កណ្ដាល៖ ក្រុមអាជីវករអ្នករកស៊ីដឹកទំនិញបន្លែផ្លែឈើ ពីប្រទេសវៀតណាម ចូលមកខ្មែរ បានត្អូញត្អែគ្រប់ៗ គ្នាថា ពួក គាត់រកប្រាក់ចំណេញលែងបានហើយព្រោះលោក សំ កុសល ប្រធានសាខាគយនិងរដ្ឋាករខេត្តកណ្ដាល បង្កើត “ប៉ុស្តិ៍ជជុះ”គ្រប់ច្រកល្ហកតាមដងផ្លូវជាតិនានា ក្នុងភូមិសាស្ត្រ ខេត្តកណ្ដាលប្រពឹត្តអំពើពុករលួយដើម្បីស្រង់ដើម ព្រោះថាមុនមកកាន់ជាប្រធានសាខាគយនិងរដ្ឋាករខេត្តកណ្តាលត្រូវចំណាយទុនអស់យ៉ាងសន្ធឹកសន្ធាប់ទើប បានឡើងកាន់តំណែងមួយនេះ។ ដោយ ហេតុនេះទើបលោកដាក់កម្លាំងដៃជើងខ្លួន ចាំប្រដេញតាមកាក់ស្ទាក់ចាប់រថយន្ត ជំរិត យកលុយចូលហោប៉ាវឆៅៗដោយពុំមានចេញវិក្កយបត្រ.ចុងសន្លឹកឬបង់ពន្ធចូលរដ្ឋអ្វីនោះទេ!ពោលគឺចាំជំរិតយកលុយស្រស់ៗ តែម្ដងក្រោមហេតុផល(ពិនិត្យឯកសារពន្ធ) ជាក់ស្ដែងបង្កើត”ប៉ុស្តិ៍ជជុះ” ដុះស្នឹមនៅផ្លូវជាតិលេខ១ ក្នុងឃុំសំរោងធំ ស្រុកកៀន ស្វាយ ទល់មុខ (វត្តគង្គាស្ទឹង) ដើម្បីចាំស្ទាក់យកលុយ ពីរថយន្តដឹកទំនិញបន្លែផ្លែឈើចេញ ពីវៀតណាម ចូលមកកាន់រាជធានីភ្នំពេញ ដែលបើកលើផ្លូវ ជាតិលេខ ១ ដោយផ្អែកថា (ត្រួតពិនិត្យឯកសារពន្ធ) ដែលចេញពីព្រំ ដែននោះ! តែតាមការពិតដាក់កម្លាំងសម្រាប់រាប់ក្បាលឡាន គាបយក លុយចូលហោប៉ាវ ចែកគ្នាធ្វើមានបានយ៉ាងសុខស្រួយក្រុមគ្រួសារខ្លួនតែប៉ុណ្ណោះ។ ក្នុងនោះដែរលោកសំ កុសល ប្រធានសាខាគយ បានបង្កើត”ប៉ុស្ដិ៍ជជុះ”នៅផ្លូវជាតិលេខ៨ ត្រង់ចំណុចភូមិព្រៃបាំង ឃុំស៊ីធរ ស្រុកខ្សាច់កណ្ដាល ខេត្តកណ្ដាល សម្រាប់ចាំស្ទាក់ដេញយកលុយ ពីរថយន្តដឹកទំនិញបន្លែផ្លែឈើ ពីវៀតណាម ចូលភ្នំពេញ ដែល បើកលើផ្លូវជាតិលេខ៨ នេះ។
អាជីវករបានបន្តអោយដឹងទៀតថា ខ្លួនដឹកបន្លែផ្លែ ឈើគ្រឿងជ័រ”ពីប្រទេសវៀតណាម ចូលភ្នំពេញ ដោយប្រើរថយន្តសាំយ៉ុង គឺត្រូវបានដៃជើងលោក សំ កុសល មេសាខាគយដែលមានប៉ុស្ដិ៍នៅផ្លូវជាតិលេខ ៨ ចំណុចភូមិព្រៃបាំង ឃុំស៊ីធរ ស្រុកខ្សាច់កណ្ដាល កំណត់ យកលុយចំនួន ១៥០.០០០ រៀល ក្នុង១ ជើងជាកំហិតមិនអាចតវ៉ាបាន អាជីវករអ្នកដឹកបន្លែផ្លែឈើដដែលពីវៀត ណាម ចូលមកភ្នំពេញ តាមច្រកទ្វារអន្តរជាតិម៉ឺនជ័យ ក៏ បានលើក ឡើងស្រដៀងៗគ្នានេះដែរថា រាល់ថ្ងៃខ្លួនប្រើរថយន្តចំណុះ ៥តោន គឺត្រូវបានក្រុមមន្ត្រីគយ ដែលមាន”ប៉ុស្ដិ៍ជជុះ”ត្រង់ចំណុចខាងលើ កំណត់យកលុយក្នុង១ជើង ១០០.០០០ រៀល យ៉ាងទៀងទាត់តាមការកំណត់របស់លោកសំ កុសល ប្រធានសាខាគយខេត្តកណ្ដាលមិនអាចតវាបានឡើយ។រថយន្តដឹកផ្លែឈើដោយមិនមានបង្កប់ទំនិញក្នុង១ជើង បង់លុយ៧០.០០០រៀល ជាកំហិត។បើរថយន្ត(វេអង) ដឹកចំណីជ្រូក ដែលមានថៅកែក្រុមហ៊ុនរត់ការហើយនោះ ក៏ត្រូវបង់បាយទឹកជូនកូនចៅលោកប្រធានសាខាក្នុង១ជើង ២០.០០០រៀលផងដែរ។
ក្រុមអាជីវករបានបញ្ជាក់ដូចៗគ្នាថា រាល់ការបង់លុយទាំងនោះ គឺមិនដែលមានចុងសន្លឹកវិក្កយបត្រ ឬបង់ពន្ធចូលរដ្ឋអ្វីនោះទេ?ជារៀងរាល់លើក មន្ត្រីគយត្រង់ចំណុចខាងលើហៅដេញស្ទាក់ចាប់រថយន្ត (ពិនិត្យឯកសារពន្ធ) រួចកំណត់ឱ្យបង់ លុយចូលហោប៉ាវតែម្ដង! ។
ក្រុមអាជីវករបានបន្ថែុមទៀត ថា ក្រោយ ដេញស្ទាក់ជាច្រើន លើករួចមកហើយនោះ បច្ចុប្បន្នគ្មាននរណាម្នាក់ ហ៊ានរំលងបានឡើយពោលគឺឱ្យតែ បើករថយន្ត មកដល់ “ប៉ុស្ដិ៍ជជុះ”នៅផ្លូវជាតិលេខ៨ ត្រង់ចំណុចភូមិព្រៃបាំង ឃុំស៊ីធរ ស្រុកខ្សាច់កណ្ដាល គឺដឹងតែឈប់និង ចូលបង់លុយឱ្យមន្ត្រីគយនៅចំណុចនោះគ្រប់ៗគ្នាមិនអាចខានបាន។
ជាក់ស្ដែង ក្នុងមួយថ្ងៃៗមានរថយន្តតូចធំ រាប់សិបគ្រឿង ដែលដឹកជញ្ជូន ទំនិញបន្លែផ្លែឈើ ពីវៀតណាម ចូលមកកម្ពុជាទាំងថ្ងៃទាំងយប់ ដោយបង់ពន្ធមិនគ្រប់..!។ជាហេតុនាំឱ្យមន្ត្រីគយខ្លះបង្កើត”ប៉ុស្តិ៍ជជុះ” ក្រោមហេតុផល (ត្រួតពិនិត្យឯកសារពន្ធ) រួចគាប សង្កត់កំណត់យកលុយពី អាជីវករដាក់ហោប៉ាវ បានរាប់សិបលានរៀលក្នុង១ថ្ងៃៗ ដើម្បី ចែកបក្សពួកធ្វើមានបានយ៉ាងសុខស្រួលដោយមិនញញើតអ្វីៗទាំងអស់។ហេតុនេះហើយសូមលោក ឱម យុិនទៀង ប្រធានអង្គភាពប្រឆាំងអំពើពុករលួយ ធ្លាប់ប្តេជ្ញាលុបបំបាត់អំពើពុក រលួយតាមដងផ្លូវ ចាត់វិធានការទប់ស្កាត់អំពើពុករលួយរបស់លោក សំកុសល មេសាខាគយខេត្តកណ្ដាលស្ទាត់ទំនាញខាងប្រព្រឹត្តអំពើពុករលួយដែលកំពុងពង្រាយដៃជើងក្រុមគយខ្លួនដាក់”ប៉ុស្តិ៍ជជុះ”ក្នុងខ្សែរក្រវាត់ខេត្តកណ្ដាលផងទាន។ ពាក់ព័ន្ធព័ត៌មានខាងលើគេហទំព័រ (www.enn-tv.com)យើងខ្ញុំរងចាំនូវការពន្យល់បកស្រាយពីលោក សំ កុសលប្រធានសាខាគយនិងរដ្ឋាករខេត្តកណ្តាល រាល់ម៉ោងធ្វើការ ៕មានត
