ខេត្តរតនគិរីៈ កម្លាំងចម្រុះដឹកនាំដោយលោកជា សុភ័ក្ត្រ ព្រះរាជអាជ្ញារងអមសាលាដំបូងខេត្តបានចុះបង្ក្រាបទីតាំងស្តុកឈើពីរកន្លែងផ្សេងៗគ្នាថ្ងៃតែមួយក្នុងក្រុងបានលុង ខេត្តរតនគិរី។ សកម្មភាពចុះបង្ក្រាបទីតាំងស្តុកឈើពីរកន្លែងនេះទី១នៅវេលាម៉ោង៩និង១០នាទីព្រឹក ស្ថិតនៅភូមិអូរកន្ទិល សង្កាត់បឹងកន្សែង ក្រុងបានលុង ទី២នៅវេលាម៉ោង១១និង២០នាទីព្រឹក នៅថ្ងៃទិ១៨ ខែឧសភា ឆ្នាំ២០១៥ ស្ថិតនៅភូមិជ្រីសង្កាត់យក្ខឡោម ក្រុងបានលុង។
លោកជា សុភ័ក្ត្រ ព្រះរាជអាជ្ញារងបានបញ្ជាក់ឲ្យដឹងថា ការចុះបង្ក្រាបនិងដកហូតទីតាំងពីរកន្លែងខាងលើ គឺដោយសារការសហការជាមួយមន្ត្រីជំនាញមេព្រៃខេត្ត ទើបបង្ក្រាបបានទីតាំងស្តុកឈើពីរកន្លែងនេះបានដោយរលូនយ៉ាងនេះ។
បច្ចុប្បន្នឈើដែលស្តុកទុកតាំងពីរកន្លែងខាងលើនោះមន្ត្រីជំនាញបានដឹកទៅរក្សាទុកនៅខណ្ឌរដ្ឋបាលព្រៃឈើខេត្ត រីឯម្ចាស់ទីតាំងទាំងពីរកន្លែងមន្ត្រីជំនាញកំពុងធ្វើកិច្ចសន្យានៅតាមច្បាប់រដ្ឋបាលព្រៃឈើផងដែរ ៕
គឹម នឿន