ត្បូងឃ្មុំ ៖ ប្រភពរាយការណ៍ពីឈ្មួញនិងអាជីវករបានអោយដឹងថា ចាប់តាំងពីលោក មុឹង ដាវីន ត្រូវបានតែងតាំង ជាប្រធានការិយាល័យគយច្រកទ្វារអន្តរជាតិតត្រពាំងផ្លុងដែលស្ថិតនៅភូមិត្រពាំងផ្លុង ឃុំត្រពាំងផ្លុងស្រុកពញាក្រែក ខេត្តត្បូងឃ្មុំ រួចមកគឺមន្ត្រីគយរូបនេះប្រើតួនាទីនិងអំណាចប្រព្រឹត្តរបៀបអំពើពុករលួយយ៉ាងពេញបន្ទុក។
ប្រភពបានបន្តថា ដោយសារលោក មុឹង ដាវីន ចំណាយដើមទុនយ៉ាងច្រើនសន្ធឹកសន្ធាប់ក្នុងការទទួលបានតំណែងខ្លាញ់ជាប្រធានការិយាល័យគយច្រកទ្វារអន្តរជាតិត្រពាំងផ្លុងមកគឺលោក មុឹង ដាវីន ប្រើគ្រប់វិធីសាស្ត្រដើម្បីប្រមូលលុយស្រង់ដើមតាមរបៀបពុករលួយតាមអំពើចិត្ត។ ហេតុនេះហើយទើបឈ្មួញធំៗជាច្រើននាក់អាចនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់តាមច្រកមួយនេះកាន់តែច្រើនឡើងៗហើយលោក មុឹង ដាវីន តែងប្រើឈ្មោះមន្ត្រីគយធំៗននៅក្នុងអគ្គនាយកដ្ឋានគយនិងរដ្ឋាករកម្ពុជាដើម្បីបិទបាំងភាពមិនប្រក្រតីពុករលួយរបស់ខ្លួនផងដែរ។ ដូច្នេះក្រោយពេលតែងតាំងជាប្រធានការិយាល័យ គយច្រកទ្វារអន្តរជាតិត្រពាំង ផ្លុងកន្លងមកលោក មុឹង ដាវីន ហ៊ានប្រព្រឹត្តអំពើពុក រលួយដោយគ្មានញញើតអ្វីទាំងអស់។
បញ្ហានេះហើយទើបឈ្មួញនិងអាជីវករអំពាវនាវដល់លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ មេត្តាចាត់វិធានការទប់ស្កាត់ភាពមិនប្រក្រតីពុករលួយរបស់លោក មុឹង ដាវីន ប្រធានការិយាល័យ គយច្រកទ្វារអន្តរជាតិត្រពាំងផ្លុងផង។ព្រោះលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជាត្រូវបានគេដឹងថាជាអ្នកបើកដៃអោយលោក មុឹង ដាវីន ទើបហ៊ានធ្វើអ្វីៗតាមអំពើចិត្ត។
ប្រភពពីមន្ត្រីគយនិងភ្នាក់ងារគយក្នុងខេត្តត្បូងឃ្មុំបានអោយដឹងទៀតថា ចាប់តាំងពីលោក មុឹង ដាវីន ទទួលបានតំណែងប្រធានការិយាល័យគយច្រកទ្វារអន្តរជាតិត្រពាំង ផ្លុងមកដោយមានការឃុបឃិតអោយឈ្មួញធំៗបង់ពន្ធតាម របៀបម៉ៅការហើយឈ្មួញទាំង នោះអាចនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់កាន់តែច្រើនឡើងៗសបញ្ជាក់អោយឃើញថាភាពមិនប្រក្រតីរបស់លោក មុឹង ដាវីន ប្រធានការិយាល័យគយច្រកទ្វារអន្តរជាតិត្រពាំងផ្លុងកំពុងធ្វើអោយរដ្ឋខាតបង់ចំណូលពន្ធយ៉ាងច្រើនក្នុងមួយខែៗហើយមន្ត្រីគយជំនិតៗក្រោមឱវាទរបស់លោក មុឹង ដាវីន គាបយកលុយលើតុក្រោមតុពីក្រុមឈ្មួញតូចតាចតាមអំពើចិត្ត។ ដូចនេះលោក ឱម យ៉ិនទៀង ប្រធានអង្គភាពប្រឆាំងអំពើពុក រលួយគួរដាក់ការស៊ើបអង្កេតអោយស៊ីជម្រៅទៅលើភាពមិនប្រក្រតីពុករលួយរបស់លោក មុឹង ដាវីន មេការិយាល័យគយច្រកទ្វារអន្តរ ជាតិត្រពាំងផ្លុងនិងបក្ខពួកផង។
ពាក់ពន្ធ័ព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក មុឹង ដាវីន ប្រធានការិយាល័យគយច្រកទ្វារអន្តរជាតិត្រពាំងផ្លុង រាល់ម៉ោងធ្វើការ៕មានត