ខេត្តស្វាយរៀង ៖ គួររំលឹកផងដែរថា កាលពីថ្ងៃទី១៧ខែកញ្ញាឆ្នាំ២០២២កន្លងទៅសម្ដេច តេជោ ហ៊ុន សែន អតីតនាយករដ្ឋមន្ត្រីនៃព្រះរាជាណាច្រកកម្ពុជា បានដាក់បទបញ្ជាដល់អភិបាលរាជធានីខេត្ត.ទាំង២៥ ខេត្ត. ក្រុងត្រូវតែបង្រ្កាបទីតាំងបនល្បែងសុីសងគ្រប់ប្រភេទទូទាំងប្រទេសដោយគ្មានការលើកលែង។សម្តេចតេជោ បានបញ្ជាក់យ៉ាងដាច់ណាត់ទៀតថា បើអាជ្ញាធរនិងសមត្ថកិច្ចមូលដ្ឋានស្រុក.ក្រុង.ខេត្តណាមិនអនុវត្តទប់ស្កាត់និងបង្រ្កាបទីតាំងបនល្បែងសុីសងនៅក្នុងដែនរបស់ខ្លួននោះទេ! អាជ្ញាធរនិងសមត្ថកិច្ចមូលដ្ឋានទាំងនោះ!និងមានបញ្ហាប្រឈមនឹងបាត់បង់តំណែងទៀតផង។
សូមបញ្ជាក់ថា ថ្មីៗនេះសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជា ណាច្រកកម្ពុជា បន្តវេនបានចេញបទបញ្ជាដល់អភិបាលរាជធានីខេត្តទាំងអស់នូវទូទាំងប្រទេសត្រួតពិនិត្យជាបន្ទាន់លើទីតាំងបនល្បែងសុីសងគ្រប់ប្រភេទផ្សងសំណាងទាំងអស់គ្មានការលើកលែង។
ដោយឡែកអាជ្ញាធរនិងសមត្ថកិច្ចមូលដ្ឋានស្រុកចន្រ្ទាខេត្តស្វាយរៀងនិងមន្រ្តីប្រចាំច្រក ឃុបឃិតបើកដៃអោយពលរដ្ឋខ្មែរនិងជនអន្តោប្រវេសន៍វៀតណាមឆ្លងដែនចូលលេងល្បែងសុីសងយ៉ាងគគ្រឹកគគ្រេងផ្គើននឹងបទបញ្ជាសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាច្រកកម្ពុជា។
បើតាមប្រភពសេចក្តីរាយការណ៍ពីប្រជាពល រដ្ឋរស់នៅក្នុងមូលដ្ឋានបានអោយដឹងថា បុគ្គលដែលហ៊ានបើកល្បែងសុីសងជល់មាន់បៀអាប៉ោងយូគីហ្គេមបាញ់ត្រី និងល្បែងជាច្រើនប្រភេទទៀតនៅក្នុងកាស៊ីណូគ្មានស្លាកយីហោប្រហែលមានខ្នងបង្អែករឹងមាំ នៅពីក្រោយ និងមានឥទ្ធិពល ហើយទើបហ៊ានធ្វើអ្វីៗតាមអំពើចិត្ត រីឯអាជ្ញាធរនិងសមត្ថកិច្ចមូលដ្ឋានជំនាញពាក់ព័ន្ធប្រចាំនៅច្រកទ្វារទ្វេភាគីព្រំដែនសំរោង”ហៅច្រកសៀងហៃ” ក្នុងស្រុកចន្ទ្រា បាននាំគ្នារក្សាភាពស្ងៀមស្ងាត់។
ប្រភពពីប្រជាពលរដ្ឋមូលដ្ឋានបានបង្ហើបអោយដឹងថា លោក សុខ ម៉ក់ នាយប៉ុស្តិ៍នគរបាលច្រកទ្វារទ្វេភាគីព្រំដែនសំរោង “ហៅច្រកសៀងហៃ” រួម អាជ្ញាធរនិងសមត្ថ កិច្ចមូលដ្ឋានបើកដៃអោយពលរដ្ឋខ្មែរនិងជនអន្តោប្រវេសន៍វៀតណាមឆ្លងដែនចូលលេងល្បែងយ៉ាងពេញបន្ទុក!មិនឃើញសមត្ថកិច្ចធ្វើការទប់ស្កាត់និងបង្រ្កាបនោះទេ! គេសង្ស័យថា មន្ត្រីជំនាញពាក់ព័ន្ធមូលដ្ឋានប្រចាំច្រក សម្ងំទទួលផលប្រយោជន៍ពីម្ចាស់ទីតាំងល្បែងសុីសងទាំងអស់នោះហើយទេដឹង? បានបណ្ដោយអោយក្រុមអ្នកញៀនល្បែងពលរដ្ឋខ្មែរនិងជនអន្តោប្រវេសន៍ វៀត ណាមឆ្លងដែនចូលមកលេងយ៉ាងគគ្រឹក គគ្រេងគ្មានវិធានការទប់ស្កាត់និងបង្ក្រាបនោះទេ។
មហាជនក៍ដូចប្រជាពលរដ្ឋរិះគន់អាជ្ញាធនិងសមត្ថកិច្ចមូលដ្ឋាននឹងលោក សុខ ម៉ក់ នាយប៉ុស្តិ៍នគរបាលច្រកទ្វារទ្វេភាគីព្រំដែនសំរោង”ហៅច្រកសៀងហៃ” ស្រុកចន្ទ្រាថា បើគ្មានការឃុបឃិតគ្នាជាប្រព័ន្ធនោះទេម្ចាស់ទីតាំងកាស៊ីណូនិងបក្សពួក មិនអាចសាងភាពល្បីល្បាញខាងបើកល្បែងស៊ី សងជល់មាន់ បៀរ អាប៉ោងយូគីហ្គេមបាញ់ត្រី នៅក្នុងស្រុកចន្រ្ទា ខេត្តស្វាយរៀង បានឡើយ។កាស៊ីណូគ្មានស្លាកយីហោបង្កប់ល្បែងសុីសង ខាងលើកំពុងបើកអោយពលរដ្ឋខ្មែរនិងជនអន្តោប្រវេសន៍វៀតណាមចេញចូលមកលេងយ៉ាងអនាធិបតេយ្យ ខ្លះស្របច្បាប់ខ្លះមិនស្របច្បាប់រីឯអាជ្ញាធរនិងសមត្ថកិច្ចមូលដ្ឋាន ស្រុកចន្ទ្រា បណ្ដោយអោយពលរដ្ឋខ្មែរនិង ជនអន្តោប្រវេសន៍វៀតណាមឆ្លងដែនចូលមកលេងល្បែងសុីសងខុសច្បាប់ តាមច្រកទ្វារទ្វេភាគីព្រំដែនសំរោង”ហៅច្រកសៀង ហៃ”យ៉ាងពេញបន្ទុកមិនទាន់ឃើញអាជ្ញាធរនិងសមត្ថកិច្ចធ្វើការទប់ស្កាត់និងបង្រ្កាបអោយស្របតាមគោលនយោបាយ ភូមិ ឃុំ សង្កាត់ មានសុវត្ថិភាពទាំង៧ចំណុចនោះទេ!ទើបធ្វើអោយប្រជាពលរដ្ឋក្នុងមូលដ្ឋានស្រុកចន្ទ្រាមានការព្រួយបារម្ភភ័យខ្លាច បញ្ហា អសន្តិសុខ សង្គម និងអំពើចោរកម្មចោរលួច ចោរឆក់ចោរប្លន់.ចោរគាស់ផ្ទះ គ្រឿង ញៀនដើមចមកើតចេញពីល្បែងសុីសងនេះឯង។
ដូច្នេះហើយទើបប្រជាពលរដ្ឋរស់នៅក្នុងស្រុកចន្ទ្រា ខេត្តស្វាយរៀង ស្នើសុំដល់លោក នាយឧត្តមសេនីយ៍ ស ថេត អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃនិងជាប្រធានគណៈកម្មការទប់ស្កាត់និងបង្រ្កាប បទល្មើសល្បែងសុីសងទូទាំងប្រទេសមេត្តាចាត់មន្រ្តីក្រោមឱវាទខេត្តចុះពិនិត្យទប់ស្កាត់និងបង្រ្កាបទីតាំងនេះផងទាន! ដែលបញ្ហានេះលោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង និង លោក ប៉េង ពោធិ៍សា អភិបាលខេត្តស្វាយរៀង គួរចាត់មន្ត្រីក្រោម ឱវាទ ចុះទប់ស្កាត់និងបង្រ្កាបទីតាំងកាសុីណូគ្មានស្លាកយី ហោដែលបុគ្គលនោះហ៊ាន បើកល្បែងស៊ីសង ជល់មាន់ បៀរ អាប៉ោងយូគីហ្គេមបាញ់ត្រី ខុសច្បាប់ នៅក្នុងកាស៊ីណូ ជាច្រើនកន្លែង នៅអមសងខាងប៉ុស្តិ៍នគរបាលច្រកទ្វារទ្វេភាគីព្រំដែនសំរោង”ហៅច្រកសៀងហៃ” ក្រោមការគ្រប់គ្រងរបស់លោក សុខ ម៉ក់ ជាបន្ទាន់ផង ដើម្បីបង្រឹងសន្តិសុខសង្គមជូនប្រជាពលរដ្ឋ៕មានត
