បន្ទាយមានជ័យ៖ កាលពីកន្លងទៅឧត្តមសេនីយ៍ត្រី អុី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរ ជាតិប៉ោយប៉ែត បានដាក់បទបញ្ជាយ៉ាងមុឺងម៉ាត់ដល់មន្ត្រីក្រោមឱវាទរៀបចំសណ្តាប់ធ្នាប់អោយបានល្អប្រសើរកុំឱ្យមានភាពរញ៉េរញ៉ៃ ត្រូវហាម ឃាត់អ្នករត់ម៉ូតូឌុប និងអ្នករត់ (pass app) មិនឱ្យមកចាប់ភ្ញៀវនៅមុខច្រកទ្វារអន្តរជាតិប៉ោយប៉ែតឡើយ ដើម្បីកុំឱ្យមានការកកស្ទះដល់ភ្ញៀវជាតិភ្ញៀវអន្តរជាតិ ដែលធ្វើដំណើរឆ្លងកាត់ទៅមកនិងលើកមុខមាត់ប្រទេស ។
ប៉ុន្តែការដាក់បទបញ្ជាររបស់ឧត្តមសេនីយ៍ត្រី អុី ចំរើន នាយប៉ុស្តិ៍នគរបាលអន្តោប្រវេ សន៍ច្រកទ្វារអន្តរជាតិ ប៉ោយប៉ែត គ្មានប្រសិទ្ធ ភាពទាល់តែ សោះ!ព្រោះតែការប្រមូលលុយដាក់ខែចូលហោប៉ៅ ធ្វើមានបានតាមរយៈលោកវរសេនីយ៍ឯក ឃួន ឬទ្ធិ ពីអ្នករត់ម៉ូតូឌុប និងអ្នករត់ (pass app) ប្រចាំខែ ទើបមិនខ្វាយខ្វល់ពីមុខមាត់ច្រកទ្វារនិងបទបញ្ជាឧត្តមសេនីយ៍ត្រី អុី ចំរើន ឡើយ។
បន្ទាប់ពីឃើញទិដ្ឋិភាពបែបនេះប្រជាពលរដ្ឋបានលើកឡើងថា ប្រហែលបទបញ្ជារបស់ឧត្តមសេនីយ៍ត្រី អុី ចំរើន នាយប៉ុស្តិ៍ច្រកទ្វារអន្តរជាតិប៉ោយប៉ែត មិនធំជាងលុយទេ?ឬ មួយបិទភ្នែកប៉ោយដៃ បានជាមន្រ្តីក្រោមឱវាទហ៊ានអនុវត្តន៍ផ្ទុយពីបទបញ្ជាទៅវិញ។
បើតាមប្រភពពីក្រុមអ្នករត់ម៉ូតូឌុប និងអ្នករត់ (pass app)បានរៀបរាប់អោយដឹងថា មូលហេតុដែលពួកគាត់បានចូលមកដឹកភ្ញៀវនៅក្នុងមុខច្រកបានដោយរលូន ដោយសាការតម្រូវឱ្យពួកគាត់បង់លុយជាប្រចាំខែចំនួន ១នាក់ (ម៉ូតូ១ គ្រឿង) ចំនួន២៥០០បាត (ពីរពាន់បាត) ទៅ៣០០០បាត (បីពាន់បាត) ក្នុងមួយខែៗ រឺមានលើសពីនេះ។ មានទាំងក្រុមរត់ម៉ូតូឌុប (VlP) 5000បាត (ប្រាំពាន់បាត) ទៅ6000បាត (ប្រាំមួយពាន់បាត ) រត់ដោយ សេរី ទៅឱ្យលោកវរសេនីយ៍ឯក ឃួន ឬទ្ធិ ប្រចាំច្រកទ្វារអន្តរជាតិប៉ោយប៉ែត ទើបបានឱ្យម៉ូតូចូលដឹកភ្ញៀវបាន ។
ដូចនេះហើយបានជាក្រុមអ្នករត់ម៉ូតូទាំងនោះ មិនខ្លាច ញញើតអ្វីទាំងអស់ ដោយសារ តែមានការបង់លុយជាប្រចាំខែ ទើបហ៊ានចូល មកចាប់ម៉ូយនឹងចតចាំភ្ញៀវនៅមុខច្រកអន្តរ ជាតិប៉ោយប៉ែតយ៉ាងអនាធិប តេយ្យដោយមិនខ្លាចបទបញ្ជា ឧត្តសេនីយ៍ត្រី អុី ចំរើនទាល់តែ សោះ ។ក្រុមអ្នករត់ម៉ូតូឌុបមានការត្អូញត្អែរដូច្នេះថា ពីតំលៃរត់ម៉ូតូឌុបនឹងរត់ passapp គឺមានការឡើង ថ្លៃខ្លាំង នេះក៏ ដោយសារក្រុមម៉ូតូឌុបត្រូវចំណាយលុយដាក់ ខែជាប្រចាំខែ ទៅឱ្យលោកវរសេនីយ៍ ឯក ឃួន ឬទ្ធិ នគរបាលច្រកទ្វារអន្តរជាតិប៉ោយប៉ែតទើបបែប នេះ ។
ហេតុនេះហើយទើបក្រុមអ្នករត់ម៉ូតូឌុបនិងអ្នករត់ម៉ូតូ(pass app) ស្នើដល់ ឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋានអន្តោប្រវេសន៍ នៃក្រសួងមហា ផ្ទៃ មេត្តាចុះពិនិត្យមន្រ្តីច្រកទ្វារអន្តរជាតិប៉ោយ ប៉ែត ដែលតម្រូវអោយអ្នករត់ម៉ូតូឌុបនិងអ្នករត់(pass app)បង់លុយជាប្រចាំខែ ច្រើនៗទើបធ្វើអោយមានភាពរញ៉ែរញ៉ៃនៅ មុខច្រកទ្វារអន្តរ ជាតិប៉ោយប៉ែតកើតឡើងម្តងហើយម្តងទៀតមិនចេះចប់ធ្វើឱ្យប៉ះពាល់ដល់មុខមាត់ប្រទេសជាតិ ដោយសារមានមន្ត្រីមួយក្តាប់តូចប្រព្រឹត្តអំពើពុរលួយ ។
ពាក់ព័ន្ធព័ត៌មានខាងលើគេហទំព័រ (www.enn-tv.com)យើងខ្ញុំរងចាំនូវពន្យល់បកស្រាយពីលោកវរសេនីយ៍ ឯក ឃួន ឬទ្ធិ នគរបាលច្រកទ្វារអន្តរជាតិប៉ោយប៉ែត ក្រោមការគ្រប់គ្រងឧត្តមសេនីយ៍ត្រី អុី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត រាល់ម៉ោងធ្វើការ៕មានត