ខេត្តកែប ៖ តាមប្រភពសេចក្តីរាយការណ៍ពីប្រជាពលរដ្ឋបានអោយដឹងថា មានទីតាំងសង្វៀនល្បែងសុីសង”ជល់មាន់និងអាប៉ោង ” ខុសច្បាប់ មួយកន្លែងនៅទល់មុខរោង ចក្រពូចិន ចម្ងាយ ២០០ទៅ ៣០០.ម៉ែត្រ ស្ថិតនៅភូមិចំការចេក ឃុំពងទឹក ស្រុកដំណាក់ចង្អើរ ខេត្តកែប ប្រហែលបុគ្គលនោះមានខ្នងបង្អែករឹងមាំ ទើបហ៊ានបើកដំណើរការអោយក្រុមញៀនល្បែងលេងតាមទំនើងចិត្ត។ ប្រជាពលរដ្ឋរស់នៅក្នុងឃុំពងទឹក ស្រុកដំណាក់ចង្អើរ នាំគ្នាដាក់ការសង្ស័យថា អាជ្ញាធរនិងសមត្ថកិច្ចក្នុងមូលដ្ឋាន សម្ងំទទួលផលប្រយោជន៍ ពីម្ចាស់ល្បែងសុីសង មួយនេះ រួចរាល់អស់ហើយទេដឹង? ទើបហ៊ានបើកល្បែងដូចជា”ជល់មាន់ និងអាប៉ោង”ខុសច្បាប់ ទុកឲ្យក្រុមញៀនល្បែងទាំងនោះ នាំគ្នាទៅលេងភ្លូកទឹក ភ្លូកដី គ្មានការទប់ស្កាត់ និងបង្រ្កាបទាល់តែសោះ។
មហាជនក៏ដូចជាប្រជាពលរដ្ឋរស់នៅក្បែរទីតាំងនោះបានរិះគន់ទៅលើអាជ្ញាធរនិងសមត្ថកិច្ចមូលដ្ឋានថា បើគ្មានការឃុបឃិតគ្នាជាប្រព័ន្ធនិងមានខ្នងបង្អែករឹងមាំ នោះទេ បុគ្គលម្ចាស់បនល្បែង និងបក្សពួក របស់ខ្លួន មិនអាចសាងភាពល្បីល្បាញខាងបើកល្បែង សុីសង”ជល់មាន់ និងអាប៉ោង”ខុសច្បាប់ ខ្នាតធំ នៅលើទឹកដី ស្រុកដំណាក់ចង្អើរ បានឡើយ។
ប្រភពបានបន្ថែមទៀតថា បុគ្គលដែលហ៊ាន បើកល្បែងសុីសង”ជល់មាន់ និងអាប៉ោង” ខុសច្បាប់ មួយកន្លែងដែលមានទីតាំងខាង លើ កំពុងបើកដំណើរការយ៉ាងពេញបន្ទុក!គឺបើកលេងរាល់ថ្ងៃ គេមិនដែលឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ចុះមកអនុវត្តទប់ស្កាត់និងបង្ក្រាបម្តងណាឡើយ!បណ្តោយទុកអោយក្រុមញៀនល្បែង បើកលេងយ៉ាងគគ្រឹកគគ្រិងមិនព្រមបង្រ្កាប សោះ!ផ្គើននឹងបទបញ្ជា សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរា ជាណាចក្រកម្ពុជា។
ជាងនេះទៀតប្រជាពលរដ្ឋរស់ នៅសព្វថ្ងៃ មានការព្រួយបារម្ភ បញ្ហាអសន្តិសុខ សង្គមនិងអំពើចោរកម្ម ចោរលួច.ចោរឆក់ ចោរប្លន់.ចោរចាស់ផ្ទះ.គ្រឿង ញៀននិងប្រើអំពើហិង្សាក្នុងគ្រួសារ ជាដើមចមកើតចេញពីល្បែងស៊ីសងនេះឯង។
ហេតុនេះហើយទើបប្រជាពល រដ្ឋរស់នៅមូលដ្ឋានខាងលើស្នើសុំដល់ឧត្តមសេនីយ៍ ទោ សម្បត្តិ សាធារដ្ឋ ស្នងការនគរ បាលខេត្តកែប ជាពិសេសលោក សោម ពិសិដ្ឋ អភិបាល ខេត្តកែប ចាត់មន្ត្រីក្រោមឱវាទ ចុះទប់ស្កាត់និងបង្រ្កាប ម្ចាស់ទីតាំងសង្វៀនល្បែងសុីសង “ជល់មាន់ និងអាប៉ោង” ខុសច្បាប់ ខ្នាតធំ មួយកន្លែង នេះដែលស្ថិតក្នុងភូមិសាស្ត្រខាងលើនេះ ជាបន្ទាន់ផងស្របតាមគោលនយោបាយ ភូមិ ឃុំ សង្កាត់ មានសុវត្ថភាពទាំង៧ចំណុចដែលរាជរដ្ឋាភិ បាលបានដាក់ចេញដោយក្រសួងមហាផ្ទៃ៕មានត