ខេត្តកណ្តាល៖តាមប្រភពសេចក្តីរាយការណ៍ ពីប្រជាពលរដ្ឋស្រុកត្បូងឃ្មុំ បានអោយដឹង ថា មានក្រុមឈ្មួញជាច្រើនសម្រុកដឹកជញ្ជូនធ្យូងចេញពីភូមិដំណាក់ចារ ឃុំអញ្ចើម ស្រុកត្បូងឃ្មុំ ខេត្តត្បូងឃ្មុំ ដឹកឆ្ពោះទៅឆ្លងដែន យកទៅលក់នៅប្រទេសវៀតណាម ចូលតាមច្រកទ្វារអន្តរជាតិក្អមសំណរ ស្រុកលើកដែក ខេត្តកណ្តាល យ៉ាងគគ្រឹកគគ្រេង មិនរំខានដល់មន្រ្តីសមត្ថកិច្ចជំនាញពាក់ព័ន្ធប្រចាំច្រកនោះឡើយ! ចំណែកឯលោក សុង ម៉ាឡៃ ប្រធានការិយាល័យគយនិងរដ្ឋករក្អមសំណ និងលោក រឹម លឹមសេង នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិក្អមសំណរ កំពុងត្រូវប៉ាន់សប្បាយចិត្តក្នុងការប្រមូល លុយចែកគ្នាធ្វើមានធ្វើបានយ៉ាងសុខស្រួល ពីក្រុមឈ្មួញរកសុីដឹកជញ្ជូនធ្យូងនិងទំនិញផ្សេងៗទៀតដែលឆ្លងដែនចេញចូលតាមច្រកមួយនេះ។
ប្រភពបានបន្តថា រាល់ថ្ងៃគេតែងតែសង្កេតឃើញមន្ត្រីរបស់លោក សុង ម៉ាឡៃ និងមន្ត្រីក្រោមឱវាទរបស់លោក រឹម លឹមសេង តែង តែយកលុយជាថ្នូរនិងការបើកបារ៉ាស់ ឱ្យក្រុមឡានសាំយ៉ុងកែឆ្នៃដឹកជញ្ជូនធ្យូងរបស់ក្រុមឈ្មួញដឹកឆ្លងដែនយកទៅលក់នៅប្រទេសវៀតណាមយ៉ាងគគ្រឹកគគ្រេងដោយរលូន។
សូមបញ្ជាក់ថា ក្រុមឈ្មួញកំពុងសម្រុកដឹកជញ្ជូនធ្យូងឆ្លងដែននិងទំនិញផ្សេងៗតាមច្រកទ្វារអន្តរជាតិក្អមសំណ ស្ថិតនៅក្នុងភូមិក្អមសំណក្រោម ឃុំក្អមសំណស្រុកលើកដែក ខេត្តកណ្តាល ក្រុមឈ្មួញធ្វើសកម្មភាពសម្រុកដឹកជញ្ជូនធ្យូងតាមរថយន្តសាំយ៉ុងកែឆ្នៃទ្រុង ទាំងខ្សែរៗដូចសង្ហែរកឋិនឆ្លងដែន យកទៅលក់នៅប្រទេសវៀតណាមតាមច្រកទ្វារអន្តរជាតិក្អមសំណយ៉ាអានាធិបតេយ្យ។
ទង្វើនិងសកម្មភាពក្រុមឈ្មួញសម្រុកដឹកជញ្ជូនធ្យូងទាំងនេះ ត្រូវបាន គេដាក់ការសង្ស័យថា?អាចបណ្តាលមកពីលោក សុង ម៉ាឡៃ ប្រធានការិយាល័យគយនិងរដ្ឋាករក្អមសំណរនិងលោក រឹម លឹមសេង នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិក្អមសំណរជាអ្នកបើកភ្លើងខៀវ ទើបមន្ត្រីប្រចាំការច្រកទ្វារអន្តរ ជាតិក្អមសំណ បើកបារ៉ាស់និងយកលុយពីក្រុមឈ្មួញដឹក ជញ្ជូនធ្យូងនិងទំនិញផ្សេងៗទៀតតាមច្រកនេះដើម្បីចែកគ្នាធ្វើមានធ្វើបានយ៉ាងសុខស្រួល ។
ជុំវិញករណីខាងលើនេះលោក គុណ ញឹម អគ្គនាយកដ្ឋានគយនិងរដ្ឋករកម្ពុជា ពិសេស ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មិនគួរមើលរំលងលោក សុង ម៉ាឡៃ ប្រធានការិយាល័យគយនិងរដ្ឋាករក្អមសំណរនិងលោក រឹម លឹមសេង នាយប៉ុស្តិ៍នគរបាលអន្តោប្រវេសន៍តទៀតនោះទេ! ។ ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក សុង ម៉ាឡៃ ប្រធានការិយាល័យគយនិងរដ្ឋាករក្អមសំណរនិងលោក រឹម លឹមសេង នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិក្អមសំណរ រាល់ម៉ោងធ្វើការ៕មានត
