ខេត្តតាកែវ ៖ តាមប្រភពរាយការណ៍ពីប្រជាពលរដ្ឋរស់នៅភូមិតារូង ឃុំភ្នំដិន ស្រុកគីរីវង់បានអោយដឹងថា “កាសុីណូភ្នំដិន” នៅតែបន្តបើកអោយពលរដ្ឋខ្មែរចេញចូលលេងល្បែងសុីសងយ៉ាងគគ្រឹក គគ្រេងដោយសេរី មិនទាន់ឃើញសមត្ថកិច្ចនិងអាជ្ញាធរមូលដ្ឋានណាចុះមកអនុវត្តច្បាប់នៅឡើយទេ!ធ្វើអោយពល រដ្ឋដាក់ការសង័្សយថាឆ្នាំងបាយរបស់អាជ្ញាធរនិងសមត្ថកិច្ចជំនាញពាក់ព័ន្ធនៅក្នុងមូលដ្ឋាន ដោយហេតុ ថាបុគ្គលម្ចាស់”កាសុីណូភ្នំដិន” ហ៊ានបើកអោយពលរដ្ឋខ្មែរចូលលេងល្បែងសុីសងផ្ទុយ ពីច្បាប់អនុញ្ញតប្រឆាំងបទបញ្ជានាយករដ្ឋមន្រ្តី។
ប្រភពពីក្រុមអ្នកញៀនល្បែងចេញចូលលេងក្នុង “កាស៊ីណូភ្នំដិន” បានបង្ហើប ថា បុគ្គលម្ចាស់ទីតាំងបនល្បែងសុីសងមួយកន្លែងនេះហ៊ានបើកអោយពលរដ្ឋខ្មែរចូលលេងល្បែងសុីសងយ៉ាងគគ្រឹក គគ្រេងអនាធិបតេយ្យ រីឯអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានរក្សាភាពស្ងៀមស្ងាត់!បណ្តោយអោយបុគ្គលម្ចាស់ កាស៊ីណូភ្នំដិនបើកដៃអោយពលរដ្ឋខ្មែរចេញចូលលេងល្បែងសុីសងប្រឆាំងបទបញ្ជានាយករដ្ឋមន្រ្តី ហ៊ុន ម៉ាណែត។
គួរបញ្ជាក់ថា កាលពីថ្ងៃទី ១៨ ខែកុម្ភ: ឆ្នាំ២០២៤ កន្លងទៅសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណា ចក្រកម្ពុជា បន្តវេនបានចេញបទបញ្ជាដល់អភិបាលរាជធានីខេត្តទាំងអស់នូវទូទាំងប្រទេសត្រួតពិនិត្យជាបន្ទាន់លើទីតាំងល្បែងសុីសងគ្រប់ប្រភេទផ្សង សំណាងគ្មានការលើកលែង។ ដោយ ឡែកសមត្ថកិច្ចនិងអាជ្ញាធរមូលដ្ឋានស្រុក.ខេត្ត តាកែវបណ្តោយអោយបុគ្គលម្ចាស់”កាស៊ីណូភ្នំដិន ” បើកអោយពល រដ្ឋខ្មែរចូលល្បែងស៊ី សងយ៉ាងពេញបន្ទុក កៀងគរ ប្រមូលប្ដុំពលរដ្ឋខ្មែរអោយចូលលេងល្បែងនៅក្នុងកាសុីណូយ៉ាងគគ្រឹកគគ្រេងចំណែកអាជ្ញាធរនិងសមត្ថកិច្ចមូលដ្ឋានមិនហ៊ានបង្រ្កាបនោះទេ។
ហេតុនេះហើយទើបប្រជាពលរដ្ឋរស់នៅមូលដ្ឋានស្នើដល់ថ្នាក់ដឹកនាំក្រសួងមហា ផ្ទៃ ជាពិសេសនាយឧត្តមសេនីយ៍ ស ថេត អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃនិងជាប្រធានគណៈ កម្មការទប់ស្កាត់បង្រ្កាបបទល្មើសល្បែង សុីសងទូទាំងប្រទេស ដាក់មន្ត្រីជំនាញចុះពិនិត្យ”កាសុីណូភ្នំដិន” ដែលស្ថិតនៅភូមិតារូង ឃុំភ្នំដិន ស្រុកគីរីវង់ ខេត្តតាកែវ ដែលបើកអោយពលរដ្ឋខ្មែរចូល លេងយ៉ាងគគ្រឹកគគ្រេងភាពទាក់ទាញពង្វក់ពលរដ្ឋខ្មែរអោយចូលលេងល្បែង សុីសងដើម្បីទទួលបានរង្វាន់ម៉ូតូ ដែលផ្ទុយពីច្បាប់អនុញ្ញាតនោះ ។ ដូច្នេះសូមលោក វី សំណាង អភិបាលខេត្តតាកែវ ទើបតែងតាំងថ្មី.លោក ឈាង ផាន់ណា រ៉ា ស្នងការនគរបាលខេត្តតាកែវ នឹងឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ អាណត្តិទី៧ គួរតែដាក់មន្ត្រីក្រោមឱវាទចុះពិនិត្យបុគ្គលម្ចាស់ “កាសុីណូភ្នំដិន” ខាងលើប្រព្រឹត្តបំពានលើអាជ្ញាប័ណ្ណ “កាសុីណូ”កំសាន្តរបស់ក្រសួងសេដ្ឋកិច្ចនិងហិរញ្ញវត្ថុអនុញ្ញាត ។
ប្រភពបន្តថា ម្ចាស់”កាស៊ីណូ ភ្នំដិន”មួយកន្លែងនេះមានខ្នង បង្អែករឹងមាំក្នុងខេត្តទើបហ៊ានបើកអោយពលរដ្ឋខ្មែរចូល លេងល្បែងសុីសងយ៉ាងគគ្រឹក គគ្រេងរាល់ថ្ងៃដោយមិនខ្លាច ញញើតអាជ្ញាធរនិងសមត្ថកិច្ចមូលដ្ឋានក្នុងការបង្រ្កាបឡើយ ។
ប្រភពដដែលបានបន្តឲ្យដឹងទៀតថា ល្បែងជល់មាន់បៀអាប៉ោងយូគីនិងល្បែងភ្នាល់ដាក់លុយចាញ់ឈ្នះរាប់ពាន់. រាប់មុឺន ដុល្លារក្នុងមួយថ្ងៃៗមកពីបណ្តាខេត្តនានាជិះម៉ូតូនិងជិះរថយន្តសេរីទំនើបៗប្រមូលផ្តុំគ្នាចូលលេងល្បែងក្នុង”កាសុីណូភ្នំដិន”យ៉ាងសប្បាយស្រែកហ៊ោកញ្រ្ចៀវកងរំពងមិនខ្លាច ញញើតអ្វីទាំងអស់ចំណែកអាជ្ញាធរនិងសមត្ថកិច្ចមិនហ៊ានអនុវត្តន៍តាមបទបញ្ជានាយករដ្ឋមន្រ្តីនោះទេ។ ប្រភពខ្លះបន្តថា បើគ្មានការឃុបឃិតបើកដៃជាប្រព័ន្ធពីរអាជ្ញាធរនិងសមត្ថកិច្ចមូលដ្ឋាន ស្រុក.ខេត្ត.គឺម្ចាស់ “កាស៊ីណូភ្នំដិន”មិនអាចហ៊ានបើកអោយពលរដ្ឋខ្មែរចេញចូលលេងល្បែងសុីសងបានដូចសព្វថ្ងៃនេះបានឡើយ ធ្វើអោយប្រជា ពលរដ្ឋរស់នៅមូលដ្ឋានមាន ការព្រួយបារម្ភភ័យខ្លាចបញ្ហាអសន្តិសុខ សង្គម និងអំពើចោរកម្ម. ឆក់. ប្លន់. លូច. គាស់ផ្ទះគ្រឿងញៀននិងប្រើអំពើហិង្សាគ្រួសារដើមចមកើតចេញពីល្បែងសុីសងនេះ ឯង។
ដែលបញ្ហានេះលោក វី សំណាង អភិបាលខេត្តតាកែវ ទើបតែងតាំងថ្មី. លោក ឈាង ផាន់ណារ៉ា ស្នងការនគរ បាលខេត្តតាកែវ និងឧត្តមសេនីយ៍ត្រី សេង មហា មេបញ្ជារការកងរាជអាវុធហត្ថខេត្តតាកែវ អាណត្តិទី៧ គួរតែចាត់វិធាន ការទប់ស្កាត់និងបង្រ្កាប ម្ចាស់ “កាសុីណូភ្នំដិន”ស្ថិតនៅភូមិ សាស្ត្រខាងលើអោយមានប្រសិទ្ធិភាពស្របតាមគោលនយោបាយ ភូមិ ឃុំ សង្កាត់ មានសុវត្ថិភាព ៧ ចំណុចដែលរាជរដ្ឋាភិបាលបានដាក់ចេញដោយក្រសួង មហាផ្ទៃ ៕មានត
