ភ្នំពេញ ៖ នគរបាលប៉ុស្ដិ៍ច្បារអំពៅ ទី២ បានចុះបង្ក្រាប ទីតាំងបើកហ្គេមខុសច្បាប់មួយកន្លែង ឃាត់ខ្លួនមនុស្ស១០នាក់ ព្រមទាំងដកហូត ទូហ្គេមប្រភេទ បាញ់ត្រីចំនួនពីរទូផងដែរកាលពីវេលាម៉ោង១រសៀល ថ្ងៃទី២៩ ខែមេសា ឆ្នាំ២០១៥ ។
តាមសេចក្ដីរាយការណ៍របស់ប្រជាពលរដ្ឋ ថា នៅចំណុចផ្ទះលេខ១០៦ ផ្លូវលេខ ៣៦៩ ភូមិកណ្ដាល សង្កាត់ច្បារអំពៅទី២ ខណ្ឌច្បារអំពៅ មានទូហ្គេមបើកលេងដោយ ខុសច្បាប់នោះ ទើបកម្លាំងចុះបង្ក្រាបព្រមទាំងឃាត់ខ្លួនអ្នកកំពុងលេង បានចំនួន១០នាក់ ក្នុងនោះប្រុស ៧នាក់និង ស្រី៣នាក់ ។
បច្ចុប្បន្នទូហ្គេមទាំងនេះ ត្រូវបានសមត្ថ កិច្ចយកទៅរក្សាទុកនៅអធិការដ្ឋាននគរបាល ខណ្ឌច្បារអំពៅ ដើម្បីរង់ចាំការវាយកំទេចចោលនៅពេលខាងមុខ ៕