ខេត្តកំពង់ធំ៖ គួររំលឹកផងដែរថា កាលពីថ្ងៃទី ១៧ ខែកញ្ញាឆ្នាំ២០២២កន្លងទៅសម្ដេចតេ ជោ ហ៊ុនសែន អតីតនាយករដ្ឋមន្ត្រីនៃកម្ពុជា បានដាក់បទបញ្ជាដល់អភិបាលរាជធានីខេត្តទាំង២៥.ខេត្ត.ក្រុង. ត្រូវតែបង្រ្កាបទីតាំងបនល្បែងសុីងសងគ្រប់ប្រភេទទូទាំងប្រទេសដោយគ្មានការលើកលែង។ សម្តេចតេជោ បានបញ្ជាក់យ៉ាងដាច់ណាត់ទៀតថា បើ អាជ្ញាធរនិងសមត្ថកិច្ចមូលដ្ឋានស្រុក .ក្រុងខេត្ត ណាមិនអនុវត្តទប់ស្កាត់និងបង្រ្កាបទីតាំងបនល្បែងសុីសងនៅក្នុងដែនខ្លួននោះទេ!អាជ្ញាធរនិងសមត្ថកិច្ចមូលដ្ឋានទាំងនោះ!និងមានបញ្ហាប្រឈមនឹងបាត់បង់តំណែងទៀតផង។ សូមបញ្ជាក់ ថា ថ្មីៗ នេះសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បន្តវេនបានចេញបទបញ្ជាដល់អភិបាលរាជធានីខេត្តទាំងអស់នូវទូទាំងប្រទេសត្រួតពិនិត្យជាបន្ទាន់លើទីតាំងបនល្បែងសុីសងគ្រប់ប្រភេទផ្សងសំណាងទាំងអស់គ្មានការលើកលែង។ដោយឡែកអាជ្ញាធរនិងសមត្ថកិច្ចមូលដ្ឋានស្រុកសន្ទុកបណ្តោយអោយមានសង្វៀនជល់មាន់និងអាប៉ោងខុសច្បាប់ដែលមានឈ្មោះគ្រូឈាន់និងគ្រូអាង ម្ចាស់ផ្សារសំអាងរីករាយ ក្នុងឃុំបឹងល្វា ស្រុកសន្ទុក ខេត្តកំពង់ធំ កៀងគរប្រមូលផ្តុំក្រុមញៀនល្បែងឲ្យចូលទៅលេងយ៉ាងគគ្រឹក គគ្រេង រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់ មិនទាន់ឃើញចុះទប់ស្កាត់និងបង្រ្កាបនោះទេ។
បើតាមប្រភពពីប្រជាពលរដ្ឋរស់នៅក្បែរនោះបានអោយដឹងថា ទីតាំងល្បែងជល់មាន់ និងអាប៉ោងខុសច្បាប់មួយកន្លែង ដែលនៅចំណុចចំការស្វាយចន្ទី ស្ថិតនៅក្នុងភូមិអូរគគីរ ឃុំបឹងល្វា ស្រុកសន្ទុក ខេត្ត កំពង់ធំ កំពុងបើកដំណើរការអោយក្រុម ញៀនល្បែងលេងយ៉ាងពេញបន្ទុកហើយ បើកលេងរាល់ថ្ងៃ គេមិនទាន់ឃើញអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានចុះមកអនុវត្តទប់ស្កាត់និងបង្ក្រាបនោះទេ! គេសង្ស័យជាឆ្នាំងបាយ របស់ អាជ្ញាធរនិងសមត្ថកិច្ចមូលដ្ឋានផងក៏មិនដឹង?។
ប្រភពដដែលបានបន្ថែមទៀតថា ទីតាំងល្បែងជល់មាន់និងអាប៉ោងខុសច្បាប់របស់ឈ្មោះគ្រូឈាន់ និងគ្រូអាងម្ចាស់ផ្សារសំអាងរីករាយ មួយកន្លែងនេះបើកអោយក្រុមញៀនល្បែងលេងយ៉ាងរំភើយ រីឯលោកអធិការដ្ឋា ននគរបាលស្រុកសន្ទុកនិងលោកអភិបាលស្រុកសន្ទុកសម្ងំស្ងៀមឈឹង មិនឃើញឲ្យកូនចៅចុះទប់ស្កាត់និងបង្ក្រាបនោះទេ! ធ្វើប្រជាពលរដ្ឋរស់នៅក្បែរនោះមានការព្រួយបារម្ភយ៉ាងខ្លាំងអំពីបញ្ហា អសន្តិសុខ សង្គមនិងអំពើចោរកម្ម លួច ឆក់ ប្លន់ គាស់ផ្ទះនិងអំពើហិង្សាគ្រួសារគ្រឿងញៀន ជាដើមចមកើតចេញពីល្បែងសុីសងនេះឯង។ ប្រជាពលរដ្ឋរស់នៅក្នុងមូលដ្ឋានខាងលើបានលើកឡើងថា ឯណាទៅគោលនយោបាយភូមិ.ឃុំ.សង្កាត់មានសុវត្ថិភាពទាំង៧ ចំណុចរបស់រាជរដ្ឋាភិបាលបានដាក់ចេញដោយក្រសួងមហាផ្ទៃ។ ដែលបានដាក់ចេញឲ្យមន្ត្រីថ្នាក់ក្រោមជាតិអនុវត្តទប់ស្កាត់និងបង្ក្រាបល្បែងសុីសងកាលពីកន្លងទៅ នោះ!បើនៅក្នុងមូលដ្ឋាននីមួយៗសំបូរទៅដោយល្បែងយ៉ាងដូច្នេះ។
ដូច្នេះហើយប្រជាពលរដ្ឋរស់នៅមូលដ្ឋានខាងលើស្នើសុំទៅដល់លោក ងួន រតនៈ អភិបាលខេត្តកំពង់ធំនិងឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំនិងលោកមេបញ្ជាការកងរាជអាវុធហត្ថខេត្តកំពង់ធំ មេត្តាចាត់កម្លាំងជំនាញក្រោមឱវាទចុះត្រួតពិនិត្យទប់ស្កាត់និងបង្ក្រាបទីតាំងល្បែងជល់មាន់និងអាប៉ោងខុសច្បាប់របស់ គ្រូឈាន់ និងគ្រូអាងម្ចាស់ផ្សារសំអាង រីក រាយ មួយកន្លែងស្ថិតក្នុងភូមិសាស្រ្តខាងលើនេះផងទាន៕មានត
