ភ្នំពេញ ៖ថ្មី ៗនេះលោក នូ ស៊ីថា ប្រធានសាខាគយនិងរដ្ឋាករ ខេត្តបន្ទាយមានជ័យ បានមកកាន់តំណែងថ្មី”ហៅថាគយចល័ត” ជាប្រធាននាយកដ្ឋានបង្ការនិងបង្ក្រាបបទល្មើសនៃអគ្គនាយកដ្ឋានគយនិងរដ្ឋាករកម្ពុជា ជំនួស លោក កើត សុធារ៉ា ខណៈគាត់ឡើងកាន់តំណែងជាអគ្គនាយករងអគ្គនាយកដ្ឋានគយនិងរដ្ឋាករកម្ពុជា ។ ក្នុងតំណែងថ្មី សង្ឃឹមថា ជាសេនាធិការដ៏សំខាន់របស់ អគ្គនាយកគយនិងរដ្ឋាករកម្ពុជា ក្នុងការប្រមូលពន្ធជូនរដ្ឋ…! ។
ក៏ប៉ុន្តែបន្ទាប់ពីបានឡើងងកាន់តំណែងថ្មីភ្លាមលោកបានដាក់ពង្រាយមន្ត្រីគយចល័តជំនិតៗរបស់ខ្លួនគ្រប់ច្រកល្ហករួមទាំងតាមផ្ផ្លូវជាតិដើម្បីទប់ស្កាត់អំពើរត់ពន្ធ។ ដោយឡែកប្រភពពីឈ្មួញរកស៊ីដឹកជញ្ជូនទំនិញចេញពីប្រទេសជិតខាងចូលមកកាន់រាជធានីភ្នំពេញបានប្រាប់ថា តាំងពីលោក នូ ស៊ីថា ឡើងមកកាន់តំណែងភ្លាមនោះតម្រូវអោយមានរាប់ក្បាលឡានបង់លុយច្រើនៗដោយលើកហេតុផលថាដើម្បីរកចំណូលចូលជាតិ តែធាតុពិតកំពុងតែឆ្លៀតស្រង់ដើមវិញច្រើនជាងរកចំណូលចូលជាតិ។
ថ្មីៗនេះបើតាមការលើកឡើងរបស់ប្រភពផ្ទៃក្នុងគយ បើសង្ឃឹមទៅលើសាម៉ីស្ថាប័ន ក្រសួងសេដ្ឋកិច្ច និងហិរញ្ញវត្ថុ និងអគ្គនាយកដ្ឋានគយនិងរដ្ឋាករកម្ពុជានោះ គេមិនសង្ឃឹមទេ ?មានតែអង្គភាព ACU ប៉ុណ្ណោះដែលអាចរកឃើញនូវភាពស្អុយរលូតរបស់លោក នូ ស៊ីថា ជាអតីតជាប្រធានសាខាគយ និងរដ្ឋាករខេត្តបន្ទាយមានជ័យ ដែលបាន លេបថ្នាំពន្យាកំណើតរហូតបានឡើងកាន់ដំណែងជាប្រធាននាយកដ្ឋានបង្ការនិងបង្រ្កាបបទល្មើសនៃអគ្គនាយកដ្ឋានគយនិងរដ្ឋាករកម្ពុជាដែលកំពុងល្បីនាពេលថ្មីពីខេត្តបន្ទាយមានជ័យពីរឿងពុករលួយថាមិនធម្មតានោះ!
មិនតែប៉ុណ្ណោះភាពល្បីល្បាញ របស់លោក នូ ស៊ីថា មិនត្រឹមតែល្បីថាជានាយកគយពូកែចាប់ជម្រឹតគោះឈ្មួញ ប្រជាពលរដ្ឋរកស៊ីកំប៉ិកកំប៉ុកប៉ុណ្ណោះទេ ថែមទាំងល្បីថាជាជនពូកែសូកប៉ាន់ អែបអបថ្នាក់ លើចាប់តាំងពីមន្ត្រីតូចតាច រហូតក្លាយជាប្រធានច្រកទ្វារ ប្រធានសាខា ប្រធាននាយកដ្ឋានគយចល័តទូទាំងប្រទេសថាពីចេះពូកែឱបដៃ ឱបជើងថ្នាក់លើសូកប៉ាន់និងរហូតដល់ថ្នាក់លើចាត់តាំងឱ្យទៅធ្វើជាប្រធានសាខាគយប្រចាំខេត្តបន្ទាយមានជ័យ ហើយក្រោយលេបថ្នាំពន្យាកំណើតរួចបានឡើងកាន់ដំណែងប្រធាននាយកដ្ឋានបង្ការនិងបង្រ្កាបបទល្មើសនៃអគ្គនាយកគយនិងរដ្ឋាករកម្ពុជា យ៉ាងត្រេកត្រអាលបំផុត ។
ភាពមិនប្រក្រតី ក្រុមមន្ត្រីថ្នាក់ ក្រោមនិងឈ្មួញបានរិះគន់ទៀតថា គ្រាន់តែបានចូលកាន់តំណែងភ្លាមៗបានចាត់តាំងមន្ត្រីអោយចុះប្រចាំការដាក់ប៉ុស្តិ៍តាមគោលដៅគាបចាប់ជម្រឹតក្រុមឈ្មួញអោយបង់លុយនិងប្រជាពលរដ្ឋនាំឥវ៉ាន់បន្តិតបន្តួចតាមច្រកអោយ បង់លុយតាមតែទំនើងចិត្តដោយមិនខ្វល់ពីនយោបាយកំណែទម្រង់លើការប្រមូលពន្ធដែលរដ្ឋាភិបាល ក្រសួង និងអគ្គនាយកដ្ឋានដាក់អោយអនុវត្តនោះទេ !
ទំនងដូចជាឆ្លៀតឱកាសដឹងដែលថ្មីៗនេះលោក នូ ស៊ីថា ត្រូវបានមន្ត្រីគាំទ្រគាត់បាន លួចខ្សឹបខ្សៀវថា បានយកតួនាទីរបស់ខ្លួនទៅប្រើប្រាស់ ដើម្បីទាញយកផលប្រយោជន៍ប្រព្រឹត្តអំពើពុករលួយយ៉ាងពេញបន្ទុក ដោយលួចឃុបឃឹតជាមួយក្រុមឈ្មួញធំៗដែលជាម៉ូយចាស់របស់មេគយ អតីត ឆែ សុធា ដែលជាបុរសមុខក្រាស់មហាពុករលួយមានខ្នងក្រាស់អាចពន្យាកំណើតបានពីរបីឆ្នាំជាបន្តបន្ទាប់នោះ ។
គួរំលឹកថា លោក នូ សុីថា ប្រធានសាខាគយខេត្តបន្ទាយមានជ័យ បច្ចុប្បន្ននេះជាប្រធាននាយកដ្ឋានបង្ការនិងបង្រ្កាបបទល្មើសនៃអគ្គនាយកដ្ឋានគយនិងរដ្ឋាករកម្ពុជា លោក នូ ស៊ីថា ជាមន្ត្រីគយនៅទិសឧត្តរនៃប្រទេស ហើយដោយសម្លឹងពីផលប្រយោជន៍ផ្ទាល់ខ្លួនធ្វើយ៉ាងណាដើម្បីឆាប់ក្លាយជាអ្នកមានទ្រព្យសម្បត្តិស្តុកស្តម្ភនោះ បុរស នូ ស៊ីថា ក៍បានសូកប៉ាន់ជ្រែរត់ការយកតំណែងខ្លាញ់តែម្តង ទីបំផុត ដោយសារតែអំណាចលុយរបស់លោក នូ ស៊ីថា ក្រាស់ឃ្មឹកធំ ចំ បង្អែក រស័រធំ ក៍បានផ្លោះមេឃឡើងធ្វើជាស្តេចត្រាញ់គយប្រចាំខេត្តបន្ទាយមានជ័យជាខេត្តសម្បូរណ៍ដោយជំនួញសេដ្ឋកិច្ច គ្រប់វិស័យ សម្រាប់អោយ នូ ស៊ីថា បង្កើនប្រាក់ ចំណូលកាន់តែខ្ពស់វិញម្ដង នឹងមានលទ្ធភាពលេបថ្នាំពន្យាកំណើតរហូតបានក្លាយជាប្រធាននាយកដ្ឋានបង្ការនិងបង្រ្កាបបទល្មើសនៃអគ្គនាយកដ្ឋានគយនិងរដ្ឋាករកម្ពុជា បានយ៉ាងរំភើយ។
ប្រភពបានបន្តទៀតថា លោក នូ សុីថា កាលនៅកាន់តំណែងប្រធានសាខាគយខេត្តបន្ទាយមានជ័យគឺលលោកមានជំនាញខ្ពស់ក្នុងការប្រព្រឹត្តអំពើពុករលួយគ្រប់រូបភាពក្នុងការឃុបឃិតជាមួយឈ្មួញរកស៊ីដឹកទំនិញគេចពន្ធឆ្លងដែននឹងបង់ពន្ធមិនគ្រប់ដែលរាល់ទំនិញគ្រប់ប្រភេទត្រូវធ្លាក់ក្នុងកណ្តាប់ ដៃលោក នូ ស៊ីថា ទាំងស្រុងជាអ្នកវាយពន្ធប្រថាប់ត្រាតាមបរបូមាត់គាត់តែទាំងអស់ ដោយគ្មានមន្ត្រីរងណាហ៊ានអារកាត់ជំទាស់ជាមួយគាត់បានទេកន្លងមក ។
ចំណែកឯកិច្ចខិតខំប្រឹងប្រែងលើការប្រមូលពន្ធចូលរដ្ឋវិញ និយាយជារួមគឺលោក នូ ស៊ីថា មិនដែលឈឺក្បាលវិលមុខគិត គូររកផលប្រយោជន៍ជូនជាតិឡើយធ្វើយ៉ាងណាឱ្យតែខ្លួនឆាប់បានក្លាយជាអ្នកមានទ្រព្យសម្បត្តិ ហ៊ឺហារ ដើម្បីទៅបង្អួតរៀងបង្ហាញសាច់ដុំថាខ្លួនជាសេដ្ឋីនៅស្រុកកំណើតនោះ គ្មានទេភាពអើពើខំប្រឹងប្រែងប្រមូលពន្ធអោយគ្រប់តាមផែនការដែលរាជរដ្ឋាភិបាលដាក់ចុះអោយអនុវត្តនោះ ។
ជុំវិញព័ត៌មានខាងលើនេះ គួរតែក្រសួងសេដ្ឋ កិច្ចនិងហិរញ្ញវត្ថុ និងអគ្គនាយកដ្ឋានគយនិងរដ្ឋាករកម្ពុជា មានវិធានការណ៍សើរើការប្រកាសតែងតាំង ប្រធាននាយកដ្ឋានបង្ការនិងបង្រ្កាបបទល្មើសនៃអគ្គនាយកដ្ឋានគយនិងរដ្ឋាករកម្ពុជា ឡើងវិញផង ដោយហេតុថាខ្វះអ្វីមន្រ្តីមានគុណសម្បត្តិ នៅអគ្គនាយកដ្ឋាន និងបញ្ញវន្ត័ជុំនាន់ក្រោយៗស្អេកស្កះទុកអោយគេធ្វើការផងមិនគួរណាមកជ្រើសយកបុគ្គលពុករលួយបុគ្គលលួច ជាតិបំផ្លាញជាតិអោយមកជិះជាន់កជាតិ ជាបន្តទៀតនោះទេ ! ដូច្នេះមានតែអង្គភាព ACU ទេដែលអាច រកឃើញនូវភាពស្អុយរលូយរបស់ លោក នូ ស៊ីថា ប្រធាននាយកដ្ឋានបង្ការនិងបង្ក្រាប បទល្មើសនៃអគ្គនាយកដ្ឋានគយនិងរដ្ឋាករកម្ពុជា ដែលល្បីល្បាញពីអំពើពុករលួយធ្វើមានធ្វើបានសំរាប់តែគ្រួសារខ្លួន…….?!
ពាក់ព័ន្ធនឹងរឿងអគ្គនាយកដ្ឋានគយ ចេះតែ យកធនធាន មនុស្សពុករលួយមុខដដែលៗ មកកាន់ការងារជំនាញប្រមូលពន្ធយ៉ាងអសមត្ថភាពនេះគ្រប់ភាគីពាក់ព័ន្ធការិយាល័យព័ត៌មានរបស់យើងមិនអាចសុំការបំភ្លឺបានទេក្នុងថ្ងៃនេះ៕មានត