ខេត្តកែប ៖ គួររំលឹកផងដែរថាកាលពីថ្ងៃទី ១៧ខែកញ្ញាឆ្នាំ២០២២កន្លងទៅ សម្ដេច តេជោ ហ៊ុនសែននាយករដ្ឋមន្រ្តីនៃព្រះរាជាចក្រកម្ពុជាបានដាក់បទបញ្ជាដល់អភិបាលរាជធានីខេត្ត.ទាំង២៥ខេត្ត.ក្រុង ត្រូវតែបង្រ្កាបទីតាំងល្បែងសុីសងគ្រប់ប្រភេទនូវទូទាំងប្រទេសដោយគ្មានការលើកលែង។សម្ដេចតេជោ បានបញ្ជាក់យ៉ាងដាច់ណាត់ទៀតថាបើអាជ្ញាធរនិងសមត្ថកិច្ចមូលដ្ឋានស្រុក.ក្រុងមកខេត្តណាមិនអនុវត្តទប់ស្កាត់និងបង្រ្កាបទីតាំងបនល្បែងសុីសងនៅក្នុង ដែនសមត្ថកិច្ចរបស់ខ្លួននោះទេ!អាជ្ញាធរនិងសមត្ថកិច្ចមូលដ្ឋានទាំងនោះ!និងមានបញ្ហាប្រឈមនឹងបាត់បង់ពីតំណែងទៀតផង។
សូមបញ្ជាក់ថា ថ្មីៗនេះសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បន្តវេនបានចេញបទបញ្ជាដល់អភិបាល រាជធានី ខេត្តទាំងអស់នូវទូទាំងប្រទេសត្រួតពិនិត្យជាបន្ទាន់លើទីតាំងល្បែង សុីសងគ្រប់ប្រភេទផ្សងសំណាងទាំងអស់គ្មានការលើកលែង។ ដោយឡែកទីតាំងសង្វៀនល្បែងសុីសង “ជល់មាន់ និងអាប៉ោង” ខុសច្បាប់មួយកន្លែង នៅទល់មុខរោងចក្រពូចិន ចម្ងាយ២០០ទៅ ៣០០ ម៉ែត្រ ស្ថិតនៅភូមិចំការចេក ឃុំពងទឹក ស្រុកដំណាក់ចង្អើរ ខេត្តកែប នៅតែបន្តបើកដំណើរការអោយក្រុមញៀនមកល្បែងលេងយ៉ាងគគ្រឹកគគ្រេងអានាធិបតេយ្យ ប្រហែលបុគ្គលនោះមានខ្នងបង្អែករឹងមាំ ទើបហ៊ាន បើកអោយក្រុមញៀនល្បែងលេងតាមទំនើងចិត្ត ប្រឆាំងបទបញ្ជានាយករដ្ឋមន្ត្រី។
បើតាមប្រភពពីប្រជាពលរដ្ឋរស់នៅភូមិចំការចេកក្នុងឃុំពងទឹកស្រុកដំណាក់ចង្អើរបានបង្ហើបអោយដឹងថា សង្វៀន មាន់ជល់និងអាប៉ោងបើកដំណើរការយូខែមកហើយមិនទាន់ឃើញអាជ្ញាធរនិងសមត្ថកិច្ចមូលដ្ឋានដាក់មន្រ្តីក្រោមឱវាទរបស់ខ្លួនចុះមកទប់ស្កាត់និងបង្រ្កាបនោះទេ!ធ្វើអោយពលរដ្ឋនាំគ្នាដាក់ការ សង្ស័យថា ប្រហែលអាជ្ញាធរនិងសមត្ថកិច្ចក្នុងមូលដ្ឋាន សម្ងំទទួលផលប្រយោជន៍ ពីម្ចាស់ល្បែងសុីសង មួយនេះ រួចរាល់អស់ហើយទេដឹង? ទើបហ៊ានបើកល្បែងដូចជា”ជល់ មាន់ និងអាប៉ោង”ខុសច្បាប់ បើកឲ្យក្រុមញៀនល្បែងទាំង នោះ នាំគ្នាទៅលេងភ្លូកទឹក ភ្លូកដី គ្មានការទប់ស្កាត់ និងបង្រ្កាបទាល់តែសោះ។
មហាជនក៏ដូចជាប្រជាពលរដ្ឋរស់នៅក្បែរទីតាំងនោះបានរិះគន់ទៅលើអាជ្ញាធរនិងសមត្ថកិច្ចមូលដ្ឋានថា បើគ្មានការឃុបឃិតគ្នាជាប្រព័ន្ធនិងមានខ្នងបង្អែករឹងមាំ នោះទេ បុគ្គលម្ចាស់បនល្បែងនិងបក្សពួក របស់ខ្លួន មិនអាចសាងភាពល្បីល្បាញ ខាងបើក ល្បែងសុីសង”ជល់មាន់ និងអាប៉ោង”ខុសច្បាប់ ខ្នាតធំ នៅលើទឹកដី ស្រុកដំណាក់ចង្អើរ បានឡើយ។
ប្រភពបានបន្ថែមទៀតថា បុគ្គលដែលហ៊ានបើកល្បែងសុីសង”ជល់មាន់ និងអាប៉ោង” ខុសច្បាប់ ដែលមានទីតាំងខាងលើ កំពុងបើកដំណើរការអោយក្រុម ញៀនល្បែងលេងយ៉ាងពេញបន្ទុកគេមិនដែលឃើញអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ចុះមកអនុវត្តទប់ស្កាត់និងបង្ក្រាបម្តងណាឡើយ!បណ្តោយទុកអោយក្រុមញៀនល្បែងបើកលេងយ៉ាងគគ្រឹក គគ្រិងមិនព្រមបង្រ្កាបសោះ!ប្រឆាំងបទបញ្ជានាយករដ្ឋមន្ត្រី ។ប្រជាពលរដ្ឋរស់នៅសព្វថ្ងៃ មានការព្រួយ បារម្ភ បញ្ហាអសន្តិសុខ សង្គមនិងអំពើចោរកម្ម ចោរលួច. ចោរឆក់ ចោរប្លន់.ចោរចាស់ផ្ទះ.គ្រឿងញៀននិងប្រើអំពើហិង្សាក្នុងគ្រួសារ ជាដើមចមកើតចេញពីល្បែងស៊ីសងនេះឯង។
ហេតុនេះហើយទើបប្រជាពល រដ្ឋរស់នៅមូលដ្ឋានខាងលើស្នើដល់ឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែបនិងលោក សោម ពិសិដ្ឋ អភិបាល ខេត្តកែប ចាត់មន្ត្រីក្រោមឱវាទ ចុះទប់ស្កាត់និងបង្រ្កាប ម្ចាស់ទីតាំងសង្វៀនល្បែងសុីសង “ជល់មាន់ និងអាប៉ោង” ខុសច្បាប់ ខ្នាតធំ ដែលស្ថិតក្នុងភូមិសាស្ត្រខាងលើ បន្ទាន់ស្របតាម គោលនយោបាយ ភូមិ ឃុំ សង្កាត់ មានសុវត្ថភាពទាំង៧ចំណុចដែលរាជរដ្ឋាភិ បាលបានដាក់ចេញដោយក្រសួងមហាផ្ទៃ៕មានត
