មណ្ឌលគីរី ៖ សង្វៀនជល់មាន់និងអាប៉ោងខុសច្បាប់មួយកន្លែងស្ថិតនៅក្នុងឃុំប៊ូស៊្រា ស្រុកពេជ្រាដា ខេត្តមណ្ឌលគីរី បើកដំណើរការអោយក្រុមញៀនល្បែងលេងយ៉ាងគគ្រឹក គគ្រេង រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់ មិនហ៊ានធ្វើការទប់ស្កាត់និងបង្ក្រាបនោះទេ ។
ប្រភពពីពលរដ្ឋឃុំប៊ូស្រ៊ា ស្រុកពេជ្រាដា ខេត្តមណ្ឌលគិរី បានអោយដឹងថា សង្វៀនមាន់ ជល់និងអាប៉ោងខុសច្បាប់កំពុងបើកដំណើរការលេងជាយូរណាស់មកហើយរាល់ថ្ងៃយ៉ាងពេញបន្ទុករីឯលោក តាត់ យ៉េន អធិការដ្ឋាននគរបាលស្រុកពេជ្រាដា ខេត្តមណ្ឌល គិរីនិងលោកអភិបាលស្រុកពេជ្រាដា ខេត្តមណ្ឌលគិរី បណ្ដោយអោយម្ចាស់សង្វៀនមាន់ជល់និងអាប៉ោងខុសច្បាប់បើកអោយក្រុមញៀនល្បែងលេងយ៉ាងអនាធិបតេយ្យ ហ៊ានផ្គើនបទបញ្ជាសម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
ប្រភពបានបន្តទៀតថា ក្នុងមួយថ្ងៃៗមានក្រុមញៀនល្បែងចូលលេងជល់មាន់និងអាប៉ោងយ៉ាងគគ្រឹកគគ្រេងជាប្រភពចំណូលរបស់មន្រ្តីធំៗមួយចំនួនដែលប្រព្រឹត្តអំពើពុក រលួយទើបអ្វីៗអាចប្រព្រឹត្តទៅបានដោយរលូនបែបនេះ។ ល្បែងស៊ីសងជល់មាន់និងអាប៉ោងខុសច្បាប់មួយកន្លែងខាងលើបើកលេងដុះស្លែ លេងភ្នាល់ចាក់លុយចាញ់ឈ្នះរាប់លាន រាប់ពាន់ដុល្លារក្នុងមួយថ្ងៃៗជាពិសេសអាប៉ោងសុីគ្នាល្បីពេញសង្វៀន ហើយនាំគ្នាស្រែកហ៊ោកញ្ច្រៀវកងរំពង មិនរំខានដល់អាជ្ញាធរនិងសមត្ថកិច្ចមូលដ្ឋានឡើយ!ធ្វើអោយប្រជាពលរដ្ឋរស់នៅក្នុងមូល ដ្ឋានខាងលើមានការព្រួយបារម្ភនិងភ័យខ្លាចបញ្ហាអសន្តិសុខ សង្គម និង អំពើចោរកម្ម ចោរលួច.ចោរឆក់.ចោរប្លន់.ចោរគាស់ផ្ទះនិងប្រើអំពើហិង្សាគ្រួសារគ្រឿងញៀន ជាដើម ចមកើតចេញពីល្បែងសុីសងនេះឯង។
ដូច្នេះហើយទើបប្រជាពលរដ្ឋស្នើរសុំដល់លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងលោកសន្តិបណ្ឌិត សុខ ផល រដ្ឋលេខាធិការក្រសួងមហាផៃ្ទនិងជាប្រធានគណកម្មការទប់ស្កាត់និងបង្ក្រាប បទល្មើសល្បែងស៊ីសងទូទាំងប្រទេស មេត្តាចាត់មន្រ្តីក្រោមឱវាទខេត្តចុះទប់ស្កាត់និងបង្រ្កាបសង្វៀនមាន់ជល់និងអាប៉ោងស្ថិតនៅក្នុងឃុំប៊ូស្រ៊ា ស្រុកពេជ្រាដា ខេត្តមណ្ឌលគីរីនេះផង។
ហេតុនេះហើយទើបពលរដ្ឋស្នើសុំដល់លោកឧត្តមសេនីយ៍ទោ ឡោ សុខា ស្នងការនគរ បាលខេត្តមណ្ឌលគីរី.លោក ថង សាវុន អភិបាលខេត្តមណ្ឌលគីរីនិងលោក ហែម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគិរី មេត្តាចាត់កម្លាំងជំនាញក្រោមឱវាទចុះទប់ស្កាត់និងបង្រ្កាបទីតាំងខាងលើអោយមានប្រសិទ្ធភាពផង ដើម្បីពង្រឹងសន្តិសុខសង្គម ស្របតាមគោលនយោបាយភូមិ ឃុំ សង្កាត់ មានសុវត្ថិភាព ៧ ចំណុចរបស់រាជរដ្ឋាភិបាល ដែលបានដាក់ចេញដោយក្រសួងមហាផ្ទៃ ដើម្បីអោយស្របតាមបទបញ្ជាសម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជានិងស្របតាបបទបញ្ជា ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ៕មានត
