ខេត្តកណ្តាល ៖ តាមប្រភពសេចក្តីរាយកា រណ៍ពីប្រជាពលរដ្ឋស្រុកត្បូងឃ្មុំ បានអោយដឹងថា មានក្រុមឈ្មួញជាច្រើនសម្រុកដឹកជញ្ជូនធ្យូងចេញពីភូមិដំណាក់ចារ ឃុំអញ្ចើម ស្រុកត្បូងឃ្មុំ ខេត្តត្បូងឃ្មុំ ដឹកជញ្ជូនធ្យូងទាំងយប់យកទៅលក់នៅប្រទេសវៀតណាម ចូលតាមច្រកទ្វារអន្តរជាតិក្អមសំណរ ស្រុកលើកដែក ខេត្តកណ្តាល យ៉ាងគគ្រឹក គគ្រេង ដោយមានការបើកដៃពីសំណាក់មន្រ្តីសមត្ថកិច្ចជំនាញពាក់ព័ន្ធប្រចាំច្រក!ចំណែក ឯលោក សុង ម៉ាឡៃ ប្រធានការិយាល័យ គយនិងរដ្ឋករក្អមសំណ និងលោក រឹម លឹម សេង នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិក្អមសំណរ កំពុងសប្បាយចិត្តក្នុងការប្រមូលលុយចែកគ្នាធ្វើមានធ្វើបានយ៉ាងសុខស្រួលពីក្រុមឈ្មួញរកសុីដឹកជញ្ជូនធ្យូងនិងទំនិញផ្សេងៗទៀតដែលឆ្លង ដែនចេញចូលតាមច្រកមួយនេះ។
ប្រភពបានបន្តថា រាល់ថ្ងៃគេតែងតែសង្កេតឃើញមន្ត្រីរបស់លោក សុង ម៉ាឡៃ និងមន្ត្រីក្រោមឱវាទរបស់លោក រឹម លឹមសេង តែង តែយកលុយក្រុមឈ្មួញដឹកធ្យូងនិងឈ្មួញ ដឹកទំនិញផ្សេងៗទៀតជាថ្នូរនិង ការបើកបារ៉ាស់ ឱ្យក្រុមឡានសាំយ៉ុងកែឆ្នៃទ្រុងដឹក ជញ្ជូនធ្យូងរបស់ក្រុមឈ្មួញដឹកឆ្លងដែនយកទៅលក់នៅប្រទេសវៀតណាមដូចហែរកឋិននោះយ៉ាងត្រជាក់ចិត្តល្ហឹម។
សូមបញ្ជាក់ថា ច្រកទ្វារអន្តរជាតិក្អមសំណ ស្ថិតនៅក្នុងភូមិក្អមសំណក្រោម ឃុំក្អមសំ ណរស្រុកលើកដែក ខេត្តកណ្តាលកំពុងបើក ដៃអោយក្រុមឈ្មួញសម្រុកដឹកជញ្ជូនធ្យូងតាមរថយន្តសាំយ៉ុងកែឆ្នៃទ្រុង ទាំងខ្សែរៗឆ្លងដែនយកទៅលក់នៅប្រទេសវៀតណាមដូចដង្ហើកឋិនចូលតាមច្រកទ្វារអន្តរជាតិក្អមសំណយ៉ាងរំភើយមិនរំខានដល់សមត្ថ កិច្ចជំនាញពាក់ព័ន្ធប្រចាំច្រកនោះឡើយ។
ទង្វើនិងសកម្មភាពក្រុមឈ្មួញសម្រុកដឹកជញ្ជូនធ្យូងទាំងយប់ឆ្លងដែនទៅលក់នៅប្រទេសវៀតណាមតាមច្រកទ្វារអន្តរជាតិក្អមសំណរនេះប្រភពខ្លះទៀតបានបង្ហើបអោយថា រថយន្តសាំយ៉ុងកែឆ្នៃទ្រុងដឹកជញ្ជូនធ្យូងឆ្លងដែនក្នុងមួយគ្រឿងៗត្រូវបង់សួយសារជូនមន្រ្តីប្រចាំច្រក១លានរៀលទៅ១លាន២០មុឺនរៀលក្នុងមួយរថយន្ត ចុះ បើរថយន្តក្នុងមួយយប់ៗ រាប់រយគ្រឿង ឯណ្ណោះ។ ហេតុនេះហើយធ្វើអោយមហាជនរិះគន់ដាក់ការសង្ស័យថា លោក សុង ម៉ាឡៃ ប្រធានការិយាល័យគយនិងរដ្ឋាករក្អមសំណរនិងលោក រឹម លឹមសេង នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិក្អមសំណរជាអ្នកបើកភ្លើងខៀវ ទើបមន្ត្រីប្រចាំការច្រកទ្វារអន្តរជាតិក្អម សំណ បើកបារ៉ាស់ និង យកលុយពីក្រុមឈ្មួញដឹកជញ្ជូនធ្យូងនិងទំនិញផ្សេងៗទៀតតាមច្រកនេះដើម្បីចែកគ្នាធ្វើមានធ្វើបានយ៉ាងសុខស្រួល ។
ពាក់ព័ន្ធការដឹកជញ្ជូនធ្យូងឆ្លងដែនចូលទៅលក់នៅប្រទេសវៀតណាមតាមច្រកទ្វារក្អមសំណរ ស្រុកលើកដែក ខេត្តកណ្តាលនេះដែរប្រជាពលរដ្ឋស្នើសុំដល់លោក គុណ ញឹម អគ្គនាយកដ្ឋានគយនិងរដ្ឋករកម្ពុជា ពិសេស ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មេត្តាពិនិត្យមើលមន្រ្តីប្រចាំច្រកនិងលោក សុង ម៉ាឡៃ ប្រធានការិយាល័យគយនិងរដ្ឋាករក្អមសំណរនិងលោក រឹម លឹមសេង នាយប៉ុស្តិ៍នគរបាលអន្តោប្រវេសន៍នេះផងទាន! ។ពាក់ព័ន្ធព័ត៌មានខាងលើគេហទំព័រ (www.enn-tv.com)យើងខ្ញុំរងចាំនូវការពន្យល់បកស្រាយពីលោក សុង ម៉ាឡៃ ប្រធានការិយាល័យគយនិងរដ្ឋាករក្អមសំ ណរនិងលោក រឹម លឹមសេង នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិក្អមសំណរ រាល់ម៉ោងធ្វើការ៕មានត
ឡានធ្យូងឆ្លងដែនខុសច្បាប់ច្រកទ្វារអន្តរជាតិក្អមសំណ យប់មិញចូល១០ឡាន
