ខេត្តកែប៖តាមប្រភពព័ត៌មានប្រជាពលរដ្ឋក្រុងស្រុកដំណាក់ ចង្អើរបានអោយដឹងថា ដីព្រៃលិចទឹកនឹងព្រៃកោងកាងដែលជាសម្បត្តិសាធារណៈរបស់រដ្ឋក្នុងក្រុងស្រុកដំណាក់ ចង្អើរត្រូវបានក្រុមឈ្មួញមួយចំនួនកំពុងកាប់ទន្ទ្រានយកដីនឹងយកគ្រឿងចក្រមកកាយព្រំដើម្បីធ្វើជាកម្មសិទ្ធិផ្ទាល់ខ្លួន ដោយមិនញញើតនិងច្បាប់បន្តិចណាឡើយ។
ជាក់ស្តែងនៅចំនុចកោះស្ករ ស្ថិតនៅភូមិទួលសាំ ឃុំអង្កោល ស្រុកដំណាក់ចង្អើរនេះតែម្តង ។
បើយោងតាមប្រភពបានពីប្រជាពលរដ្ឋរស់នៅក្នុងមូល ដ្ឋានបានឱ្យដឹងថា សព្វថ្ងៃនេះ ប្រជាពលរដ្ឋកំពុងមានការព្រួយបារម្មណ៏ ព្រោះខ្លាចបាត់ បង់របរបន្តិចបន្តួចរបស់គាត់ ដែលធ្លាប់ អាស្រ័យផល និងប្រកបរបរចិញ្ចិមជីវិតដោយដើររើសខ្យង ងាវ ចាក់ច្រែង និងដាក់លបក្តាម ជាលក្ខណៈគ្រួសារ ដើម្បីចិញ្ចឹមជីវិត តែឥឡូវត្រូវបានក្រុមឈ្មួញ យកគ្រឿងចក្រ មកកាយព្រំដីព្រៃ លិចទឹកនិងព្រៃកោងកាង ដែលជាសម្បត្តិសាធារណៈរបស់រដ្ឋទាំងនោះ ស្ទើទាំង ស្រុង ដើម្បីយកធ្វើជាកម្មសិទ្ធិផ្ទាល់ខ្លួន យ៉ាងរំភើយមិនខ្វល់អ្វីទាំងអស់ ចំណែកអាជ្ញាធរពាក់ព័ន្ធមិនអើរពើរទាល់តែ សោះ។
ប្រភពបានបន្តថា ដីព្រៃកោង កាងព្រៃលិចទឹក ដែលជសម្បត្តិ សាធា រណៈរបស់រដ្ឋនៅតាមបណ្តោយមាត់ព្រែកនិងដៃព្រែក ក្នុងស្រុកដំណាក់ទាំង អស់នេះ សម្បូរទៅដោយព្រៃ កោងកាង ព្រៃលិចទឹកនឹងមានដើម ឈើចម្រុះដុះជាច្រើនទៀត ហើយក៏ជាជម្រកមច្ឆាជាតិច្រើនយ៉ាងបន្តពូជ ពងកូនផងដែរ។
នៅក្នុងអំឡុងរយ:ពេលប៉ុន្មានឆ្នាំនេះ គេសង្កេតឃើញជន ខិលខូចមួយចំនួនលួចបោះ បង្គោលចូលតំបន់ព្រៃលិចទឹកព្រៃកោងកាងចែកគ្នា ដោយអ្នកខ្លះ អាងមានលុយមាន អំណាច និងអ្នកខ្លះអាងខ្សែខ្នង មកកាប់ទន្រ្ទាន បំផ្លាញរំលោភយកទាំងបំពានដោយមានដាក់ បន្ទុក ទៅលើស្ថាប័ន្តកំពូលៗ នៃក្រសួងពាក់ព័ន្ធ និងស្ថាប័នមន្ទីរជំនាញ របស់ថ្នាក់ខេត្តផងដែរសកម្មភាពទាំងនេះគឺផ្ទុយ ពីច្បាប់បានហាមឃាត់នៃតំបន់មួយចំនួន ដែលក្នុង ដែនអភិរក្ស នៅឡើយ ដូចជាអនុ ក្រឹត្យលេខ១៧៩ជាដើម ដែលស្ថិតក្នុងមូលដ្ឋានរបស់ឃុំ សង្កាត់ ក្រុង ស្រុក ទាំងនោះ ដោយរហូតមកដល់ពេលនេះ គេនៅតែសង្កេតឃើញ មានការលួចទន្ទាន កាប់ព្រៃកោង កាង និងដឹកដីចាក់លប់ទៅលើតំបន់ព្រៃលិចទឹកនៅតាមដងព្រែក និងតាមដៃព្រែក ស្ទើគ្រប់ទី កន្លែងមិនដែលឃើញ អជ្ញាធរ និងមន្ត្រីជំនាញពាក់ព័ន្ធណាម្នាក់ហ៊ានលូកដៃចុះមកពិនិត្យ ឬបង្ក្រាប់ឡើយ។
មហាជនក៍ដូចប្រជាពរដ្ឋជាច្រើន បានរិះគន់បានដាក់ការសង្ស័យថាមន្ត្រីជំនាញពាក់ព័ន្ធ និងអាជ្ញាធរ មូលដ្ឋាន អាចទទួលលាភ សក្ការៈពីសំណាក់ក្រុមឈ្មួញអស់ហើយមើល ទៅ? ទើបរក្សាភាពស្ងៀមស្ងាត់ ។
ដូច្នេះហើយទើបប្រជាពលរដ្ឋអំពាវ នាវដល់ថ្នាក់ដឹកនាំក្រសួងស្ថាប័នពាក់ព័ន្ធនានាមេត្តាពិនិត្យមើលបុគ្គលដែលហ៊ានយកគ្រឿងចក្រ ឈួសឆាយដីព្រៃកោងកាងសាធា រណ:របស់រដ្ឋរធ្វើកម្មសិទ្ធិខាងលើដើម្បីផ្ដន្ទាទោសតាមផ្លូវច្បាប់។
ពាក់ព័ន្ធព័ត៌មានខាងលើគេហទំព័រ (www.enn-tv.com)យើងខ្ញុំរងចាំនូវការពន្យល់បកស្រាយពីក្រសួងមន្ទីរសាមីពាក់ព័ន្ធ រាល់ម៉ោងធ្វើការ៕មានត