ខេត្តតាកែវ ៖ រាជរដ្ឋាភិបាលកម្ពុជាបានដាក់ចេញគោលនយោបាយភូមិ ឃុំ សង្កាត់ មានសុវត្ថិភាពទាំង៧ចំណុចអោយមន្រ្តីថ្នាក់មូល ដ្ឋានអនុវត្តអោយមានប្រសិទ្ធភាព។ដោយ ឡែកអាជ្ញាធរនិងសមត្ថកិច្ចមូលដ្ឋានមិនអនុវត្ត មិនហ៊ានបង្រ្កាប លុបបំបាត់បទល្មើសល្បែងស៊ីសងខុសច្បាប់ក្នុងដែនគ្រប់គ្រងរបស់ខ្លួននោះទេ! ព្រោះអំណាចបុគ្គលមេល្បែងសុីសងមាន់ជល់ខុសច្បាប់តាមប្រព័ន្ធអនឡាញនោះធំជាងអាជ្ញាធរនិងសមត្ថកិច្ចមូលដ្ឋាន ទើបមិនហ៊ានបង្ក្រាប។
សូមរំលឹកថា កាលនៅថ្ងៃទី ១៧ ខែកញ្ញា ឆ្នាំ២០២២ សម្តេចតេជោ ហ៊ុន សែន អតីត នាយករដ្ឋមន្ត្រីនៃកម្ពុជា បានដាក់បទបញ្ជាដល់ អភិបាលរាជធានី ទាំង២៥ ខេត្ត ក្រុងត្រូវ តែបង្រ្កាប!ទីតាំងបទល្មើសល្បែងសុី សងខុសច្បាប់ គ្រប់ប្រភេទ ទូទាំងប្រទេស អោយខានតែបានមិនមានការលើកលែងឡើយ។សម្តេចតេជោ បានបញ្ជាក់យ៉ាងដាច់ណាត់ទៀតថា បើអាជ្ញាធរនិងសមត្ថកិច្ចក្នុងមូលដ្ឋាន ស្រុក ក្រុង ខេត្ត ណាមិនហ៊ានក្នុងការ ទប់ស្កាត់និងបង្រ្កាប! ទីតាំងបទល្មើសល្បែងសុីសងខុសច្បាប់ គ្រប់ប្រភេទ នៅក្នុងមូលដ្ឋានរបស់ខ្លួនគ្រប់គ្រង អាជ្ញាធរនិងសមត្ថកិច្ចមូលដ្ឋានទាំងនោះនិងមានបញ្ហា ប្រឈមនិងបាត់បង់ពីតំណែងទៀតផង។
ប៉ុន្តែផ្ទុយទៅវិញអាជ្ញាធរនិងសមត្ថកិច្ចមូល ដ្ឋានក្រុងដូនកែវ ខេត្តតាកែវមិនយកត្រចៀកស្ដាប់នោះទេ?សបញ្ជាក់ឃើញថាអាជ្ញាធរនិងសមត្ថកិច្ចមូលដ្ឋានជាអ្នកបើកភ្លើងខៀវអោយមានបទល្មើសល្បែងសុីសងខុសច្បាប់នៅក្នុងមូលដ្ឋានរបស់ខ្លួនគ្រប់គ្រងរីកដូចផ្សិត មិនធ្វើការបង្រ្កាបនោះទេ រក្សាភាពស្ងៀមស្ងាត់ ។
ប្រភពបន្ថែមថា ទីតាំងបទល្មើសល្បែងជល់មាន់ខុសច្បាប់ភ្នាល់ តាមអនឡាញ ជាច្រើនកន្លែងក្នុងក្រុងដូនកែវ ខេត្តតាកែវ នៅតែបន្ត បើកលេងយ៉ាងគគ្រឹកគគ្រេងដដែលចុះហេតុអ្វីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន មិនហ៊ានក្នុងការទប់ស្កាត់និងបង្ក្រាប ទើបធ្វើអោយមហាជនរិះគន់ដាក់ការសង្ស័យថា អាជ្ញាធរនិងសមត្ថកិច្ចមូលដ្ឋានត្រូវថ្នាំសណ្តំ ឬត្រូវកញ្ចប់ទើបបាននាំគ្នាបំភ្លេចគោលនយោបាយភូមិ ឃុំ សង្កាត់ មានសុវត្ថិភាពទាំង ៧ ចំណុចរបស់រាជរដ្ឋាភិបាលដាក់ចេញដោយក្រសួងមហាផ្ទៃបែបនេះ។
ប្រភពបានបន្ថែមទៀតថា ម្ចាស់ទីតាំងបនល្បែងសុីសងមាន់ជល់ខុសច្បាប់ ជាច្រើនកន្លែងនៅក្នុងភូមិសាស្ត្រខាង លើកំពុងបើកលេងយ៉ាងអនាធិបតេយ្យ ធ្វើឲ្យប្រជាពលរដ្ឋរស់នៅក្នុងមូលដ្ឋានមានការព្រួយបារម្ភភ័យខ្លាចបញ្ហាអសន្តិសុខសង្គម អំពើចោរកម្ម ចោរលួច.ចោរឆក់.ចោរប្លន់. គាស់ផ្ទះ.គ្រឿង ញៀននិងប្រើអំពើហិង្សាដើមចមកើតចេញ ពីល្បែងសុីសងនេះឯង។ប្រជាពលរដ្ឋរស់នៅក្នុងមូលដ្ឋានខាងលើសូមសុំណូមពរដល់ថ្នាក់ដឹកនាំក្រសួងមហាផ្ទៃជាពិសេសលោកនាយឧត្តមសេនីយ៍ ស ថេត អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេខាធិការក្រសួងមហាផៃ្ទនិងជាប្រធានគណៈកម្មការប្រយុទ្ធប្រឆាំងបទល្មើសល្បែងស៊ីសងទូទាំងប្រទេសមេត្តាចាត់មន្ត្រីក្រោមឱវាទខេត្តចុះទប់ស្កាត់និងបង្រ្កាប ផងទាន។
ដែលបញ្ហានេះលោក អ៊ូច ភា អភិបាលខេត្តតាកែវ លោកឧត្តមសេនីយ៍ទោ ឈាង ផាន់ ណារ៉ា ស្នងការនគរបាលខេត្ត តាកែវ និងលោកមេបញ្ជាការកងរាជអាវុធហត្ថខេត្តតាកែវ បើពិតមិនបានជាប់ពាក់ព័ន្ធនិងផលប្រយោជន៍នោះទេ? គួរតែចាត់វិធានការទប់ស្កាត់និងបង្ក្រាបទីតាំងបទល្មើសល្បែងសុី សងមាន់ជល់ខុសច្បាប់តាមប្រព័ន្ធអនឡាញជាច្រើនកន្លែងក្នុងមូលដ្ឋានខាងលើអោយមានប្រសិទ្ធភាពស្របតាមគោលនយោបាយ ភូមិ ឃុំ សង្កាត់មានសុវត្ថិភាពទាំង ៧ចំណុច ដែលរាជរដ្ឋាភិបាលដាក់ចេញដោយក្រសួង មហាផ្ទៃផងទាន។ពាក់ព័ន្ធព័ត៌មានខាងលើគេហទំព័រ(www.enn-tv.com)យើងខ្ញុំរងចាំនូវការពន្យល់បកស្រាយពីស្ថាប័ន សាមុីពាក់ព័ន្ធ រាល់ម៉ោងធ្វើការ៕មានត
