ខេត្តកណ្តាល ៖ បើយោងតាមប្រភពរាយការណ៍ពីប្រជាពលរដ្ឋ រស់នៅស្រុកស្អាង ស្រុកកោះធំ និងក្រុងតាខ្មៅបានឲ្យដឹងថា បច្ចុប្បន្ននេះករណីដែលកើតឡើង យ៉ាងគគ្រឹកគគ្រេង មាននៅក្នុងស្រុកស្អាង ស្រុកកោះធំ និងក្រុងតាខ្មៅខេត្តកណ្តាល នោះ មានដូចជាៈ បៀរ អាប៉ោ ឆ្នោត កន្ទុយលេខ និងការចែកចាយគ្រឿងញៀនដោយគ្មានសមត្ថកិច្ចប៉ូលិសតាមមូលដ្ឋាន មានចំណាត់ការបង្កាបនោះទេ ទើបបង្ករអោយ ប្រជាពលរដ្ឋមានការព្រួយបារណ៍យ៉ាងខ្លាំងក្នុងការរស់នៅ គឺវាផ្ទុយពីគោលនយោបាយភូមិឃុំមានសុវត្ថិភាពរបស់ប្រមុខរដ្ឋាភិបាលទាំងប្រាំបួនចំណុចនោះ។ ដោយគេស្គាល់យ៉ាងច្បាស់ មេល្បែងស៊ីសងគ្រប់ប្រភេទមាន ១/ ឈ្មោះ ឈន ភេទប្រុស នៅចំណុចគល់ស្ពានព្រែកតូច ផ្ទះលក់មាស់និងដូរលុយ ស្ថិតក្នុងភូមិព្រែករុន ឃុំព្រែក គយ ជាមេកន្ទុយលេខ ធំនិងដុះស្លែ ២/ ឈ្មោះ វិក ភេទប្រុស ៣/ ឈ្មោះប៉ូឡូ ភេទប្រុស មានទីតាំងកត់កន្ទុយលេខនៅក្នុងភូមិលេខ៨ ឃុំត្រើយស្លា ៤/ ឈ្មោះលោកគ្រូតិចលាង ភេទប្រុសមានទីតាំងកត់កន្ទុយលេខក្នុងឃុំតាលុន ៥/ ឈ្មោះរិត មានទីតាំងកត់ក្នុងផ្សារព្រែកតាជន់ ឃុំខ្ពប់ ស្រុកស្អាង ចំណែកក្នុងស្រុកកោះធំវិញមាន ១/ ឈ្មោះសុខាល័យ ភេទស្រី ២/ឈ្មោះវណ្ណា ភេទស្រី មានទីតាំងកត់នៅចំណុចផ្សារកោះធំ ជាមេកន្ទុយលេខធំៗដុះស្លែប្រចាំក្នុងស្រុកកោះធំខេត្តកណ្តាល។
មេកន្ទុយលេខទាំងនោះ សុទ្ធ សឹង បានអះអាងថា ពួកគេបានបង់លុយជាប្រចាំខែអោយលោកអធិការស្រុកក្រុងអស់ហើយ ទើបពួកគេប្រកបមុខរបរនេះបានដោយរលូន និងមិនរំខានដល់សមត្ថកិច្ចនោះទេ ទើបសមត្ថកិច្ចមិនចុះបង្កាបនោះទេ។ ដោយការអះអាងនូវពួកក្រុមញៀនល្បែងនោះហើយ បានបង្កអោយមានការរិះគន់ពីសំណាក់ ប្រជាពលរដ្ឋទូរទាំង ស្រុកស្អាង ស្រុកកោះធំ ក្រុងតាខ្មៅថា លោក អ៊ាវ ចំរើន ស្នងការខេត្តកណ្តាលមានភាពកំសោយក្នុងការដឹកនាំ ពីព្រោះ ដោយតែ ការផុះចេញពីភាពពុករលួយនេះតែ ម្តង។
បើតាមប្រភពពីប្រជាពលរដ្ឋបានអោយដឹងទៀតថា មេឆ្នោតកន្ទុយលេខ បៀរ អាប៉ោង និងចែកចាយគ្រឿងញៀនប្រចាំ ស្រុកទាំងបីដូចខាងនេះសុទ្ធសឹងតែដុះស្លែហើយ។ បានពុំមានសមត្ថកិច្ចប៉លិសណាម្នាក់ហ៊ានចេញមុខបង្កាបនោះឡើយទើបបង្ករអោយបច្ចុប្បន្ននេះនៅក្នុងស្អាង ស្រុកកោះធំ និងក្រុងតាខ្មៅខេត្តកណ្តាលធ្វើអោយប្រជាពលរដ្ឋមានការព្រួយបារម្មណ៍យ៉ាងខ្លាំងចំពោះភូមិឃុំគ្មានសុវត្ថិភាព គឺថា ផ្ទុយពីគោលនយោបាយប្រាំបួនចំណុច។ ពិសេសអំពើរចោកម្មនិងអំពើរហិង្សាក្នុងគ្រួសារកើនមានជារៀងរាល់ថ្ងៃ ដោយសារការបើកអោយមានល្បែងស៊ីសងគ្រប់ប្រភេទខុសច្បាប់នេះ ហើយការឃប់ឃិតពីសមត្ថកិច្ចប៉ូលីស ពិសេសលោកស្នងការខេត្តកណ្តាលតែម្តង ។
ទាក់ទិនការរិះគន់ខាងលើនេះមន្ត្រីតូចតាចបានឲ្យដឹងថាៈ អ្វីៗដែលប្រជាពលព្រួយបារម្មណ៍ ពិតជាត្រឹមត្រូវព្រោះថានៅក្នុងស្អាង ស្រុកកោះធំ ក្រុងតាខ្មៅខេត្តកណ្តាលពិតជាកើតមានល្បែងឆ្នោត កន្ទុយលេខបៀរអាប៉ោង និងចែកចាយគ្រឿងញៀនដុះស្លែពិតប្រាកដមែន ហើយមេល្បែងទាំងនោះ គេមិនខ្លាចសមត្ថកិច្ចប៉ូលីសមូលដ្ឋាននោះទេ។ដោយសារគេសំអាងបានបង់លុយអោយលោកអធិការនៃស្រុកនីមួយៗ អស់ហើយ ។
ទាក់ទិននិងករណីរិះគន់ដូចខាងលើនេះ អ្នកយកព័ត៌មានយើងបានធ្វើការព្យាយាមសុំការបំភ្លឺនិងបញ្ជាក់ពីលោកស្នងការក៍ប៉ុន្តែរពុំមានប្រភពណាមួយទាក់ទងបានឡើយ ៕