ខេត្តរតនគិរី៖ តាមប្រភពសេចក្តីរាយការណ៍ ពីប្រជាពលរដ្ឋរស់នៅភូមិម៉ាលិក បានអោយដឹងថា ទីតាំងល្បែងសុីសងជល់មាន់និងអាប៉ោងខុសច្បាប់ ទ្រង់ទ្រាយធំ ត្រង់ចំណុច ចំការកៅស៊ូ ស្ថិតនៅភូមិម៉ាលិក ឃុំម៉ាលិក ស្រុកអណ្តូងមាស ខេត្តរតនគិរី បើកដំណើរការអោយក្រុមអ្នកញៀនល្បែងលេងយ៉ាងគគ្រឹកគគ្រេងរីឯលោក មាស សារ៉េត អភិបាលស្រុកអណ្តូងមាស ខេត្តរតនគិរី និងលោក វរសេនីយ៍ឯក សោម ចាន់ដារ៉ា អធិការនគរបាលស្រុកអណ្តូងមាស ខេត្តរតនគិរី រក្សាភាពស្ងៀមស្ងាត់ មិនទាន់ឃើញចាត់ឲ្យកូនចៅចុះទប់ស្កាត់និងបង្រ្កាបនោះទេ ។
ប្រភពបានបន្តថា ទីតាំងល្បែងសុីសងជល់មាន់ និងអាប៉ោងខុសច្បាប់ ទ្រង់ទ្រាយធំ មួយកន្លែងនៅ ស្រុកអណ្តូងមាស ខេត្តរតនគិរី កំពុងបើកដំណើរ ការអោយក្រុម ញៀនល្បែងលេងយ៉ាងពេញបន្ទុក រាល់ថ្ងៃ រយៈពេលយូខែមកហើយ ចំណែកអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន មិនទាន់ចុះអនុវត្តទប់ស្កាត់ និងបង្រ្កាបតាមបទបញ្ជាសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នោះទេ! ដែលបញ្ហានេះធ្វើឲ្យគេសង្ស័យថា អាជ្ញាធរនិងសមត្ថកិច្ចមូលដ្ឋាន អាចទទួលបានប្រយោជន៍ខ្លះៗពីម្ចាស់បន ល្បែងមួយកន្លែងនេះទើបមិនបង្រ្កាប។
មហាជនក៏ដូចប្រជាពលរដ្ឋរស់នៅ ស្រុក អណ្តូងមាស ខេត្តរតនគិរី បានដាក់សង្ស័យ ថា បើកគ្មានការឃុបឃិតគ្នាជាប្រព័ន្ធនិងមានខ្នងបង្អែករឹងមាំទេ!គឺម្ចាស់ទីតាំងបនល្បែង និងបក្សពួករបស់ខ្លួនមិនអាចសាងភាពល្បីល្បាញខាងបើកល្បែងស៊ីសងជល់មាន់និងអាប៉ោងខុសច្បាប់ ទ្រង់ទ្រាយធំ នៅលើទឹកដី ស្រុកអណ្តូងមាស ខេត្តរតនគិរី បានឡើយ។ ប្រជាពលរដ្ឋរស់នៅក្នុង ស្រុក អណ្តូងមាស ខេត្តរតនគិរី កំពុងមានការព្រួយបារម្ភយ៉ាងខ្លាំងចំពោះបញ្ហាអសន្តិសុខសង្គម និងអំពើចោរកម្ម លួច ឆក់ ប្លន់ គាស់ផ្ទះនិងប្រើអំពើហិង្សាក្នុងគ្រួសារគ្រឿងញៀន ជាដើមចមកើតចេញពីល្បែងសុីសងនេះ ឯង។
ហេតុដូច្នេះហើយទើប ប្រជាពលរដ្ឋរស់នៅតំបន់នោះស្នើសុំដល់ ឧត្តមសេនីយ៍ទោ អ៊ុង សុភាព ស្នងការនគរបាលខេត្តរតនគីរី ជាពិ សេស លោក ញ៉ែម សំអឿន អភិបាលខេត្តរតនគីរី មេត្តាចាត់មន្រ្តីក្រោម ឱវាទ ចុះទប់ស្កាត់និងបង្រ្កាបបុគ្គលដែលហ៊ានបើកល្បែង សុីសងជល់មាន់ និងអាប៉ោងទ្រង់ទ្រាយធំ មួយកន្លែងនៅ ស្រុកអណ្តូងមាស ខេត្តរតនគិរី នេះផង ក្រោមគ្រប់គ្រងដោយ លោក មាស សារ៉េត អភិបាល ស្រុកអណ្តូងមាស និងលោកវរសេនីយ៍ឯក សោម ចាន់ដារ៉ា អធិការនគរបាលស្រុកអណ្តូងមាស ដើម្បីពង្រឹង សន្តិសុខសង្គម។សូមបញ្ជាក់ថាថ្មីៗនេះសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បន្តវេនបានចេញបទបញ្ជាដល់អភិបាលរាជធានីខេត្តទាំងអស់នូវទូទាំងប្រទេសត្រួតពិនិត្យជាបន្ទាន់លើទីតាំងបនល្បែងសុីសងគ្រប់ប្រភេទផ្សងសំណាងទាំងអស់គ្មានការលើកលែង។ដោយឡែកអាជ្ញាធរនិងសមត្ថ កិច្ចមូលដ្ឋានស្រុកអណ្ដូងមាស ខេត្តរតនគិរីបណ្ដោយអោយមានល្បែងសុីសងមាន់ជល់និងអាប៉ោងបើកលេងយ៉ាងគគ្រឹកគគ្រេងក្នុងមូលដ្ឋានមិនព្រមចុះទប់ស្កាត់និងបង្រ្កាបតាមបទបញ្ជាសម្ដេចមហាបវរធិបតីហ៊ុនម៉ាណែត នោះទេ៕មានត