ព្រៃវែង៖ ប្រភពីក្រុមអ្នករកស៊ីដឹកជញ្ជូនទំនិញឆ្លងកាត់ផ្លូវជាតិលេខ១នៅចំណុភូមិក្រសាជេទ ឃុំរំចេក ស្រុកព្រះស្ដេច ខេត្តព្រៃវែងតែងតែរអ៊ូរទាំអំពីករណីមន្ត្រីដែលប្រចាំការនៅស្ថានីយ៍ថ្លឹងរថយន្តថា រថយន្តក៏ថ្លឹង, លុយក៏ថ្លឹង។ បើទោះបីជារថយន្តដឹកមិនលើសទម្ងន់ក៏មន្រ្តីៗដែលប្រចាំការនៅទីនោះសុំលុយថ្លៃបាយទឹកនិងកាហ្វេផងដែរ វាក្លាយទៅជាទម្លាប់ដែលគួរឲ្យស្អប់ខ្ពើមបំផុត ថាតើពួកមន្ត្រីទាំងនោះមកធ្វើការ មិនបានទទួលប្រាក់បៀវត្សពីរដ្ឋាភិបាលទេឬ? ។
ប្រភពពីមន្ត្រីមន្ទីរសាធារណការ និងដឹកជញ្ជូនខេត្តព្រៃវែង បានអោយដឹងថា លោក ជា ម៉ូ អនុប្រធានមន្ទីរសាធារណការនិងដឹកជញ្ជូនខេត្តព្រៃវែង ជាអ្នកទទួលមើលការខុសត្រូវឬអាចនិយាយបានថា ជាប្រធានស្ថានីយ៍ថ្លឹងរថយន្តនៅលើផ្លូវជាតិលេខ ១ ភូមិក្រសាជេទ មិនគួរបណ្ដែតបណ្ដោយអោយឈ្មួញដឹកលេីសទំម្ងន់តាមអំពេីចិត្ត។
ប្រភពពីមន្ត្រីនៃមន្ទីរសាធារណការបានបន្តទៀតថា ដោយមានការឃុបឃិតគ្នាជាប្រពន្ធ័ ពីថ្នាក់ដឹកនាំមន្ទីរ ឬអភិបាលរងខេត្តទទួលបន្ទុកផ្នែកជញ្ជីងនេះទើបក្រុមមន្ត្រីនៅស្ថានីយ៍ជញ្ជីងថ្លឹងរថយន្តផ្លូវជាតិលេខ១ ភូមិក្រសាជេទ ឃុំរំចេក ស្រុកព្រះស្ដេច ខេត្ត ព្រៃវែង រកវិធីគ្រប់សាស្រ្តដើម្បីប្រមូលប្រាក់អោយបានច្រើនពីព្រោះវាជាមុខមាត់របស់ងស្ថានីយ៍ជញ្ជីថ្លឺផង និងមានចំណូលដាក់ក្នុងហោប៉ៅបានច្រើនចែកគ្នាធ្វើមានបានផង។
ក្រុមអ្នកបើករថយន្តភាគច្រើនបានព្យាយាមគេចវាងតាមផ្លូវផ្សេងៗពីព្រោះតែមន្ត្រីនៅប្រចាំការនៅស្ថានីយ៍ជញ្ជីងថ្លឹងរថយន្តចំណុចមួយនេះទារលុយច្រើនៗបើទោះបីជាមាន ការលើសទម្ងន់បន្តិចបន្តួចក៏ដោយ។
ជាងនេះទៅទៀតបើទោះបីជាមិនលើស ទម្ងន់ក៏មិនត្រូវនៅទីនោះហាមាត់លូកដៃ សុំលុយថ្លៃបាយទឹកនិងកាហ្វេប្រចាំថ្ងៃនោះដែរ។ ក្រុមអ្នករកស៊ីដឹកជញ្ជូនទំនិញពួកគាត់បានទទួលស្គាល់ថា ការដឹកជញ្ជូនអាចមាន លើសទម្ងន់បន្តិចបន្តួច ហើយប៉ុន្តែមិនដល់ថ្នាក់រាប់តោននោះទេ រីឯពួកមន្ត្រីដែលប្រចាំការនៅស្ថានីយ៍ជញ្ជីងថ្លឹងរថយន្ត ផ្លូវជាតិ លេខ១ ភូមិក្រសាជេទ ឃុំរំចេក ស្រុកព្រះ ស្ដេច នេះបន់អោយតែមានរថយន្តដឹក លើសទម្ងន់ដើម្បីសង្កត់ក យកលុយតែប៉ុណ្ណោះ ។
បញ្ហាក្រុមមន្ត្រីនៅស្ថានីយ៍ជញ្ជីងថ្លឹងរថយន្ត នៅលើផ្លូវជាតិលេខ១ស្ថិតនៅភូមិក្រសាជេទ ឃុំរំចេក ស្រុកព្រះស្ដេច នេះពិតជាបង្កអោយមានការក្តៅក្រហាយដល់អ្នករកស៊ីដឹកជញ្ជូនទំនិញនានាហើយជាពិសេសពួកអ្នកដឹក ជញ្ជូនទំនិញមួយចំនួនឆ្លៀតឱកាសវាងផ្លូវ ដែលបណ្ដាលអោយផ្លូវដទៃខូចខាត ។
រីឯក្រុមមន្ត្រីដែលប្រចាំការនៅទីនោះគឺដឹងតែពីយកលុយ បើទោះបីជាមិនលើស ទម្ងន់ឬលើសតិចតួចក៏ដោយ អ្វីដែលសំខាន់នៅពេលដែលពួកគេរកលុយបានច្រើនគឺជាមោទន ភាពដោយមិនដឹងថាលុយដែលបានច្រើនគឺជាការបំផ្លាញផ្លូវនោះទេ។ ហេតុនេះហើយសូមលោក ឱម យ៉ិនទៀងប្រធានអង្គភាពប្រឆាំងអំពើពុករលួយ ធ្លាប់ប្ដេជ្ញា លុបបំបាត់អំពើពុករលួយនៅតាមដងផ្លូវចាត់វិធានការទប់ស្កាត់និងបង្រ្កាបអំពើពុករលួយ ក្រុមស្ថានីយ៍ជញ្ជីងថ្លឹងរថយន្តផ្លូវជាតិលេខ ១ ភូមិក្រសាជេទ ឃរំចេក ស្រុកព្រះស្ដេច ខេត្តព្រៃវែង កំពុងប្រព្រឹត្តអំពើពុករលួយ នូវស្ថានីយ៍ជញ្ជីងថ្លឹងរថយន្ត! រថយន្តក៍ថ្លឹង, លុយក៍ថ្លឹង ៕
