ខេត្តតាកែវ៖តាមប្រភពពីប្រជាពលរដ្ឋបានអោយដឹងថា ថ្មីៗនេះឈ្មួញឈ្មោះ តាងៀ រស់នៅភូមិកំពង់អំពិល ស្រុកបុរីជលសារ បាននាំចូលប្រហុកពីប្រទេសវៀតណាមរាប់តោន ដែលនាំ ចូលតាមច្រកកំពុងក្រសាំង ស្ថិតក្នុងស្រុកបុរីជលសារ ខេត្តតាកែវ យកមកលក់ឱ្យឈ្មួញឈ្មោះ កាព្រឿង ដែលរស់នៅភូមិថ្មស ឃុំគោកពោធិ៍ ស្រុកបុរីជលសារ ហើយ កាព្រឿង បានចែកចាយបន្តឱ្យឈ្មួញជាច្រើននាក់ទៀត ដើម្បីចែកចាយលើទីផ្សារនៅកម្ពុជា ការនាំចូលប្រហុកពីប្រទេសវៀត ណាមនេះ មិនមានការត្រួតពិនិត្យពីមន្រ្តីជំនាញពាក់ព័ន្ធអោយបានត្រឹមត្រូវនោះទេ។ ដូច្នេះហើយវាបង្កហានិភ័យខ្ពស់ ដល់ប្រជាពលរដ្ឋខ្មែរដែលបរិភោគនៅក្នុងប្រទេស រីឯ ស្ថាប័នជំនាញពាក់ព័ន្ធមិនទាន់ឃើញមានចំណាត់ការ ទប់ស្កាត់និងបង្ក្រាបអោយមាន ប្រសិទ្ធភាពនៅឡើយទេ។
ប្រជាពលរដ្ឋបានបង្ហើបទៀតថា ឈ្មួញដែល ទិញ ត ពីកាព្រឿង នោះរស់នៅភូមិរលួស ,ភូមិសរសៃ,ភូមិព្រៃទូក,ភូមិតាសេក,ភូមិត្រពាំងឈូក ឃុំអង្កាញ់ ស្រុកទ្រាំង ខេត្តតាកែវ ហើយឈ្មួញទាំង នេាះបានលើកយកទៅលក់បន្តចែកចាយ នៅលើទីផ្សារក្នុងប្រទេសកម្ពុជា ដោយមិនឃើញមានមន្ត្រីជំនាញកាំកុងត្រូល ឬមន្ត្រីជំនាញណាត្រួតពិនិត្យឲ្យបានច្បាស់លាស់អំពីគុណភាពទំនិញទេពោលគឺគ្មានច្បាប់អនុញ្ញាតអាជីវកម្មឡើយ។ និយាយរួមអាជ្ញាធរស្រុក.ខេត្ត ហាក់មិនដែលខ្វល់អំពីបញ្ហាសុខភាពពលរដ្ឋឡើយបណ្ដោយអោយឈ្មួញជនជាតិវៀត ណាមចេញ-ចូល ក្នុងប្រទេសកម្ពុជា ក៏ដូច ជាការនាំប្រហុកឬទំនិញគ្មានគុណភាពឲ្យប្រជាពលរដ្ឋខ្មែរបរិភោគឬប្រើប្រាស់នាំអោយប៉ះពាល់ដល់សុខភាពពលរដ្ឋនោះទេ!សំខាន់ប្រយោជន៍។
ប្រភពបានអោយដឹងថា កន្លងទៅ កាលពីឆ្នាំ ២០១៨ ប្រធានកាំកុងត្រូលខេត្តតាកែវ ដឹក នាំដោយលោក ប៉ោ លៀងគង់ ក៏ធ្លាប់បានចុះត្រួតពិនិត្យរកឃើញប្រហុកនាំចូលពីប្រទេស វៀតណាម ជាង១តោន មានផ្ទុកសារធាតុគីមី ដែលស្ថិតនៅភូមិរលួស ឃុំអង្កាញ់ ស្រុកទ្រាំង ខេត្តតាកែវ ហើយបានបិទអាជីវកម្ម មិនឱ្យចែកចាយលក់បន្ត នៅលើទីផ្សារឡើយ ហើយបានកសាងសំណុំរឿង បញ្ជូនទៅតុលាការផងដែរ។
ពាក់ព័ន្ធព័ត៌មានខាងលើនេះបងប្អូនប្រជាពលរដ្ឋស្នើសុំទៅដល់មន្ត្រីជំនាញកាំកុង ត្រូល និងមន្ទីរជំនាញក៏ដូចជាប៉ូលិសសេដ្ឋកិច្ច ជាពិសេសលោក អ៊ូច ភា អភិបាលខេត្តតាកែវ និងលោក ឈាង ផាន់ណារ៉ា ស្នងការដ្ឋាននគរបាលខេត្តតាកែវ មេត្តាមានវិធានការ ចាត់មន្ត្រីក្រោមឱវាទចុះត្រួតពិនិត្យ ទីតាំងទាំងនេះដើម្បីការពារសុវត្ថិភាព ចំណីអាហារ ដែលមានផ្ទុកសារធាតុគីមី ដែលបងប្អូននិយម ទិញប្រហុក បរិភោគដោយមិនដឹងថា ត្រីប្រហុកមួយណាមានផ្ទុកសារភាពគីមីឬត្រីប្រហុកណាទៀតដែល គ្មានផ្ទុកនៅសារធាតុគីមី នោះទេ ដែលធ្វើឲ្យប៉ះពាល់ ទៅ ដល់សុខភាពអាយុជីវិតរបស់បងប្អូនប្រជាពលរដ្ឋខ្មែរយើងនោះទេ ៕មានត