ភ្នំពេញ៖ រំលឹកថា លោក នូ សុីថា អតីតប្រធានសាខាគយនិងរដ្ឋាករខេត្តបន្ទាយមានជ័យត្រូវបានមន្ត្រីគយតូចតាចរិះគន់ជាខ្លាំងថាចំណូលយ៉ាងច្រើនសន្ធឹកសន្ធាប់ជារៀងរាល់ថ្ងៃគ្រប់ច្រក ល្ហកក្នុងខេត្តបន្ទាយ មានជ័យទាំងមូលជាពិសេសតាមផ្លូវជាតិនិងនៅតាមច្រក របៀងត្រូវបានលោក នូ ស៊ីថា ស៊ីដាច់តែ ឯងធ្វើមានធ្វើបានធ្វើឲ្យមន្ត្រីថ្នាក់ក្រោមមានការមិនពេញ ចិត្តជាខ្លាំងតែមិនហ៊ាននិយាយព្រោះខ្លាចមេកើយ?។
ថ្មី ៗ នេះលោក នូ ស៊ីថា ប្រធានសាខាគយនិងរដ្ឋាករ ខេត្តបន្ទាយមានជ័យ បានមក កាន់មុខតំណែងថ្មីជា ប្រធាននាយកដ្ឋានបង្ការនិងបង្ក្រាបបទល្មើសនៃអគ្គនាយកដ្ឋានគយនិងរដ្ឋាករកម្ពុជា ជំនួស លោក កើត សុធារ៉ា ដែលត្រូវបានចូលនិវត្តន៍ ខណៈគាត់ឡើងកាន់តំណែងជាអគ្គនាយក រងអគ្គនាយកដ្ឋានគយនិងរដ្ឋាករកម្ពុជា ។ ក្នុងមុខតំណែងថ្មីនេះ សង្ឃឹមថា ជាសេនាធិការដ៏សំខាន់របស់ អគ្គនាយកគយនិងរដ្ឋាករកម្ពុជា ក្នុងការប្រមូលពន្ធជូនរដ្ឋ…! ។
ក៏ប៉ុន្តែបន្ទាប់ពីបានឡើងកាន់តំណែងថ្មីភ្លាមលោកបានដាក់ពង្រាយមន្ត្រីគយចល័តគ្រប់ច្រកល្ហករួមទាំងតាមផ្លូវជាតិផងដែរដើម្បីទប់ស្កាត់អំពើរត់ពន្ធ។ ប្រភពពីក្រុមឈ្មួញរកស៊ីដឹកជញ្ជូនទំនិញពីប្រទេសជិតខាងចូលមកកាន់រាជធានីភ្នំពេញបានប្រាប់ថា តាំងពីលោក នូ ស៊ីថា ឡើងកាន់តំណែងភ្លាមតម្រូវអោយមានរាប់ក្បាលឡានបង់លុយច្រើនៗដោយលើកហេតុផលថាដើម្បីរកចំណូលចូលជាតិ តែធាតុពិតកំពុងតែឆ្លៀតស្រង់ដើមវិញច្រើនជាងរកចំណូលចូលជាតិ។ បើតាមការលើកឡើងរបស់ប្រភពផ្ទៃក្នុងគយ បើសង្ឃឹមទៅលើសាម៉ីស្ថាប័ន ក្រសួង សេដ្ឋកិច្ច និងហិរញ្ញវត្ថុ និងអគ្គនាយកដ្ឋានគយនិងរដ្ឋករកម្ពុជានោះ គេមិនសង្ឃឹមទេ មានតែអង្គភាព ACU ប៉ុណ្ណោះដែលអាចរកឃើញនូវភាពស្អុយរលួយរបស់លោក នូ ស៊ីថា ជាអតីតជាប្រធានសាខាគយ និងរដ្ឋាករខេត្តបន្ទាយ មានជ័យ ដែលបានលេបថ្នាំពន្យាកំណើតរហូតបានឡើងកាន់តំណែងថ្មីជាប្រធាននាយកដ្ឋានគយចល័តដែលល្បីពីខេត្តបន្ទាយមានជ័យពីរឿងពុករលួយថាមិនធម្មតានោះ !
មិនតែប៉ុណ្ណោះភាពល្បីល្បាញ របស់លោក នូ ស៊ីថា មិនត្រឹម តែល្បីថាជានាយគយពូកែរចាប់ជម្រឹតគោះឈ្មួញ ប្រជាពលរដ្ឋរកស៊ីកំប៉ិកកំប៉ុកប៉ុណ្ណោះទេ ថែមទាំងល្បីថាជាជនពូកែសូកប៉ាន់ អែបអបថ្នាក់លើ ចាប់តាំងពីមន្ត្រីតូចតាច រហូតក្លាយជាប្រធានច្រកទ្វារ ប្រធានសាខា ប្រធាននាយកដ្ឋាន គយចល័តថាពីចេះពូកែឱបដៃឱបជើងថ្នាក់ លើសូកប៉ាន់និងរហូតដល់ថ្នាក់លើចាត់តាំងឱ្យទៅធ្វើជាប្រធានសាខាគយននិងរដ្ឋាករប្រចាំខេត្តបន្ទាយមានជ័យ ហើយក្រោយ លេបថ្នាំពន្យាកំណើតរួចបានឡើងកាន់ដំណែងជាប្រធាននាយកដ្ឋានគយចល័តយ៉ាងត្រេកត្រអាលបំផុត។
ភាពមិនប្រក្រតីពុករលួយ ក្រុមមន្ត្រីថ្នាក់ក្រោមនិងឈ្មួញបានរិះគន់ទៀតថា គ្រាន់តែបានចូលកាន់តំណែងភ្លាមបានចាត់ តាំងមន្ត្រីអោយចុះប្រចាំការដាក់ប៉ុស្តិតាមគោល ដៅគាបចាប់ជម្រឹតក្រុមឈ្មួញអោយបង់ លុយតាមតែទំនើងចិត្តដោយមិនខ្វល់ពីនយោបាយកំណែទម្រង់លើការប្រមូលពន្ធដែលរដ្ឋាភិបាល ក្រសួង និងអគ្គនាយកដ្ឋានដាក់ចុះនោះទេ !
ទំនងដូចជាឆ្លៀតឱកាសដឹងដែលថ្មីៗនេះលោក នូ ស៊ីថា ត្រូវបានមន្ត្រីគាំទ្រគាត់បាន លួចខ្សឹបថា បានយកតួនាទីរបស់ខ្លួនទៅប្រើប្រាស់ដើម្បីទាញយកផលប្រយោជន៍ប្រព្រឹត្តអំពើពុករលួយយ៉ាងពេញបន្ទុក ដោយលួច ឃុបឃឹតជាមួយក្រុមឈ្មួញដែលជាម៉ូយចាស់របស់មេគយ អតីត ឆែ សុធា ដែលជាបុរសមុខ ក្រាស់មហាពុករលួយមានខ្នងក្រាស់អាចពន្យាកំណើតបានពីរបីឆ្នាំជាបន្តបន្ទាប់នោះ ។
គួរំលឹកថា មុនបានមកកាន់តំណែងជាប្រធានសាខាគយខេត្ត និងប្រធាននាយកដ្ឋានគយចល័ត លោក នូ ស៊ីថា ជាមន្ត្រីគយនៅទិសឧត្តរនៃប្រទេស ហើយដោយសម្លឹងពីផលប្រយោជន៍ផ្ទាល់ខ្លួនធ្វើយ៉ាងណាដើម្បីឆាប់ក្លាយជាអ្នកមានទ្រព្យសម្បត្តិស្តុកស្តម្ភនោះ បុរស នូ ស៊ីថា ក៍បានសូក ប៉ាន់ជ្រែរត់ការយកតំណែងខ្លាញ់តែម្តង ទីបំផុតដោយ សារ តែអំណាចលុយរបស់លោក នូ ស៊ីថា ក្រាស់ឃ្មឹកធំនោះ ចំបង្អែករស័រធំ ក៍បានផ្លោះមេឃឡើងធ្វើជាស្តេចត្រាញ់គយប្រចាំខេត្តបន្ទាយមានជ័យជាខេត្តសម្បូរណ៍ដោយជំនួញសេដ្ឋកិច្ច គ្រប់វិស័យ សម្រាប់អោយ នូ ស៊ីថា បង្កើនប្រាក់ ចំណូលកាន់តែខ្ពស់វិញម្ដង នឹងមានលទ្ធភាពលេបថ្នាំពន្យាកំណើតរហូតបានក្លាយជាប្រធាននាយកដ្ឋានគយចល័តបានយ៉ាងរំភើយ។
ប្រភពនូវបានលើកឡើងទៀតថា កាលលោកនៅកាន់ជាតំណែងប្រធានសាខាគយនិងរដ្ឋាករខេត្តបន្ទាយមានជ័យ លោក នូ ស៊ីថា គឺមានសមត្ថភាពជំនាញខូចខ្ពស់ក្នុងការប្រព្រឹត្តអំពើពុករលួយគ្រប់រូបភាពក្នុងការ ឃុបឃិតជាមួយឈ្មួញរកស៊ីដឹកទំនិញគេចពន្ធឆ្លងដែននឹងបង់ពន្ធមិនគ្រប់ដែលរាល់ទំនិញគ្រប់ប្រភេទត្រូវធ្លាក់ក្នុងកណ្តាប់ដៃលោក នូ ស៊ីថា ទាំងស្រុងជាអ្នកវាយពន្ធប្រថាប់ត្រាតាមបបេមាត់គាត់តែទាំងអស់ហ្នឹង ដោយគ្មានមន្ត្រីរងណាហ៊ានអារកាត់ជំទាស់ជាមួយគាត់បាននោះទេកន្លងមក ។
ចំណែកឯកិច្ចខិតខំប្រឹងប្រែងលើការប្រមូលពន្ធចូលរដ្ឋវិញ និយាយជារួមគឺលោក នូ ស៊ីថា មិនដែលឈឺក្បាលវិលមុខគិត គូររកផលប្រយោជន៍ជូនជាតិឡើយធ្វើយ៉ាងណាឱ្យតែខ្លួនឆាប់បានក្លាយជាអ្នកមានទ្រព្យសម្បត្តិ ដ៏មហិមាហ៊ឺហារ ដើម្បីទៅបង្អួតរៀងបង្ហាញសាច់ដុំថាខ្លួនជាសេដ្ឋីនៅស្រុកកំណើតនោះ គ្មានទេភាពអើពើខំប្រឹងប្រែងប្រមូលពន្ធអោយគ្រប់តាមផែនការដែលរាជរដ្ឋាភិបាលដាក់ចុះនោះ ។
ពាក់ព័ន្ធព័ត៌មានខាងលើនេះ គួរតែក្រសួងសេដ្ឋកិច្ចនិងហិរញ្ញវត្ថុ និងអគ្គនាយកដ្ឋាន គយនិងរដ្ឋាករកម្ពុជា មានវិធានការណ៍ សើរើការប្រកាសតែងតាំង ប្រធាននាយកដ្ឋានគយចល័ត ឡើងវិញផង ដោយហេតុថាខ្វះអ្វីមន្រ្តីមានគុណសម្បត្តិ នៅអគ្គនាយកដ្ឋានគយ និងបញ្ញវន្ត័ស្រករក្រោយស្អេកស្កះទុកអោយគេធ្វើការផងមិនគួរណាមកជ្រើស យកបុគ្គលពុករលួយបុគ្គលលួច ជាតិបំផ្លាញជាតិអោយមកជិះ ជាន់កជាតិ ជាបន្តទៀតនោះទេ ! នេះមានតែអង្គភាព ACU ទេដែលអាចរកឃើញនូវភាពស្អុយរលូយរបស់លោក នូ ស៊ីថា ប្រធាននាយកដ្ឋានគយចល័តដែលល្បីល្បាយពីអំពើពុករលួយធ្វើមានធ្វើបានសំរាប់តែគ្រួសារខ្លួន…….?!
ពាក់ព័ន្ធនឹងរឿងអគ្គនាយកដ្ឋានគយចេះតែ យកធនធាន មនុស្សពុករលួយមុខដដែលៗ មកកាន់ការងារជំនាញប្រមូលពន្ធយ៉ាងអសមត្ថភាពនេះគ្រប់ភាគីពាក់ព័ន្ធការិយាល័យរបស់យើងមិនអាចសុំការបំភ្លឺបានទេ ៕បឋម
