ខេត្តស្វាយរៀង ៖ សូមបញ្ជាក់ថាកាលពីថ្ងៃទី ១៨ខែកុម្ភ:ឆ្នាំ ២០២៤ កន្លងទៅថ្មីៗនេះសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាច្រកកម្ពុជា បន្តវេនបានចេញបទបញ្ជាដល់ អភិបាល រាជធានី ខេត្តទាំងអស់នូវទូទាំងប្រទេសត្រួតពិនិត្យជា បន្ទាន់ លើទីតាំងបនល្បែងសុីសងគ្រប់ប្រភេទផ្សងសំណាងទាំងអស់គ្មានការលើកលែង។ដោយឡែកនៅច្រកទ្វារទ្វេភាគីព្រំដែនសំរោង “ហៅច្រកសៀងហៃ” ស្រុកចន្រ្ទា ខេត្តស្វាយ រៀង បើកដំណើការល្បែងស៊ីសងបង្កប់នៅក្នុងកាស៊ីណូគ្មានស្លាកយីហោ បើកដៃអោយពលរដ្ឋខ្មែរនិងជនជាតិវៀតណាមឆ្លងដែនខ្លះមានប៉ាស្ព័រខ្លះទៀតមិនមាន ប៉ាស្ព័រចូលមក លេងល្បែងសុីសង យ៉ាងគគ្រឹកគគ្រេងប្រឆាំងបទបញ្ជាសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាច្រកកម្ពុជា។
បើតាមប្រភពសេចក្តីរាយការណ៍ពីប្រជាពល រដ្ឋរស់នៅក្នុងមូលដ្ឋានបានអោយដឹងថា បុគ្គលដែលហ៊ានបើកល្បែងសុីសងជល់មាន់បៀអាប៉ោងយូគីហ្គេមបាញ់ត្រី និងល្បែងជាច្រើនប្រភេទទៀតបង្កប់នៅក្នុងកាស៊ីណូដែលគ្មានស្លាកយីហោ ប្រហែលមានខ្នងបង្អែករឹងមាំនៅពីក្រោយនិងមានឥទ្ធិពល ទើបហ៊ានបើកអោយពលរដ្ឋខ្មែរនិងជនជាតិ វៀតណាមឆ្លងដែនខ្លះមានប៉ាស្ព័រខ្លះមិនមានប៉ាស្ព័រចូលមកលេងតាមអំពើចិត្ត រីឯអាជ្ញាធរនិងសមត្ថកិច្ចមូលដ្ឋាន.លោក សុខ ម៉ក់ មេប៉ុស្តិ៍នគរបាលច្រកទ្វារទ្វេភាគីព្រំដែនសំរោង”ហៅច្រកសៀងហៃ” ក្នុងស្រុកចន្ទ្រា រក្សាភាពស្ងៀមស្ងាត់!បណ្តោយអោយពលរដ្ឋខ្មែរចូលលេងល្បែងសុីសងក្នុងកាសុីណូគ្មានស្លាកយីហោយ៉ាងគគ្រឹកគគ្រេងផ្ទុយពីច្បាប់អនុញ្ញាត។
ប្រភពបានបង្ហើបថា លោក សុខ ម៉ក់ មេប៉ុស្តិ៍នគរបាលច្រកទ្វារទ្វេភាគីព្រំដែនសំរោង “ហៅច្រកសៀងហៃ” ជាអ្នកកាងរត់ការបង់ សួយសារជូនមន្រ្តីអាជ្ញាធរនិងសមត្ថកិច្ចមូលដ្ឋានគ្រប់ជំនាញពាក់ពន្ធ័ទើបហ៊ានបើកដៃអោយពលរដ្ឋខ្មែរនិងជនជាតិវៀត ណាមឆ្លងដែនខ្លះមានប៉ាស្ព័រ ខ្លះមិនមានប៉ាស្ព័រចូលមកលេងល្បែងសុីសងយ៉ាងពេញបន្ទុក!មិនរំខានដល់អាជ្ញាធរនិងសមត្ថកិច្ចមូលដ្ឋានឡើយ! ធ្វើអោយពលរដ្ឋដាក់ការសង្ស័យថា មន្ត្រីជំនាញពាក់ព័ន្ធប្រចាំច្រកសម្ងំទទួលផលប្រយោជន៍ពីម្ចាស់ទីតាំងល្បែងសុីសងទាំងអស់ នោះអស់ហើយទេដឹង? បានបណ្ដោយអោយក្រុមអ្នកញៀនល្បែងដែលពលរដ្ឋខ្មែរនិងជនជាតិវៀត ណាមឆ្លងដែនចេញចូលមកលេងល្បែងយ៉ាងគគ្រឹកគគ្រេងគ្មានវិធានការទប់ស្កាត់និងបង្ក្រាបសោះ។
មហាជនក៍ដូចប្រជាពលរដ្ឋរិះគន់អាជ្ញាធរនិងសមត្ថកិច្ចមូលដ្ឋាន ស្រុកចន្ទ្រា បើគ្មានការ ឃុបឃិតគ្នាជាប្រព័ន្ធនោះទេម្ចាស់ទីតាំងកាស៊ីណូគ្មានស្លាកយីហោនិងបក្សពួក មិនអាចសាងភាពល្បីល្បាញខាងបើកល្បែងស៊ីសងជល់មាន់ បៀរ អាប៉ោងយូគីហ្គេមបាញ់ត្រី និងល្បែងជាច្រើនប្រភេទទៀតនៅក្នុងស្រុកចន្រ្ទា ខេត្តស្វាយរៀង បានឡើយ។ កាស៊ីណូគ្មានស្លាកយីហោបង្កប់ល្បែងសុីសងខាងលើកំពុងបើកអោយពលរដ្ឋខ្មែរនិងជនជាតិវៀតណាមឆ្លងដែនចេញចូលមកលេងយ៉ាងអនាធិបតេយ្យ ខ្លះមានប៉ាស្ព័រ ខ្លះមិនមានប៉ាស្ព័រ រីឯអាជ្ញាធរនិងសមត្ថកិច្ចមូលដ្ឋាន ស្រុកចន្ទ្រា រក្សាភាពស្ងៀមស្ងាត់ បណ្ដោយអោយពលរដ្ឋខ្មែរនិងជនជាតិ វៀតណាមឆ្លងដែនចូលមកលេងល្បែងសុី សង តាមច្រកទ្វេភាគីព្រំដែនសំរោងហៅច្រកសៀងហៃគ្រប់គ្រងដោយលោក សុខ ម៉ក់ មេប៉ុស្តិ៍ យ៉ាងពេញបន្ទុកមិនទាន់ឃើញអាជ្ញាធរនិងសមត្ថកិច្ចណាចុះធ្វើការទប់ ស្កាត់និងបង្រ្កាបអោយស្របតាមគោលនយោបាយ ភូមិ ឃុំ សង្កាត់ មានសុវត្ថិភាពទាំង៧ នោះទេ!ធ្វើអោយប្រជាពលរដ្ឋរស់នៅក្នុងស្រុកចន្ទ្រា មានការព្រួយបារម្ភភ័យខ្លាច បញ្ហា អសន្តិសុខ សង្គម និងអំពើចោរកម្ម. ចោរលួច.ចោរឆក់ចោរប្លន់.ចោរគាស់ផ្ទះ គ្រឿងញៀននិងប្រើអំពើហិង្សាក្នុងគ្រួសារដើមចមកើតចេញពីល្បែងសុីសងនេះឯង។
ដូច្នេះហើយទើបប្រជាពលរដ្ឋរស់នៅក្នុងស្រុកចន្ទ្រាស្នើដល់លោកនាយឧត្តមសេនីយ៍ ស ថេត អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃនិងជាប្រធានគណៈកម្មការទប់ស្កាត់និងបង្រ្កាបបទល្មើសល្បែងសុីសង ទូទាំងប្រទេសដាក់មន្រ្តីក្រោមឱវាទខេត្តចុះពិនិត្យទប់ស្កាត់និងបង្រ្កាបទីតាំងខាងលើនេះផងទាន!។
ដែលបញ្ហានេះលោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង.លោក ប៉េង ពោធិ៍សា អភិបាលខេត្ត ស្វាយរៀងនិងលោកមេបញ្ជាការកងរាជអាវធហត្ថខេត្តស្វាយរៀង បើពិតមិនបានជាប់ពាក់ព័ន្ធនឹងផលប្រយោជន៍នោះទេ? គួរចាត់វិធានការទប់ស្កាត់និងបង្រ្កាបទីតាំងកាសុីណូគ្មានស្លាកយីហោដែលបុគ្គលនោះ ហ៊ានបើក ល្បែងស៊ីសងជល់ មាន់ បៀរ និងហ្គេមបាញ់ត្រី ខុសច្បាប់ នៅក្នុងកាស៊ីណូ ជាច្រើនកន្លែង ទៀតនៅអមសងខាងប៉ុស្តិ៍នគរបាលច្រកទ្វារទ្វេភាគីព្រំដែនសំរោង”ហៅច្រកសៀងហៃ” ក្រោមការគ្រប់គ្រងរបស់លោក សុខ ម៉ក់ ជាបន្ទាន់ផង ដើម្បីពង្រឹងសុខសុវត្ថិភាពរបស់ប្រជាពលរដ្ឋ៕មានត