ឧត្តរមានជ័យ ៖ រាជរដ្ឋាភិបាលកម្ពុជាបានដាក់ចេញនូវគោលនយោបាយ ភូមិ ឃុំ សង្កាត់ មានសុវត្ថិភាពទាំង៧ចំណុចអោយមន្រ្តីសមត្ថកិច្ចថ្នាក់មូលដ្ឋានអនុវត្តអោយមានប្រសិទ្ធភាពជូនដល់ប្រជាពលរដ្ឋ។ដោយឡែកអាជ្ញាធរនិងសមត្ថកិច្ច មលដ្ឋាន ឃុំ.ស្រុកត្រពាំងប្រាសាទ បណ្ដែតបណ្ដោយអោយឈ្មោះ”ឡេង” ម្ចាស់សង្វៀនជល់មាន់ និងអាប៉ោងខុសច្បាប់បើកដំណើរការអោយក្រុមញៀនល្បែងលេងយ៉ាងគគ្រឹកគគ្រេងដោយរលូន ចូលតាមច្រកផ្លូវអង់តែន (011) ត្រង់ចំណុចចំការស្វាយស្ថិត នៅភូមិត្រពាំងប្រាសាទ ឃុំត្រពាំងប្រាសាទ ស្រុកត្រពាំងប្រសាទ ខេត្តឧត្តរមានជ័យ រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់ ។
បើតាមប្រភពរាយការណ៍ពីប្រជាពលរដ្ឋរស់នៅភូមិត្រពាំងប្រាសាទ ឃុំត្រពាំងប្រាសាទ បានអោយដឹងថា សង្វៀនជល់មាន់និងអាប៉ោងខុសច្បាប់របស់ឈ្មោះ”ឡេង”នៅតែបន្តបើកដំណើរការអោយក្រុមញៀនល្បែងប្រមូលផ្តុំគ្នាចេញចូលលេងរាល់ថ្ងៃយ៉ាងគគ្រឹកគគ្រេងដដែលទេ? រីឯ អាជ្ញាធរនិងសមត្ថកិច្ចមន្រ្តីជំនាញពាក់ព័ន្ធក្នុងមូលដ្ឋានមិនហ៊ានចុះមកទប់ស្កាត់និងបង្រ្កាបនោះទេ។ សូម្បីលោកអភិបាលស្រុកត្រពាំងប្រាសាទខេត្តឧត្តរមានជ័យនិងលោកអធិការដ្ឋាននគរបាល ខេត្តឧត្តរមានជ័យ រក្សាភាពស្ងៀមស្ងាត់ផងដែរ។
បញ្ជាក់ថាទីតាំងសង្វៀនមាន់ជល់និងអាប៉ោងមួយកន្លែងនេះចូលតាមច្រកផ្លូវអង់តែន (011) ត្រង់ចំណុចចំការស្វាយស្ថិត នៅភូមិត្រពាំងប្រាសាទ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ បើកល្បែងស៊ីសងខុសច្បាប់បានតាមទំនើងចិត្ត ប្រហែលមានខ្នងអង្អែករឹងមាំ ទើបហ៊ានបើកអោយក្រុមអ្នកញៀល្បែងលេងមិនញញើតការបង្រាបរបស់សមត្ថកិច្ចនោះទេ។ ទើបមហាជនរិះគន់ដាក់ការសង្ស័យថា លោកអភិបាល ស្រុកត្រពាំងប្រាសាទ និងលោកអធិការដ្ឋាននគរ បាលស្រុកត្រពាំងប្រាសាទ ប្រហែលទទួលបានប្រយោជន៍ពីម្ចាស់បនល្បែងសុីសងខុសច្បាប់ទាំងនោះហើយទេដឹង? ទើបបានបណ្ដែតបណ្ដោយអោយបុគ្គលនោះបើកល្បែងសុីសងតាមអំពើចិត្តមិនហ៊ានបង្រ្កាប។
ប្រភពដដែលបានអោយដឹងថា សង្វៀនជល់មាន់ និងអាប៉ោងខាងលើបើកដំណើរការអោយក្រុម ញៀនល្បែងលេងយូរខែមកហើយគ្មានអាជ្ញាធរនិងសមត្ថកិច្ចណាហ៊ានបង្ក្រាបនោះទេ! មតិខ្លះលើកឡើងថា បេីគ្មានការបើកដៃពីសំណាក់មន្ត្រី អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានទេ?គឺមិនអាចបើកល្បែងស៊ីសងខុស ច្បាប់បានឡើយ ហើយត្រូវប្រឈមនឹងការបង្ក្រាបទៀតផង។
ដូច្នេះហើយសូមលោក ហួត សុធី ស្នងការនគរ បាលខេត្តឧត្តរ មានជ័យ .លោក ប៉ែន កុសល អភិបាលខេត្តឧត្តរមានជ័យនិងលោកមេបញ្ជាការ កងរាជអាវុធហត្ថខេត្តឧត្តរមានជ័យ មេត្តាចាត់មន្ត្រីក្រោមឱវាទចុះទប់ស្កាត់និងបង្ក្រាបទីតាំងមាន់ជល់និងអាប៉ោងខុសច្បាប់ឈ្មោះ”ឡេង”ដែលកំពុងបើកដំណើរការអោយក្រុមញៀនល្បែងលេងគគ្រឹកគគ្រេងនេះអោយមានប្រសិទ្ធភាពផង។
ប្រជាពលរដ្ឋមានការព្រួយបារម្ភភ័យខ្លាច បញ្ហា អសន្តិសុខ សង្គមនិង អំពើចោរកម្មចោរលួច.ចោរប្លន់.ចោរឆក់. ចោរគាស់ផ្ទះប្រើអំពើហិង្សាគ្រួសារ គ្រឿងញៀនជាដើមចមកើតចេញពីល្បែងសុីសងនេះ ឯង។ ប្រជាពលរដ្ឋលើកជាចម្ងល់ឆ្ងល់ថា តើ គោលនយោបាយ ភូមិ ឃុំ សង្កាត់ មានសុវត្ថិភាពទាំង ៧ ចំណុច ដែលរាជរដ្ឋាភិបាលដាក់ចេញដោយក្រសួងមហាផ្ទៃ ដាក់ចេញដើម្បីអោយថ្នាក់ក្រោមអនុវត្តន៍ប្រកបដោយប្រសិទ្ធភាពដែរឬ? បើនៅក្នុងមូលដ្ឋានគ្រប់គ្រងនីមួយៗបណ្ដោយអោយមានល្បែងសុីសងមាន់ជល់និងអាប៉ោងនិងល្បែងជា ច្រើនប្រភេទទៀតបើកលេងយ៉ាងពេញបន្ទុកនៅក្នុងមូលដ្ឋានមិនព្រមបង្រ្កាបបែបនេះ? ។
ហេតុនេះហើយទើបប្រជាពលរដ្ឋរស់នៅក្នុងមូលដ្ឋានខាងលើសូមសំណូមពរដល់លោក ប៉ែន កុសល អភិបាលខេត្តឧត្តរមានជ័យនិងលោក ហួត សុធី ស្នងការនគរបាលខេត្តឧត្តរមានជ័យ និងលោកមេបញ្ជាការកងរាជអាវុធហត្ថខេត្តឧត្តរមានជ័យ នីតិកាលទី៧ សូមមានវិធានការទប់ស្កាត់និងបង្រ្កាប បនល្បែងស៊ីសងនេះផងទាន។ ចៀសវៀងមហាជនរិះគន់ដាក់ការសង្ស័យទៅលើអាជ្ញាធរនិងសមត្ថកិច្ចមូលដ្ឋានបើក ភ្លើងខៀវជាប្រព័ន្ធបង្កើតបទល្មើសក្នុងមូលដ្ឋាន គួរតែចាត់មន្ត្រីក្រោមឱវាទចុះ ទប់ស្កាត់និងបង្ក្រាបទីតាំងខាងលើអោយមានប្រសិទ្ធភាពស្របតាមគោល នយោបាយ ភូមិ ឃុំ សង្កាត់ មានសុវត្ថិភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ៕មានត
