ខេត្តកំពង់ធំ ៖ គួររំលឹកផងដែរថាកាលពីថ្ងៃទី ១៧ ខែកញ្ញា ឆ្នាំ២០២២ កន្លងទៅសម្ដេច តេជោ ហ៊ុនសែន អតីតនាយករដ្ឋមន្ត្រីនៃព្រះរាជាណាច្រកកម្ពុជា បានដាក់បទបញ្ជាដល់អភិបាលរាជធានីខេត្ត.ទាំង ២៥.ខេត្ត.ក្រុង. ត្រូវតែបង្រ្កាបទីតាំងបនល្បែងសុីងសងគ្រប់ប្រភេទទូទាំងប្រទេសដោយគ្មានការលើកលែង។សម្តេចតេជោ បានបញ្ជាក់យ៉ាងដាច់ណាត់ទៀតថា បើអាជ្ញាធរនិងសមត្ថកិច្ចមូល ដ្ឋានស្រុក.ក្រុង.ខេត្ត ណាមិនអនុវត្តទប់ស្កាត់និងបង្រ្កាបទីតាំងបនល្បែងសុីសងនៅក្នុងដែនខ្លួនគ្រប់គ្រងនោះទេ!អាជ្ញាធរនិងសមត្ថកិច្ចមូលដ្ឋានទាំងនោះ!និងមានបញ្ហាប្រឈមនឹងបាត់បង់តំណែងទៀតផង។
សូមបញ្ជាក់ថា ថ្មីៗនេះសម្ដេចធិបតី ហ៊ុន ម៉ា ណែត នាយករដ្ឋមន្ត្រី នៃព្រះរាជាណាច្រកកម្ពុជា បន្តវេនបានចេញបទបញ្ជាដល់អភិបាលរាជធានីខេត្តទាំងអស់ នូវទូទាំងប្រទេសត្រួតពិនិត្យជាបន្ទាន់លើទីតាំងបនល្បែងសុីសងគ្រប់ប្រភេទផ្សងសំណាងទាំងអស់គ្មានការលើកលែង។ដោយឡែកអាជ្ញាធរនិងសមត្ថកិច្ចមូលដ្ឋានស្រុកសន្ទុកបណ្តោយអោយមានសង្វៀនជល់មាន់និងអាប៉ោងខុសច្បាប់យ៉ាងគគ្រឹកគគ្រេងដែលមាន ឈ្មោះលោកគ្រូឈាន់និងលោកគ្រូអាង ម្ចាស់ផ្សារសំអាងរីករាយ ក្នុងឃុំបឹងល្វា ស្រុកសន្ទុក ខេត្តកំពង់ធំ នៅតែកៀងគរប្រមូលផ្តុំអោយក្រុមញៀនល្បែងនៅបន្តបើកដំណើរកាលេងដដែល រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់! ហ៊ានផ្គើនបទបញ្ជាសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
បើតាមប្រភពពីប្រជាពលរដ្ឋរស់នៅក្បែរនោះបានអោយដឹងថា ទីតាំងល្បែងជល់មាន់ និងអាប៉ោងខុសច្បាប់ មួយកន្លែង នៅចំណុចចំការស្វាយចន្ទីស្ថិតនៅក្នុងភូមិអូរគគីរ ឃុំបឹងល្វា ស្រុកសន្ទុក ខេត្តកំពង់ធំ នៅតែបន្តបើកដំណើរការអោយក្រុមញៀនល្បែងលេងយ៉ាងពេញបន្ទុក!បើកលេងរាល់ថ្ងៃដដែល គេមិនទាន់ឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានចុះមកអនុ វត្តទប់ស្កាត់និងបង្ក្រាបនោះទេ! គេសង្ស័យជាឆ្នាំងបាយរបស់ អាជ្ញាធរនិងសមត្ថកិច្ចមូលដ្ឋានផងក៏មិន ដឹង? ឬហ៊ុនហយទើបមិនបង្រ្កាប។
ប្រភពដដែលបានបន្ថែមទៀតថា ទីតាំងល្បែងជល់មាន់និងអាប៉ោងខុសច្បាប់ឈ្មោះលោកគ្រូឈាន់ និងលោកគ្រូអាងម្ចាស់ផ្សារសំអាងរីករាយ មួយកន្លែងនេះ ប្រហែលមាន អង្អែករឹងមាំ ហើយទើបបានហ៊ានបើកអោយក្រុមញៀនល្បែងលេងយ៉ាងរំភើយ រីឯលោកអធិការដ្ឋាននគរបាលស្រុកសន្ទុក ខេត្តកំពង់ធំនិងលោកអភិបាលស្រុកសន្ទុកខេត្តកំពង់ធំ នាំគ្នាសម្ងំស្ងៀមឈឹង មិនទាន់ឃើញឲ្យកូន ចៅចុះទប់ស្កាត់និងបង្ក្រាបនោះទេ!ធ្វើប្រជាពលរដ្ឋរស់នៅក្បែរនោះមានការព្រួយបារម្ភយ៉ាងខ្លាំងអំពីបញ្ហា អសន្តិសុខ សង្គមនិងអំពើចោរកម្ម លួច ឆក់ ប្លន់ គាស់ផ្ទះនិងប្រើអំពើហិង្សាគ្រួសារ គ្រឿងញៀន ជាដើមចមកើតចេញពីល្បែងសុីសងនេះឯង។
ប្រជាពលរដ្ឋរស់នៅក្នុងមូលដ្ឋានខាងលើបានលើកឡើងជាចម្ងល់ថាឯណាទៅគោល នយោបាយភូមិ.ឃុំ.សង្កាត់ មានសុវត្ថិភាពទាំង៧ចំណុចរបស់រាជរដ្ឋាភិបាលបានដាក់ ចេញដោយក្រសួងមហាផ្ទៃ ដែលបានដាក់ចេញឲ្យមន្ត្រីថ្នាក់ក្រោមជាតិអនុវត្តទប់ស្កាត់ និងបង្ក្រាបល្បែងសុីសងកាលពីកន្លងទៅ នោះនៅត្រង់ណា? បើនៅក្នុងមូលដ្ឋានខាងសំបូរទៅដោយល្បែងយ៉ាងដូច្នេះ?
ប្រជាពលរដ្ឋរស់នៅមូលដ្ឋានខាងលើស្នើសុំទៅដល់លោក ងួន រតនៈ អភិបាលខេត្តកំពង់ធំ និងឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ មេត្តាចាត់កម្លាំងជំនាញក្រោមឱវាទចុះត្រួត ពិនិត្យទប់ស្កាត់និងបង្ក្រាបទីតាំងល្បែងសុីសងជល់មាន់ និងអាប៉ោងខុសច្បាប់របស់លោកគ្រូឈាន់ និងលោកគ្រូអាងម្ចាស់ផ្សារសំអាងរីករាយ មួយកន្លែងនេះស្ថិតក្នុងភូមិសាស្រ្តខាងលើនេះ ផង!អោយស្របតាមគោលនយោបាយ ភូមិ ឃុំ សង្កាត់ មានសុវត្ថិភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួង មហាផ្ទៃ!ស្របតាមបទបញ្ជាសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាស្របតាមបទបញ្ជាឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជាបន្ទាន់ផង៕មានត