ខេត្តកណ្តាល៖ តាមប្រភពរាយការណ៍ពីប្រជាពល រដ្ឋរស់នៅភូមិផ្លូវត្រីបានអោយដឹងថា មានបើកសង្វៀនជល់មាន់និងអាប៉ោងខុសច្បាប់ មួយកន្លែងនៅក្នុងចំការស្វាយ ស្ថិតនៅភូមិផ្លូវត្រី ឃុំថ្មគរ ស្រុកល្វាឯម ខេត្តកណ្តាល បើកដំណើរការអោយក្រុមញៀនល្បែងនាំគ្នាទៅលេងយ៉ាងគគ្រឹក គគ្រេង រីឯលោកវរសេនីយ៍ឯក មួង រដ្ឋា អធិការដ្ឋាននគរបាលស្រុកល្វាឯមនិងលោក កន សុខកាយ អភិបាល ស្រុកល្វាឯមរក្សាភាពស្ងៀមស្ងាត់ ឈឹង មិនឃើញចាត់កម្លាំងទៅទប់ស្កាត់និងបង្រ្កាបនៅឡើយទេ!ឬមិនទាន់ជ្រាប? ជ្រាបហើយធ្វើមិនជ្រាប ។
បើតាមប្រភពពីប្រជាពលរដ្ឋបានបង្ហើបថា ទីតាំងសង្វៀនជល់មាន់និងអាប៉ោងខុសច្បាប់ មួយកន្លែងនៅក្នុងឃុំថ្មគរ ស្រុកល្វាឯម កំពុងតែបើកដំណើរការអោយក្រុមញៀនល្បែងលេងយ៉ាងពេញបន្ទុកហើយបើកលេងរាល់ថ្ងៃតែម្តង គេមិនដែលឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ចុះទប់ស្កាត់និងបង្រ្កាបនោះទេ! នោះហើយដែលធ្វើអោយគេសង្ស័យថា ទីតាំងបនល្បែងមួយកន្លែងនេះ ជាឆ្នាំងបាយរបស់អាជ្ញាធរនិងសមត្ថកិច្ចមូលដ្ឋានទាំងអស់នោះផង ក៏មិនដឹង?។
ប្រភពបន្តអោយដឹងទៀតថា សង្វៀនជល់មាន់និងអាប៉ោងខុសច្បាប់មួយកន្លែងដែលមានទីតាំងខាង លើ នៅតែបន្តបើកអោយក្រុមញៀនល្បែងចូលលេងភ្នាល់ដាក់លុយ ចាញ់ឈ្នះ រាប់លានរៀល រាប់ពាន់.ដុល្លារ ឯណ្ណោះ ហើយនាំគ្នាស្រែកហ៊ោ កញ្ជ្រៀវ យ៉ាងសប្បាយ បង្កការភ្ញាក់ផ្អើដល់ប្រជាពលរដ្ឋរស់នៅក្បែរៗនោះ មានការភ័យខ្លាច និងព្រួយ បារម្ភបញ្ហា អសន្តិសុខ សង្គមនិងអំពើចោរ កម្ម.ចោរលួច. ចោរឆក់. ចោរប្លន់.ចោរគាស់ផ្ទះ គ្រឿងញៀននិងប្រើអំពើហិង្សាគ្រួសារដើមចមកើតចេញពីល្បែងសុីសងនេះឯង។
ប្រជាពលរដ្ឋក្នុងមូលដ្ឋានលើកឡើងថា ឯណាទៅគោលនយោបាយ ភូមិ.ឃុំ.សង្កាត់.មានសុវត្ថិភាព ទាំង៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ ដើម្បីដាក់អោយមន្ត្រីថ្នាក់ក្រោមជាតិ អនុវត្តទប់ស្កាត់និងបង្ក្រាប បនល្បែងកន្លងមកនោះមានប្រសិទ្ធភាពដែរឬ.!។
ដូច្នេះហើយទើបប្រជាពលរដ្ឋ សំណូមពរទៅដល់ ឧត្តមសេនីយ៍ទោ ឈឿន សុចិត្ត ស្នងការនគរ បាលខេត្តកណ្តាល ជាពិសេសលោក គង់ សោភ័ណ្ឌ អភិបាលខេត្តកណ្តាល មេត្តាចាត់មន្រ្តីក្រោមឱវាទចុះទប់ស្កាត់និងបង្រ្កាបម្ចាស់សង្វៀន ជល់មាន់ និងអាប៉ោងខុសច្បាប់ មួយកន្លែងនៅក្នុងចំការស្វាយ ស្ថិតក្នុងភូមិសាស្ត្រខាងលើអោយមានប្រសិទ្ធស្របតាមគោលនយោបាយភូមិ ឃុំសង្កាត់ មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ។
សូមរំលឹកផងដែរថានៅថ្ងៃទី ១៧ ខែកញ្ញា ឆ្នាំ២០២២ កន្លងទៅសម្តេចតេជោ ហ៊ុន សែន អតីត នាយករដ្ឋមន្ត្រីនៃកម្ពុជា បានដាក់បទបញ្ជាដល់អភិបាល រាជធានី.ខេត្ត.ទាំង ២៥.ខេត្ត.ក្រុង. អោយបង្រ្កាបរាល់ល្បែងខុសច្បាប់មិនមានការលើកលែង!បើអាជ្ញាធរនិងសមត្ថកិច្ចក្នុងមូលដ្ឋានស្រុក. ក្រុង.ខេត្ត.ណាមិនហ៊ានទប់ ស្កាត់និងបង្រ្កាបទីតាំងបនល្បែងសុីសងនៅក្នុងមូលដ្ឋានខ្លួនគ្រប់គ្រងនោះទេ!អាជ្ញាធរនិងសមត្ថកិច្ចទាំងនោះនឹងបញ្ហាប្រឈមនិងបាត់បង់ពីតំណែងទៀតផង។ដោយឡែកអាជ្ញាធរនិងសមត្ថកិច្ចមូលដ្ឋានឃុំ.ស្រុកល្វាឯមបែជាបណ្តែត បណ្តោយអោយមានល្បែងសុីសងជល់មាន់និងអាប៉ោងខុសច្បាប់និងល្បែងជាច្រើនប្រភេទទៀតបើកដំណើរការអោយក្រុមញៀនល្បែងបើកលេងយ៉ាងគគ្រឹក គគ្រេងមិនព្រមធ្វើការទប់ស្កាត់និងបង្រ្កាបល្បែងអោយស្របតាមគោល នយោបាយភូមិឃុំសង្កាត់មានសុវត្ថិភាពទាំ៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃនោះទេ៕មានត