទួលលាភសក្ការៈពីទីតាំង និងនាំចូលទំនិញល្មើសច្បាប់ផងដែរ ។
កុមារនៅប្រទេសកម្ពុជា បាននឹងកំពុងរងនូវជំងឺផ្សេងៗ ជាច្រើនដោយសារការបរិ- ភោគផលិតផលបំប៉ន សុខភាពមួយចំនួនដែលគ្មានគុណភាព ហើយផលិតផលទាំងអស់នោះ បាននាំចូលពីបណ្តាប្រទេស ជិតខាងហើយ មាននាំចូលលួចលាក់ត្រូវដងត្រូវផ្លែជាមួយនឹងសមត្ថកិច្ចពាក់ព័ន្ធខិលខូចមួយចំនួនដោយពុំធ្វើការត្រួតពិនិត្យឱ្យបាន ត្រឹមត្រូវនោះ ទេ ។ ហើយរាជរដ្ឋាភិបាល បានប្រគល់ភារកិច្ចឱ្យនាយក ដ្ឋានកាំកុងត្រូល ដែលមាន ឯកឧត្តម ម៉ក់ ពេជ្ជរិទ្ធ ជា ប្រធានធ្វើការដឹកនាំមន្ត្រី ក្រោមឱវាទធ្វើការទប់ស្កាត់ (ប្រយោជន៍ដើម្បីសុខភាព ប្រជាពលរដ្ឋទូទាំង ប្រទេស) ។
ប្រជាពលរដ្ឋដែលរស់នៅ ជិតទីទាំងខាងលើបានរិះគន់ ទៅដល់សមត្ថកិច្ចពាក់ព័ន្ធ មួយចំនួនមិនធ្វើការ បង្ក្រាប ។ ប្រជាពលរដ្ឋបានសំណូមពរស្ថាប័នពាក់ព័ន្ធដូចជា នាយកដ្ឋានកាំកុងត្រូល ប៉ូលិសសេដ្ឋកិច្ច ក្រសួងមហាផ្ទៃ ក្រសួង សុខាភិបាលមេត្តាយកចិត្តទុក ដាក់ទៅលើសុខភាពប្រជាពលរដ្ឋផង កុំគិតតែពីផលប្រយោជន៍ផ្ទាល់ខ្លួនពេក សូមចាត់វិធានការបង្ក្រាបបទល្មើសទាំងនោះផង ប្រយោជន៍គឺ សុខភាពប្រជាពលរដ្ឋខ្មែរ យើងទាំងអស់គ្នា ។
ពាក់ព័ន្ធព័ត៌មានខាងលើ សារព័ត៌មានយើងសុំការបំភ្លឺ ពីម្ចាស់ផលិតផលទឹកដោះ គោឆៅ និងតៅហ៊ូដែរ តែ ម្ចាស់ផលិតផលបដិសេធយ៉ាង ខ្លីថា ៖ មិនមែនតួនាទីរបស់ លោកកាសែតទេ សូមទៅ វិញទៅ ព្រោះគាត់រកស៊ីមុខ របរនេះគាត់បានទំនាក់ទំនង សមត្ថកិច្ចជំនាញពាក់ព័ន្ធរួច អស់ទៅហើយ ទើបគាត់រក របបនេះរហូតមកដល់សព្វថ្ងៃ នេះ ៕
