កណ្ដាល៖ ក្រុមអាជីវករអ្នករកស៊ីដឹកទំនិញបន្លែផ្លែឈើ ពីប្រទេសវៀតណាម ចូលមកប្រទេសខ្មែរ បានត្អូញត្អែគ្រប់ៗ គ្នាថា ពួកគាត់រកសុីដឹកបន្លែផ្លែឈើសព្វថ្ងៃនេះស្ទើតែ រកប្រាក់ចំណេញលែងបានទៀតហើយព្រោះលោក សំ កុសល ប្រធានសាខាគយនិងរដ្ឋាករខេត្តកណ្ដាល បង្កើត”ប៉ុស្តិ៍ជជុះ” គ្រប់ច្រកល្ហកតាមដងផ្លូវជាតិនានា ក្នុងភូមិ សាស្ត្រខេត្តកណ្ដាល គាមយកលុយច្រើនដើម្បីស្រង់ដើម ព្រោះហេតុថាមុនលោកមកកាន់ជាប្រធានសាខាគយនិងរដ្ឋាករខេត្តកណ្តាល លោកត្រូវចំណាយទុនអស់យ៉ាងសន្ធឹកសន្ធាប់ទើប បានឡើងកាន់តំណែងខ្លាញ់មួយនេះ។ហេតុនេះហើយទើបលោកដាក់កម្លាំងដៃជើងចាំប្រដេញតាមកាក់ស្ទាក់ចាប់រថយន្តជំរិតយកលុយចូលហោប៉ាវឆៅៗដោយគ្មានវិក្កយបត្រ.ចុងសន្លឹកឬក្រដាស់ បង់ពន្ធចូលរដ្ឋអ្វីនោះទេ?ពោលគឺចាំជំរិត យកលុយស្រស់ៗតែម្ដងក្រោមហេតុផល (ពិនិត្យឯកសារពន្ធ)ជាក់ស្ដែងបង្កើត “ប៉ុស្តិ៍ជជុះ” ដុះស្នឹមនៅផ្លូវជាតិលេខ១ ក្នុងឃុំសំរោងធំ ស្រុកកៀនស្វាយនៅទល់មុខ (វត្តគង្គាស្ទឹង) ដើម្បីចាំស្ទាក់យកលុយពីរថយន្ត ដឹកទំនិញបន្លែផ្លែឈើ ចេញពីវៀតណាម ចូលមកកាន់រាជធានីភ្នំពេញ ដែលបើកលើ ដងផ្លូវជាតិលេខ១ ដោយផ្អែកថា (ត្រួតពិនិត្យឯកសារពន្ធ) ដែលចេញពីព្រំដែន! តាមពិតដាក់កម្លាំងសម្រាប់រាប់ក្បាលឡាន គាបយកលុយចូលហោប៉ាវដើម្បីស្រង់ដើមទៅវិញទេ?។
ក្នុងនោះដែរលោក សំ កុសល បានបង្កើត” ប៉ុស្ដិ៍ជជុះ”នៅផ្លូវ ជាតិលេខ៨ ត្រង់ចំណុចភូមិព្រៃបាំង ឃុំស៊ីធរ ស្រុកខ្សាច់ កណ្ដាល ខេត្តកណ្ដាល សម្រាប់ចាំស្ទាក់ដេញយក លុយ ពីរថយន្តដឹកទំនិញបន្លែផ្លែឈើពី វៀតណាមចូលមកកាន់រាជធានីភ្នំពេញ ដែលបើកលើផ្លូវជាតិលេខ៨នេះ។
អាជីវករបានបន្តអោយដឹងទៀតថា ខ្លួនដឹកបន្លែផ្លែ ឈើគ្រឿងជ័រ”ពីប្រទេសវៀតណាម ចូលភ្នំពេញ ដោយប្រើរថយន្តសាំយ៉ុងគឺត្រូវបានដៃជើងរបស់លោក សំ កុសល មេសាខា គយដែលមានប៉ុស្ដិ៍ជជុះនៅផ្លូវជាតិលេខ ៨ ចំណុចភូមិព្រៃបាំង ឃុំស៊ីធរ ស្រុកខ្សាច់ កណ្ដាល កំណត់អោយបង់លុយចំនួន ១៥០.០០០ រៀល ក្នុង១ជើងៗជាកំហិតមិនអាចតវ៉ាបាន អាជីវករអ្នកដឹកបន្លែផ្លែឈើដដែលពីវៀតណាម ចូលមកភ្នំពេញ តាមច្រកទ្វារអន្តរជាតិម៉ឺនជ័យ ក៏បានលើកឡើងស្រដៀងៗគ្នានេះដែរថា រាល់ថ្ងៃខ្លួនប្រើរថយន្តចំណុះ ៥តោន គឺត្រូវបានក្រុមមន្ត្រី គយដែលមាន”ប៉ុស្ដិ៍ជជុះ”ត្រង់ចំណុចខាង លើ កំណត់យកលុយក្នុង១ជើង១០០.០០០ រៀល យ៉ាងទៀងទាត់តាមការកំណត់របស់លោក សំ កុសល ប្រធានសាខាគយនិងរដ្ឋាករខេត្តកណ្ដាលមិនអាចតវាបានឡើយ។
រថយន្តដឹកផ្លែឈើ ដោយមិនមានបង្កប់ទំនិញ ក្នុង១ជើងៗបង់លុយ៧០.០០០រៀល ជា កំហិត។បើរថយន្ត(វេអង) ដឹកចំណីជ្រូក ដែលមានថៅកែក្រុមហ៊ុនរត់ការហើយនោះ ក៏ត្រូវបង់បាយទឹកជូនកូនចៅលោក សំ កុសល ប្រធានសាខាក្នុង១ជើង ២០.០០០ រៀលផងដែរ។
ក្រុមអាជីវករបានបញ្ជាក់ដូចៗគ្នាថា រាល់ការបង់លុយទាំងនោះ គឺមិនដែលមានចុងសន្លឹកវិក្កយបត្រ ឬបង់ពន្ធចូលរដ្ឋអ្វីនោះទេ? ជារៀងរាល់លើក មន្ត្រីគយត្រង់ចំណុចខាង លើ ហៅដេញស្ទាក់ចាប់រថយន្ត (ពិនិត្យឯក សារពន្ធ) រួចកំណត់ឱ្យបង់លុយចូលហោប៉ាវ តែម្ដង! ។
ក្រុមអាជីវករបានបន្ថែុមទៀតថា ក្រោយ ដេញស្ទាក់ជាច្រើនលើករួចមកហើយនោះ បច្ចុប្បន្នគ្មាននរណាម្នាក់ ហ៊ានរំលងបានឡើយពោលគឺឱ្យតែ បើករថយន្ត មកដល់ “ប៉ុស្ដិ៍ជជុះ”នៅផ្លូវជាតិលេខ៨ ត្រង់ចំណុចភូមិព្រៃបាំង ឃុំស៊ីធរ ស្រុកខ្សាច់កណ្ដាល គឺដឹងតែឈប់និង ចូលបង់លុយឱ្យមន្ត្រីគយជជុះនៅចំណុចនោះគ្រប់ៗគ្នាមិនអាចខានបាន។
ជាក់ស្ដែង ក្នុងមួយថ្ងៃៗមានរថយន្តតូចធំ រាប់សិបគ្រឿង ដែលដឹកជញ្ជូន ទំនិញបន្លែផ្លែឈើ ពីវៀតណាម ចូលមកប្រទេសកម្ពុជាទាំងថ្ងៃទាំងយប់ ដោយបង់ពន្ធមិនគ្រប់..!។ជាហេតុនាំឱ្យមន្ត្រីគយខ្លះបង្កើត”ប៉ុស្តិ៍ជជុះ” ក្រោមហេតុផល (ត្រួតពិនិត្យឯកសារពន្ធ) រួចគាបសង្កត់កំណត់យកលុយពីអាជីវករ ដាក់ហោប៉ាវ បានរាប់សិបលានរៀលក្នុង១ ថ្ងៃៗ ដើម្បីស្រង់ដើមនិងចែក បក្សពួកធ្វើមានបានយ៉ាងសុខស្រួលដោយមិនញញើតអ្វីៗទាំងអស់។ហេតុនេះហើយសូមលោក ឱម យុិនទៀង ប្រធានអង្គភាពប្រឆាំងអំពើ ពុករលួយ ធ្លាប់ប្តេជ្ញាលុបបំបាត់អំពើពុក រលួយតាមដងផ្លូវ ចាត់វិធានការទប់ស្កាត់និងបង្រ្កាបអំពើពុករលួយរបស់លោក សំ កុសល មេសាខាគយខេត្តកណ្ដាលដែលកំពុងពង្រាយដៃជើងបង្កើត”ប៉ុស្តិ៍ជជុះ”ក្នុងខ្សែរក្រវាត់ខេត្តកណ្ដាលផងទាន។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក សំ កុសល ប្រធានសាខាគយនិងរដ្ឋាករខេត្តកណ្តាល រាល់ម៉ោងធ្វើការ ៕មានត