ខេត្តព្រៃវែង៖ ការផ្លាស់ប្ដូរនាយប៉ុស្តិ៍ចាស់ដាក់ នាយប៉ុស្តិ៍ថ្មីអោយមានការល្អប្រសើរឡើង វិញមិនតែប៉ុណ្ណោះអំពើពុក រលួយនៅតែកើតមានដដែលនាពេលថ្មីៗនេះគេសង្កេតឃើញថា លោក មុំ សារ៉េន នាយប៉ុស្តិ៍នគរបាលការពារព្រំដែនស្វាយអាង៉ោងដាក់ពង្រាយមន្ត្រីក្រោមឱវាទអង្គុយចាំយកលុយពីជនជាតិវៀតណាមឆ្លងដែន ឆ្លងកាត់ប៉ុស្ដិ៍(ត្រួតពិនិត្យឯកសារពន្ធ) អោយបានត្រឹមត្រូវនោះទេ ។
យោងតាមប្រភពពីពលរដ្ឋជនជាតិវៀតណាមដែលឆ្លងកាត់នៅទីនោះបានឲ្យដឹងថា ប៉ុស្តិ៍ត្រួតពិនិត្យតម្រូវឲ្យពួកគេបង់លុយក្នុងមួយនាក់ ២០ ម៉ឺនដុងស្មើនិង (៣១០០០រៀល) មិនចាំបាច់មានឯកសារអ្វីនោះទេ! ទោះបីអ្នកមកទិញគោ. ក្របី ឬអ្នកលេងល្បែងមាន់ជល់ឆ្លង ដែនចូកមកទឹកដីខ្មែរខ្លះមានប៉ាស្ព័រខ្លះទៀត មិនមានប៉ាស្ព័រត្រឹមត្រូវទេសំខាន់គឺបង់លុយជូនមន្រ្តីប្រចាំការច្រកក្រោមការគ្រប់គ្រងរបស់លោក មុំ សារ៉េន នាយប៉ុស្តិ៍នគរ បាលច្រកស្វាយអាង៉ោងជាការស្រេច។
ប្រភពពីប្រជាពលរដ្ឋនៅក្បែរតំបន់ច្រករបៀងស្វាយអាង៉ោងបានបន្តអោយដឹងទៀតថា លោក មុំ សារ៉េន នាយប៉ុស្តិ៍នគរបាលការពារព្រំដែនស្វាយ អាង៉ោង និងបក្ខពួក កំពុងតែសប្បាយប្រមូល លុយដាក់ហោ ប៉ៅចែកគ្នាធ្វើមានធ្វើបាន បើកដៃឲ្យឈ្មួញតូចធំ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ ពីប្រទេស វៀត ណាម ចូលមកប្រទេសខ្មែរ យ៉ាងពេញបន្ទុក ទាំងយប់ទាំងថ្ងៃ ។
ប្រភពបានបន្ថែមថា មួយរយៈចុងក្រោយនេះ សមត្ថកិច្ចពាក់ពន្ធ័ប្រចាំការនៅច្រកស្វាយអាង៉ោង កំពុងត្រូវប៉ាន់សប្បាយប្រមូលលុយដាក់ហោប៉ៅ ចែកគ្នា ជាថ្នូរ បើកដៃឲ្យឈ្មួញតូចធំនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ ពីប្រទេសវៀតណាម កាន់តែច្រើនឡើងៗនិងជនអន្តោវេសន៍វៀតណាមឆ្លងដែនចូលមកប្រទេសខ្មែរ តាមច្រកនេះបានយ៉ាងរលូន!តាមរយៈការបើកដៃ ឲ្យក្រុមឈ្មួញនាំ ចូលទំនិញ គេចពន្ធទំនិញបង់ពន្ធមិនគ្រប់និងទំនិញខុសច្បាប់ ពីប្រទេសវៀតណាម យ៉ាងពេញបន្ទុកនេះគឺដោយ មានការបើកដៃលោក មុំ សារ៉េន នាយប៉ុស្តិ៍នគរ បាលការពារព្រំដែនស្វាយអាង៉ោង នឹងមន្រ្តីពាក់ព័ន្ធជាច្រើនទៀតប្រចាំការច្រកប្រមូលលុយបានយ៉ាង ច្រើនជារៀងរាល់ថ្ងៃ មិនញញេីតនិងអង្គភាពប្រឆាំងអំពើពុក រលួយឡើយ។
ប្រភពពីក្រុមឈ្មួញនិងអាជីវករ ដែលរកស៊ីនាំចូលទំនិញពីប្រទេសវៀតណាម បានបន្ថែមឲ្យដឹងទៀតថា សព្វថ្ងៃពួកគាត់សល់កម្រៃតិចតួចណាស់ ពី ព្រោះសមត្ថកិច្ចច្រើនស្ថាប័ន នៅច្រកព្រំដែន និងសមត្ថកិច្ចនៅតាមផ្លូវ គៀបយកលុយច្រើនៗ!ពួកគាត់បានបញ្ជាក់ទៀតថា រាល់ការបង់លុយរបស់ពួកគាត់មិនបានទទួលបានបង្កាន់ដៃបង់ប្រាក់ឬវិក័យប័ត្រអោយត្រឹមត្រូវនោះទេ! ហើយគ្មានឈ្មួញណាម្នាក់ អាចរំលងលោក មុំ សារ៉េន មេប៉ុស្តិ៍នគរ បាលការពារព្រំដែនស្វាយអាង៉ោងនិងបក្ខពួកបានឡើយ! ជាពិសេសឈ្មួញធំៗ ដែលរកស៊ីនាំចូលទំនិញពីប្រទេសវៀតណាម កាត់តាមច្រកស្វាយអាង៉ោង ស្ថិតក្នុងស្រុកកំពង់ ត្របែក ខេត្តព្រៃវែង គឺជាប្រភពចំណូលដ៏ធំ របស់លោក មុំ សារ៉េន នាយប៉ុស្តិ៍នគរបាលការពារ ប្រចាំច្រកនេះ។ ពាក់ព័ន្ធភាពមិនប្រក្រតីខាងលើ ក្រុមឈ្មួញនិងអាជីវករស្នើសុំដល់លោក សួន សុម៉ាលីន អភិបាលខេត្តព្រៃវែងនិង លោក ឈឿន ប៊ុនឆន ស្នងការនគរបាលខេត្តព្រៃវែង ជាពិសេស លោក ឱម យិនទៀង ប្រធានអង្គភាពប្រឆាំងអំពើពុករលួយ ធ្លាប់ប្ដេជ្ញាលុបបំបាត់នូវអំពើពុករលួយតាមដងផ្លូវ មេត្តាចាត់វិធានការទប់ស្កាត់អំពើពុករលួយនូវភាពមិនប្រក្រតីរបស់លោក មុំ សារ៉េន នាយប៉ុស្តិ៍នគរការពារព្រុំដែនស្វាយអាង៉ោង និងបក្ខពួកកំពុងល្បីល្បាញខាងប្រព្រឹត្តអំពើពុករលួយនេះផងទាន ។ពាក់ព័ន្ធព័ត៌មានខាងលើគេហទំព័រ (www.enn- tv. com) យើងខ្ញុំរងចាំនូវការពន្យល់បកស្រាយពីលោក មុំ សារ៉េន នាយប៉ុស្តិ៍នគរបាលការពារព្រំដែនស្វាយ អាង៉ោង រាល់ម៉ោងធ្វើការ៕មានត