ភ្នំពេញ៖ តាមប្រភពសេចក្តីរាយការណ៍ពីប្រជាពលរដ្ឋក្នុងមូលដ្ឋាន ខណ្ឌចំការមន បានអោយដឹងថា មានទីតាំងល្បែងអាប៉ោងបើកបង្កប់ក្នុង”ក្លឹបកីឡាស្នុកឃ័រ អេលីដ” មួយកន្លែង នៅតាមបណ្តោយផ្លូវ ៩៥ ខាងក្រោយ ក្រសួងអភិវឌ្ឍន៍ជនបទ អតីត ក្រសួងដែនដីនគរនីយកម្មនិងសំណង់ ស្ថិតនៅក្នុងសង្កាត់បឹងត្របែក ខណ្ឌចំការមន រាជធានីភ្នំពេញ បើកបង្កប់ល្បែងសុីសង បាញ់អាប៉ោងខុសច្បាប់ដុះស្លែ ប្រហែលមានខ្នងបង្អែករឹងមាំ នៅពីក្រោយ និងមានឥទ្ធិពល ហើយមើលទៅ ទើបហ៊ានធ្វើអ្វីៗតាមទំនើងចិត្ត រីឯ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន បាននាំគ្នារក្សាភាពស្ងៀមស្ងាត់។ប្រជាពលរដ្ឋក្នុងមូលដ្ឋាន ខណ្ឌចំការមន នាំគ្នាដាក់ការសង្ស័យថា អាជ្ញាធរនិងសមត្ថកិច្ចជំនាញពាក់ព័ន្ធក្នុង ខណ្ឌចំការមន សម្ងំទទួល ផលប្រយោជន៍ខ្លះៗ ពីម្ចាស់ទីតាំងបនល្បែងសុីសង មួយនេះ រួចហើយម៉ែនទេ? ទើបបណ្ដោយអោយបើកល្បែងបាញ់អាប៉ោងខុសច្បាប់អោយក្រុមអ្នកញៀនល្បែងចូលលេងយ៉ាងគគ្រឹក គគ្រេងទាំងយប់ទាំងថ្ងៃ មិនព្រមចាត់វិធានការទប់ស្កាត់និងបង្ក្រាបនោះទេ។
មហាជនក៍ដូចប្រជាពលរដ្ឋរស់នៅក្នុង ខណ្ឌចំការមន នាំគ្នារិះគន់ចំៗទៅលើអាជ្ញាធរនិងសមត្ថកិច្ចុមូលដ្ឋាថាបើគ្មានការឃុបឃិតគ្នាជាប្រព័ន្ធ ហើយមានខ្នងបង្អែករឹងមាំ ទើបម្ចាស់ទីតាំងនិងបក្សពួក របស់ខ្លួនអាចសាងភាពល្បីល្បាញ ខាងបើកល្បែងស៊ីសង បាញ់ អាប៉ោងនិងល្បែងខុសច្បាប់ គ្រប់ប្រភេទ នៅក្នុង”ក្លឹបកីឡាស្នុកឃ័រ អេលីដ”មួយកន្លែង នៅលើទឹកដី ខណ្ឌចំការមន បានដោយរលូនមិនរំខានដល់សមត្ថកិច្ចឡើយ។
ប្រភពពីប្រជាពលរដ្ឋ រស់នៅក្នុង ខណ្ឌចំការមន រាជធានីភ្នំពេញ បានបន្ថែមទៀតថា ម្ចាស់”ក្លឹបកីឡាស្នុកឃ័រ អេលីដ” មួយកន្លែងក្នុង ខណ្ឌចំការមន លួចបង្កប់ល្បែង ស៊ីសងបាញ់អាប៉ោងនិងល្បែងខុសច្បាប់ គ្រប់ប្រភេទ កំពុងបើកលេងរាល់ថ្ងៃ តែគេមិន ដែលឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ចុះអនុវត្តទប់ស្កាត់ និងបង្ក្រាបឡើយ! ឬមួយខ្លាចបាត់បង់ផលប្រយោជន៍ផងក៏មិនដឹង ?។
ហេតុនេះ មន្ត្រីអាជ្ញាធរនិងសមត្ថកិច្ចពាក់ព័ន្ធក្នុង ខណ្ឌចំការមន គួរត្រួតពិនិត្យ ទប់ស្កាត់និងបង្រ្កាបខ្លះផង ចំពោះទីតាំងល្បែងស៊ីសង គ្រប់ប្រភេទ បង្កប់នៅក្នុង”ក្លឹបកីឡាស្នុកឃ័រ អេលីដ”មួយកន្លែងខាងលើ កំពុងធ្វើឲ្យប្រជាពលរដ្ឋក្នុង ខណ្ឌចំការ មន មានការព្រួយបារម្ភ យ៉ាងខ្លាំង ចំពោះ បញ្ហាអសន្តិសុខសង្គម និង អំពើចោរកម្មចោរលួច. ចោរឆក់. ចោរប្លន់.ចោរគាស់ផ្ទះនិងប្រើអំពើហឹង្សា ក្នុងគ្រួសារ គ្រឿងញៀន ដើមចមកើតចេញពីល្បែងសុីសងនេះឯង។
ប្រជាពលរដ្ឋក្នុង ខណ្ឌចំការមន រាជធានីភ្នំពេញ ស្នើសុំដល់ ឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ ជាពិសេស លោក ឃួង ស្រេង អភិបាលរាជធានីភ្នំពេញ សូមជួយចាត់មន្ត្រីនគរបាលក្រោមឱវាទ ចុះទប់ស្កាត់និងបង្រ្កាបល្បែងស៊ីសងបាញ់អាប៉ោងនិងល្បែងខុសច្បាប់ គ្រប់ប្រភេទ នៅក្នុង “ក្លឹបកីឡាស្នុកឃ័រ អេលីដ” មួយកន្លែងក្នុង ខណ្ឌចំការមន នេះផង។ ក្រោមការគ្រប់គ្រងដោយ លោក កៀង ល័ក្ស អភិបាលខណ្ឌចំការមន និងលោក យិន សាន អធិការនគរបាលខណ្ឌចំការមន ដើម្បីបង្រឹងសន្តិសុខសង្គម។សូមបញ្ជាក់ថាថ្មីៗនេះសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បន្តវេនបានចេញបទបញ្ជាដល់អភិបាលរាជធានីខេត្តទាំងអស់នូវទូទាំងប្រទេសត្រួតពិនិត្យជាបន្ទាន់លើទីតាំងបនល្បែងសុីសងគ្រប់ប្រភេទផ្សង សំណាងទាំងអស់គ្មានការលើកលែង។ដោយឡែកអាជ្ញាធរនិងសមត្ថកិច្ចមូលដ្ឋានខណ្ឌចំការមនបណ្ដោយអោយល្បែងសុីសងអាប៉ោងដុះស្លែបើកបង្កប់នៅក្នុង”ក្លឹបកីឡាស្នុកឃ័រ អេលីដ” យ៉ាងគគ្រឹក គគ្រេងមិនព្រមទប់ស្កាត់និងបង្រ្កាបតាមបទបញ្ជាសម្ដេចនោះទេ៕មានត