ខេត្តកំពត ៖ រាជរដ្ឋាភិបាលកម្ពុជា បានដាក់ចេញនូវគោលនយោបាយភូមិឃុំសង្កាត់មានសុវត្ថិភាពទាំង៧ចំណុចអោយថ្នាក់ក្រោមជាតិអនុវត្តអោយមានប្រសិទ្ធភាពខ្ពស់។ដោយឡែកអាជ្ញាធរនិងសមត្ថកិច្ចមូលដ្ឋានបណ្ដោយអោយមានល្បែងសុីសងជល់មាន់ខុសច្បាប់តាមប្រព័ន្ធអនឡាញជាច្រើនកន្លែងស្ថិតនៅក្នុងសង្កាត់កំពង់បាយ ក្រុងកំពត ខេត្តកំពត បើកលេងយ៉ាងគគ្រឹក គគ្រេងនៅក្នុង “តារាងបាល់ទះ” គ្មានស្លាកយី ហោ ស្ថិតនៅភូមិកំពង់បាយត្បូងនិង ភូមិកំពង់បាយ កំពុងគៀងគរប្រមូលផ្ដុំក្រុមអ្នកញៀនល្បែងចេញចូលលេងដោយសេរីយ៉ាងអនាធិបតេយ្យ រីឯអាជ្ញាធរនិងសមត្ថ កិច្ចក្នុងមូលដ្ឋាន រក្សាភាពស្ងៀមស្ងាត់ មិនហ៊ានធ្វើការបង្រ្កាបនោះទេ!មហាជនរិះគន់ដាក់ការសង្ស័យថា ប្រហែល អាជ្ញាធរនិងសមត្ថកិច្ចមូលដ្ឋាននោះបានទទួលលាភសក្ការៈនិងផលប្រយោជន៍ពីម្ចាស់បនល្បែងនោះហើយទេដឹង?ទើបមិនធ្វើការបង្រ្កាបទុកអោយម្ចាស់បនល្បែងបើលេងតាមអំពើចិត្តមិនព្រមបង្រ្កាបសោះ ។
ប្រភពពីប្រជាពលរដ្ឋបានបន្តថា ល្បែង សុីសងជល់មាន់ខុសច្បាប់តាមប្រព័ន្ធ អនឡាញនេះបើកលេងចាក់ភ្នាល់ដាក់លុយចាញ់ឈ្នះរាប់លាន រាប់មុឺនដុល្លារ ស្រែក ហ៊ោកញ្ជ្រៀវត្រហឹងកងរំពងយ៉ាងអនាធិប តេយ្យចំណែកឯលោកអភិបាលក្រុងកំពតនិងលោកអធិការក្រុងកំពត នាំគ្នារក្សាភាពស្ងៀមស្ងាត់! បណ្ដោយអោយទីតាំងនោះនៅតែបន្តបើកអោយក្រុមអ្នកញៀនល្បែងចេញចូលលេងគគ្រឹក គគ្រេងយ៉ាងអនាធិប តេយ្យដដែលធ្វើឲ្យពលរដ្ឋដែលរស់ នៅក្បែរមូលដ្ឋានមានការព្រួយ បារម្ភភ័យខ្លាចបញ្ហាអសន្តិសុខសង្គម អំពើចោរកម្មចោរលួច. ចោរឆក់.ចោរប្លន់.ចោរគាស់ផ្ទះ គ្រឿងញៀននិងប្រើអំពើហិង្សាគ្រួសារ ដើមចមកើតចេញពីល្បែងសុីសងនេះឯង។
ប្រជាពលរដ្ឋរស់នៅក្នុងមូលដ្ឋានខាងលើសូមសុំណូមពរដល់លោកនាយឧត្តសេនីយ៍ ស ថេត អគ្គស្នងការនគរបាលជាតិ នីតិកាលទី៧ ចាត់មន្រ្តីក្រោមឱវាទខេត្តចុះទប់ស្កាត់និងបង្រ្កាបល្បែងសុីសងជល់មាន់ខុសច្បាប់តាមប្រព័ន្ធអនឡាញខាងលើនេះផង។ជាពិសេសលោក ម៉ៅ ធនិន្ទ អភិបាលខេត្តកំពតនិងលោក ម៉ៅ ច័ន្ទមធុរិទ្ធ ស្នងការដ្ឋាននគរបាលខេត្តកំពតមេត្តាចាត់មន្រ្តីក្រោមឱវាទចុះទប់ស្កាត់និងបង្រ្កាបទីតាំងល្បែង សុីសងមាន់ជល់ខុសច្បាប់តាមប្រព័ន្ធអន ឡាញដែលស្ថិតនៅក្នុងភូមិកំពង់បាយត្បូងនិងភូមិកំពង់បាយ សង្កាត់កំពង់បាយ ក្រុងកំពត ខេត្តកំពត ក្នុងតារាងបាល់ទះអោយមានប្រសិទ្ធភាពស្របតាមគោលនយោបាយ ភូមិ ឃុំ សង្កាត់ មានសុវត្ថិភាព ៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផៃ្ទផងទាន។មានត
