ខេត្តរតនគិរីៈ ជនសង្ស័យម្នាក់ត្រូវបានចៅក្រមចេញដីការចាប់ខ្លួនដោយដើរបង្អួតថាខ្លួនជាឧកញ៉ាពេញក្រុងបានលុង។
ហេតុការណ៍ចាប់ឃាត់ខ្លួនជនសង្ស័យនេះនៅវេលាម៉ោង៧និង៣០នាទី ព្រឹកថ្ងៃទី២៧ ខែឧសភាឆ្នាំ២០១៥ ស្ថិតនៅភូមិទេសអន្លុង សង្កាត់បឹងកន្សែង ក្រុងបានលុង ខេត្តរតនគិរី ករណីឆបោកនិងក្លែងបន្លំឯកសារសាធារណៈ។
ការចុះឃាត់ខ្លួននោះមានកម្លាំងកងរាជអាវុធហត្ថចំនួន៨នាក់ដឹកនាំដោយលោកវរៈសេនីយ៍ត្រី ហៃ វណ្ណារ៉ា មេបញ្ជាការកងរាជអាវុធហត្ថក្រុងបានលុង តាមអនុវត្តន៍ដីកាចេញដោយចៅក្រុមជ័យ មាលា បង្គាប់ឲ្យចាប់ខ្លួនបុរសម្នាក់ឈ្មោះ ធី ហួត ភេទប្រុស អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ មានស្រុកកំណើត នៅឃុំមេមង ស្រុកមេមុត ខេត្តត្បូងឃ្មុំ។
គួរបញ្ជាក់ថា នសង្ស័យនេះបានដើរតួជាឧកញ៉ាបង្អួតខ្លួនពេញខេត្តរតនគិរីយើងនេះជាយូរមកហើយ ប៉ុន្តែមិនទាន់ស៊ើបដឹង ទើបមិនទាន់ឈានដល់ការចាប់ខ្លួន លុះដល់មានដីការចេញដោយអ្នកស្រីជ័យ មាលា ចៅក្រមសាលាដំបូងខេត្ត ទើបមានវិធានការចុះអនុវត្តដីការឃាត់ខ្លួនជនសង្ស័យខាងលើនេះ ។
បច្ចុប្បន្នជនសង្ស័យត្រូវបានចៅក្រមចេញបញ្ជាអោយឃុំខ្លួនបណ្តោះអាសន្ននៅពន្ធនាគារភ្នំស្វាយនៅព្រឹកថ្ងៃទី២៧ ខែឧសភា ឆ្នាំ២០១៥ ដើម្បីស្រាវជ្រាវរកបទដ្ឋានទោសសម្រាប់ចោទលើជននោះទៅតាមផ្លូវច្បាប់៕
គឹម នឿន
