ខេត្តត្បូងឃ្មុំ ៖ គួររំលឹកផងដែរថា កាលនៅថ្ងៃទី១៧ ខែកញ្ញា ឆ្នាំ២០២២ កន្លងទៅសម្តេចតេជោ ហ៊ុនសែន អតីត នាយករដ្ឋមន្ត្រីនៃកម្ពុជា បានដាក់បទ បញ្ជាដល់ អភិបាល រាជធានី . ខេត្ត.ទាំង២៥ ខេត្ត. ក្រុង. ត្រូវតែ បង្រ្កាបទីតាំងបនល្បែងស៊ីសង គ្រប់ប្រភេទ នូវទូទាំងប្រទេស ដោយគ្មានការលើកលែង ។ សម្ដេចតេជោ បានបញ្ជាក់យ៉ាងដាច់ណាត់ទៀតថា បើអាជ្ញាធរនិងសមត្ថកិច្ចមូលដ្ឋានស្រុក.ក្រុង.ខេត្ត.ណាមិនអនុវត្តទប់ស្កាត់និងបង្រ្កាបទីតាំងបនល្បែងស៊ីសង នៅក្នុងដែនសមត្ថកិច្ចរបស់ខ្លួននោះទេ! អាជ្ញាធរនិងសមត្ថកិច្ចមូលដ្ឋានទាំងនោះ? និងមានបញ្ហាប្រឈមនិងបាត់បង់ពីតំណែងទៀតផង។សូមបញ្ជាក់ថា ថ្មីៗនេះសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បន្តវេនបានចេញបទបញ្ជាដល់ អភិបាល រាជធានី. ខេត្ត.ទាំងអស់ នូវទូទាំងប្រទេសត្រួតពិនិត្យជាបន្ទាន់លើទីតាំងល្បែងស៊ីសងគ្រប់ប្រភេទផ្សងសំណាងទាំងអស់គ្មានការលើកលែង។
ដោយឡែកទីតាំងល្បែងសុីសងជល់មាន់និង អាប៉ោងខុសច្បាប់នៅចំណុចចាន់រស្មីស្ថិតនៅភូមិគរ ស្រុកត្បូងឃ្មុំ ខេត្តត្បូងឃ្មុំ នៅបន្តបើកដំណើរការអោយក្រុមញៀនល្បែងសុី សងបើកលេងយ៉ាងគគ្រឹកគគ្រេងហ៊ានផ្គើនបទបញ្ជាសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់ មិនព្រមធ្វើការទប់ស្កាត់និងបង្រ្កាបនោះទេ!បែរជាបណ្តោយអោយម្ចាស់បនល្បែងសុី សងខុសច្បាប់មួយកន្លែងនេះនៅតែបន្តបើកអោយក្រុមញៀនល្បែងសុីសងដោយរលូន!មិនរំខានដល់អាជ្ញាធរនិងសមត្ថកិច្ចមូលដ្ឋានឡើយ។
បើយោងតាមប្រភពសេចក្តីរាយការណ៍ពីប្រជាពលរដ្ឋរស់នៅភូមិគរ ស្រុកត្បូងឃ្មុំបានអោយដឹងទៀតថា ម្ចាស់ទីតាំងល្បែងជល់មាន់ និងអាប៉ោងខុសច្បាប់នៅចំណុចចាន់រស្មីស្ថិតនៅភូមិគរ ស្រុកត្បូងឃ្មុំ ខេត្តត្បូងឃ្មុំ កំពុងបើកដំណើរការលេងយ៉ាងពេញបន្ទុក រាល់ថ្ងៃនោះឈ្មោះស្រីពេជ្រ ជាថៅកែ មាន់ ជល់និងអាប៉ោង រីឯ.អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានមិនទាន់ឃើញចុះអនុ វត្តទប់ស្កាត់និងបង្ក្រាបនៅឡើយទេ! ទើបធ្វើ អោយមហាជនរិះគន់ដាក់ការ សង្ស័យថា អាជ្ញាធរនិងសមត្ថកិច្ចមូលដ្ឋានទទួលបាន លាភសក្ការៈ ពីម្ចាស់បនល្បែងមួយនេះហើយទេដឹង? បាននាំគ្នារក្សាភាពស្ងៀមស្ងាត់។
ប្រភពដដែលបានបន្ថែមអោយដឹងទៀតថា ម្ចាស់ទីតាំងល្បែង ជល់មាន់ និងអាប៉ោងខុសច្បាប់ដែលស្គាល់ឈ្មោះ ស្រីពេជ្រ នេះ តែងតែដើរកៀងគរប្រមូលផ្តុំក្រុមញៀនល្បែងមកជួបជុំគ្នាបើកលេងភ្នាល់ចាក់ដាក់ លុយចាញ់ឈ្នះរាប់លានរាប់ពាន់ដុល្លារ ហើយស្រែកហ៊ោ កញ្ជ្រៀវទ្រហឹងកងរំពងបង្កភាពអនាធិបតេយ្យធ្វើ អោយប្រជាពល រដ្ឋរស់នៅក្បែរទីតាំងនោះមានការព្រួយបារម្ភភ័យខ្លាចយ៉ាងខ្លាំងអំពីបញ្ហាអសន្តិសុខ សង្គមនិងអំពើចោរកម្ម.លួច. ឆក់ .ប្លន់ .គាស់ផ្ទះនិងអំពើហិង្សាគ្រួសារគ្រឿងញៀនជាដើមចមកើតចេញពីល្បែងសុីសងនេះ ឯង។
ដូច្នេះហើយទើបប្រជាពលរដ្ឋរស់នៅក្បែរទីតាំងខាងលើសូមសំណូមពរដល់លោក ជាម ច័ន្ទសោភ័ណ អភិបាល ខេត្តត្បូងឃ្មុំ. លោកឧត្តមសេនីយ៍ទោ ម៉ុន ម៉ាគ៌ា ស្នងការដ្ឋាននគរ បាលខេត្តត្បូងឃ្មុំនិងលោកឧត្តមសេនីយ៍ត្រី រ័ត្ន ចាន់ណា មេបញ្ជាការកងរាជអាវុធហត្ថខេត្តត្បូងឃ្មុំ មេត្តាចាត់កម្លាំងជំនាញក្រោមឱវាទចុះពិនិត្យទប់ស្កាត់និងបង្រ្កាប ទីតាំងល្បែងសុីសងជល់មាន់និងអាប៉ោងខុសច្បាប់ដុះស្លែ ស្ថិតក្នុងភូមិសាស្ត្រខាងលើអោយមានប្រសិទ្ធភាពផង ស្របតាមគោលនយោបាយ ភូមិ ឃុសង្កាត់ មានសុវត្ថិភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ៕មានត