ភ្នំពេញ៖ ប្រភពពីក្រុមអាជីវករអ្នករកស៊ីដឹកទំនិញស្របច្បាប់និងទំនិញគេចពន្ធជាច្រើនប្រភេទឆ្លងដែនចេញពីប្រទេសវៀតណាមចូលមកប្រទេសកម្ពុជា បានបង្ហើបអោយដឹងថា ចាប់តាំងពីលោក ទន់ ចាន់ធី ចូល កាន់តំណែងជាប្រធានស្នាក់ការគយចល័តតំបន់២ បង្ការនិងបង្ក្រាបបទល្មើសរត់ពន្ធភ្លាមនោះមកគឺលោកបានផ្លាស់ប្ដូរប្រព័ន្ធបង់ លុយខុសពីមុនក្នុងបំណងរក្សាការសម្ងាត់កុំឱ្យបែកធ្លាយដល់អ្នកកាសែត ដោយបានកំណត់ឱ្យអាជីវករទៅបង់លុយដាក់ខែផ្ទាល់ខ្លួនរឺទំនាក់ទំនងតាមប្រពន័្ធទូរស័ព្ទផ្ទាល់ខ្លួនដើម្បីរក្សាសម្ងាត់។
ប្រភពបានបន្តឲ្យដឹងថា កាលពីជំនាន់លោក ខៀវ សារឿន ជាប្រធានស្នាក់ការគយចល័តតំបន់២គឺមានការកំណត់យកលុយពីអាជីវករដាក់ហោប៉ាវដែរតែប្រព័ន្ធបង់លុយនៅផ្ទះផ្ទាល់ខ្លួន ប៉ុន្តែមកដល់លោក ទន់ ចាន់ធី ឡើងកាន់តំណែងភ្លាមជាមេគយចល័តតំបន់ ២ លោកក៏បានរៀបចំប្រព័ន្ធគ្រប់គ្រងថ្មី ដោយគាបយកលុយពីអាជីវករ អ្នកដឹកទំនិញពីប្រទេសវៀតណាមចូលមកប្រទេសខ្មែរច្រើនៗជាងមុនជាហេតុនាំឱ្យពួកគាត់ពិបាករកប្រាក់ចំណេញលែងបាន។
ចំណែកឯសម្រាប់រថយន្តដឹកទំនិញធុនតូចក្នុង១រថយន្តចំនួន ២០ម៉ឺនរៀល ជាកំហិតមិនអាចតវាបាន~រថយន្តធុនមធ្យមតម្រូវបង់ចាប់ពី ៣០ម៉ឺនរៀលទៅ ៥០ ម៉ឺនរៀល ក្នុង ១ រថយន្ដ~ ហើយសំរាប់រថយន្តធុនធំ វិញត្រូវបង់ចាប់ពី៥០ម៉ឺនរៀលទៅ ៨០ ម៉ឺនរៀលក្នុង១រថយន្ត។ ជាមួយគ្នានោះដែរបើសម្រាប់រថយន្តដឹកទំនិញសំខាន់ៗដូច ជាគ្រឿងដែក គ្រឿងម៉ាស៊ីន ចេញពីប្រទេសវៀតណាម ចូលមកប្រទេសខ្មែរឆ្លងកាត់ផ្លូវជាតិលេខ១ គឺកំណត់យករហូតដល់ រាប់រយ រាប់ពាន់ដុល្លារឯណោះក្នុង១រថយន្ដ ៗហើយការបង់ លុយទាំងនោះ មិនដែលមានក្រដាសស្នាម ឬចុងសន្លឹកបង្កាន់ដៃបង់ពន្ធចូលរដ្ឋអ្វីនោះទេ។ ទោះជាយ៉ាងណាក៏ដោយរាល់ថ្ងៃនេះគេសង្កេតឃើញក្រុមឈ្មួញជាច្រើន ទាំងតូច ទាំងធំ បាននាំគ្នាសម្រុកដឹក ជញ្ជូនទំនិញផ្សេងៗដូចជាគ្រឿងដែករឿងជ័រអីវ៉ាន់ចាប់ ហួយបន្លែផ្លែឈើចេញពីប្រទេសវៀតណាមចូលមកប្រទេសកម្ពុជា ដោយគេចពន្ធ និង បង់ពន្ធមិនគ្រប់និងខុសច្បាប់តាមច្រកទ្វារព្រំដែននានាទាំងថ្ងៃទាំងយប់ ដឹកគ្មានឈប់ ឈរជាហេតុធ្វើឲ្យសមត្ថកិច្ចជំនាញដេកចាំទទួលផលប្រយោជន៍ស្រាប់ៗយ៉ាងច្រើនសន្ធឹកសន្ធាប់ជាថ្នូមិនបង្ក្រាបទំនិញគេចពន្ធឬ មិនផាកពិន័យចូលរដ្ឋជាដើម។បឋម