ស្វាយរៀង៖ប្រភពពីក្រុមអាជីវករនិងឈ្មួញរកស៊ីដឹកទំនិញឆ្លងកាត់ផ្លូវជាតិលេខ១តែង តែរអ៊ូរទាំអំពីករណីមន្ត្រីដែលប្រចាំការនៅស្ថានីយ៍ជញ្ជីងថ្លឹងរថយន្តនៅចំណុចផ្លូវជាតិលេខ១ភូមិកំពោតជ្រូក សង្កាត់ព្រៃអង្គញ់ ក្រុងបាវិត ខេត្តស្វាយរៀង កំពុងប្រែក្លាយទៅជាជញ្ចីងថ្លឹងលុយទាំងយប់ទាំងថ្ងៃប្រព្រឹត្តពុករលួយ!បើទោះប្បីជាមិនលើសទម្ងន់ក៏មន្ត្រីនៅស្ថានីយ៏ជញ្ជីងថ្លឹងរថយន្តដែលប្រចាំការនៅទីនោះសុំលុយថ្លៃបាយទឹកនិងកាហ្វេផងដែរ វាក្លាយទៅជាទម្លាប់គួរឲ្យស្អប់ខ្ពើម ។
ប្រភពពីក្រុមឈ្មួញតូច ធំដឹកទំនិញ ឆ្លងកាត់ស្ថានីយ៍ជញ្ជីងថ្លឹងរថយន្តផ្លូវជាតិលេខ១ភូមិកំពោតជ្រូកបានឲ្យដឹងទៀតថា ទោះបីលេីស ទម្ងន់ឬមិនលេីសទម្ងន់ក៍ត្រូវក្រុមមន្រ្តីប្រចាំការនៅស្ថានីយ៍ជញ្ជីងថ្លឹងរថយន្តខាងលើតម្រូវឲ្យបង់លុយតាមការកំណត់របស់លោកប្រធានស្ថានីយ៍ជញ្ជីងរថយន្តផ្លូវជាតិលេខ១ ភូមិកំពោតជ្រូក សង្កាត់ព្រៃអង្គុញ ក្រុងបាវិត មិនអាចតវាបាន!ដោយមានការបើកដៃពី សំណាក់លោក នួន លីហួន ប្រធានមន្ទីរ សាធារណការ និងដឹកជញ្ជូនខេត្ដស្វាយរៀងទើបប្រធានស្ថានីយជញ្ជីងថ្លឹងរថយន្តផ្លូវជាតិលេខ១ភូមិកំពោតជ្រូកប្រែក្លាយទៅជាស្ថានីយ៍ជញ្ជីងថ្លឹងលុយតាមអំពេីចិត្ត។
បើតាមប្រភពបង្ហើបពីមន្ត្រីមន្ទីរសាធារណ ការ និងដឹកជញ្ជូនខេត្តស្វាយរៀង បានអោយដឹងថា ដោយមានការឃុបឃិទើបគ្នាជាប្រព័ន្ធទើបក្រុមមន្ត្រីនៅស្ថានីយ៍ថ្លឹងរថយន្តមួយកន្លែងនេះរិះរកវិធីគ្រប់បែបយ៉ាងដើម្បីប្រមូលលុយឲ្យបានច្រើនពី ព្រោះវាជាមុខមាត់របស់ស្ថានីយ៍ជញ្ជីងថ្លឹងរថយន្តផងនិងមានចំណូលដាក់ក្នុងហោប៉ៅធ្វើមានបានយ៉ាងសុខស្រួលផង។ ក្រុមអ្នកបើករថយន្តភាគច្រើនបានព្យាយាមគេចវាងតាមផ្លូវផ្សេងពីព្រោះតែមន្ត្រីនៅប្រចាំ ការនៅស្ថានីយ៍ជញ្ជីងថ្លឹងមួយកន្លែងនេះទារលុយច្រើនៗបើទោះប្បីជាមានការលើសទម្ងន់បន្តិចបន្តួចក៏ដោយ។
ជាងនេះទៅទៀតបើទោះប្បីជាមិនលើសទម្ងន់ក៏មិនត្រូវមន្រ្តីប្រចាំការហាមាត់លូកដៃសុំលុយថ្លៃបាយទឹកកាហ្វេប្រចាំថ្ងៃនោះដែរ ព្រោះអ្នករកស៊ីដឹកទំនិញទទួលស្គាល់ថា ការដឹក ជញ្ជូនអាចមានលើសទម្ងន់បន្តិចបន្តួច ប៉ុន្តែមិនដល់ថ្នាក់រាប់តោននោះទេ ។
រីឯពួកមន្ត្រីដែលប្រចាំការនៅស្ថានីយ៍ថ្លឹងរថយន្តទាំងនេះបន់ឲ្យតែមានរថយន្តដឹក លើសទម្ងន់ដើម្បីសង្កត់ ក យកលុយតែប៉ុណ្ណោះ។ រឿងពួកមន្ត្រីនៅស្ថានីយ៍ថ្លឹងរថយន្តពិតជាបង្កឲ្យមានការក្តៅ ក្រហាយដល់អ្នករកស៊ីដឹកទំនិញនានាហើយជាពិសេសពួកអ្នកដឹកទំនិញមួយចំនួនឆ្លៀតឱកាសវាងផ្លូវ ដែលបណ្ដាលឲ្យផ្លូវដ៍ទៃទៀត នឹង ស្ពាន ខូចខាតជាបន្ដបន្ទាប់។
បញ្ហានេះក្រុមអ្នកបើកបររថយន្តនឹងឈ្មួញ រកសុីដឹកទំនិញតូចធំស្នើដល់ លោក ប៉េង ពោធិ៍នា រដ្ឋមន្ត្រីក្រសួង សាធារណការ និងដឹកជញ្ជូន និងលោក សេង ឈួន មេស្ថានីយ៍ជញ្ជីងថ្លឹងរថយន្តទូទាំងប្រទេសរួមទាំងលោក ប៉េង ពោធិ៍សា អភិបាលខេត្តស្វាយរៀង មិនគួរបណ្ដែតបណ្ដោយឲ្យប្រធានស្ថានីយ៍ជញ្ជីងថ្លឹងរថយន្ត ផ្លូវជាតិ លេខ១នៅចំណុច ភូមិកំពោតជ្រូក សង្កាត់ព្រៃអង្គញ់ ក្រុងបាវិត ប្រែក្លាយជាជញ្ជីងថ្លឹងលុយទាំងយប់ទាំងថ្ងៃប្រព្រឹត្តពុករលួយមិនញញើតអ្វីទាំងអស់។ហេតុនេះសូមលោក ឱម យ៉ិនទៀង ប្រធានអង្គភាពប្រឆាំងពុករលួយធ្លាប់ប្ដេជ្ញាលុបបំបាត់អំពើពុករលួយនៅតាមដងផ្លូវនោះចាត់វិធានការទប់ស្កាត់និងបង្រ្កាបអំពើពុក រលួយរបស់ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ ១ភូមិកំពោតជ្រូកសង្កាត់ព្រៃអង្គុញ ក្រុងបាវិត ខេត្តស្វាយរៀងផងទាន៕មានត