ខេត្តកំពត៖ “កាស៊ីណូ ” សុខ គឹមម៉េង ស្ថិតនៅភូមិព្រែកក្រឹស ឃុំព្រែកក្រឹស ស្រុកកំពង់ត្រាច ខេត្តកំពត នៅច្រកព្រំដែនទ្វេភាគី កម្ពុជា~វៀតណាម តន់ហន់នៅតែបើកអោយប្រជាពលរដ្ឋខ្មែរចូល លេងល្បែងស៊ី សង ជល់មាន់ បៀ អាប៉ោងយូគី ហ្គេមបាញ់ត្រីនិងល្បែងជាច្រើនប្រភេទយ៉ាងគគ្រឹក គគ្រេងអនាធិបតេយ្យរីឯអាជ្ញាធរនិងសមត្ថកិច្ចក្នុងមូលដ្ឋាន មិនព្រមអនុវត្តច្បាប់ តាមបទបញ្ជារបស់សម្តេចតេជោ នាយករដ្ឋមន្ត្រី ហ៊ុន សែន នោះទេ។
ប្រភពបានអោយដឹងថា ម្ចាស់ “កាស៊ីណូ” សុខ គឹមម៉េង នៅច្រកព្រំដែនទ្វេភាគីកម្ពុជា~ វៀតណាម តន់ហន់មួយកន្លែងនេះនៅបើកអោយពលរដ្ឋខ្មែរចូលលេងល្បែងសុីសងដោយសេរីយ៉ាងរលូន ។ គេសង្ស័យថា អាជ្ញាធរនិងសមត្ថកិច្ចនៅក្នុងមូលដ្ឋាន ជាអ្នកបើកភ្លើងខៀវ អោយម្ចាស់ “កាស៊ីណូ” សុខ គឹមម៉េង បើកដំណើរការលេងល្បែង សុីសងគ្មានអាជ្ញាធរនិងសមត្ថកិច្ចណាហ៊ានចុះមកធ្វើការទប់ស្កាត់ឬបង្រ្កាបនោះទេ ។
គួររំលឹកផងដែរថា កាលថ្ងៃទី ១៧ ខែកញ្ញា ឆ្នាំ២០២២ កន្លងទៅសម្តេចតេជោ នាយករដ្ឋមន្ត្រី ហ៊ុន សែន បានចេញបទបញ្ជាដាច់ណាត់អោយ អភិបាលរាជធានី.ខេត្តទាំង ២៥ ខេត្ត.ក្រុង.ត្រូវបង្ក្រាប បនល្បែងស៊ីសងខុសច្បាប់ គ្រប់ប្រភេទ ទូទាំងប្រទេស អោយ ខានតែបានមិនលើកលែងទោះខ្នងអង្អែកធំប៉ុណ្ណាត្រូវតែបង្រ្កាប? ដោយឡែកនៅច្រកព្រំដែនទ្វេភាគីកម្ពុជា~ វៀតណាម តន់ហន់ ម្ចាស់ “កាស៊ីណូ” សុខ គឹមម៉េង មួយកន្លែងនេះនៅតែគឃ្លើនផ្គើនបទបញ្ជាសម្ដេចតេជោ នាយករដ្ឋមន្ត្រី ហ៊ុន សែន នៅតែបើកអោយពលរដ្ឋខ្មែរនាំគ្នាចូលលេងនៅ ក្នុងបនល្បែងស៊ីសងជល់មាន់និងអាប៉ោងខុសច្បាប់ យ៉ាងអនាធិបតេយ្យបំផុត? ធ្វើអោយពលរដ្ឋរស់ក្បែរទីតាំងកាសុីណូ ខាងលើមានការព្រួយបារម្ភភ័យ ខ្លាចបញ្ហាអសន្ដិសុខសង្គម និងអំពើចោរកម្ម លួច ឆក់. ប្លន់ គាស់ផ្ទះគ្រឿង ញៀននិងប្រើអំពើហិង្សាគ្រួសារដើមចមកើតចេញពីល្បែងសុីសងនេះឯង។
មហាជនក៏ដូចប្រជាពលរដ្ឋមានចម្ងល់ដូចៗ គ្នាថា តើហេតុអ្វីបានអាជ្ញាធរនិងសមត្ថកិច្ចក្នុងមូលដ្ឋានឃុំ ស្រុកកំពង់ត្រាច ខេត្តកំពត មិនមានឆន្ទៈក្នុងការបង្ក្រាបបនល្បែងស៊ីសងខុស ច្បាប់គ្រប់ប្រភេទ នៅក្នុង”ការស៊ីណូ” សុខ គឹមម៉េង ដែលបើកអោយពលរដ្ឋខ្មែរចូលលេងល្បែងសុីសង ផ្ទុយអំពីច្បាប់អនុញ្ញាតនោះ។ បង្រ្កាបអោយស្របតាម គោលនយោបាយភូមិ ឃុំ មានសុវត្ថិភាព ៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ ផង។
ដែលបញ្ហានេះលោក ម៉ៅ ធនិន អភិបាលខេត្តកំពតលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បើពិតមិនបានជាប់ពាក់ព័ន្ធនឹងផលប្រយោជន៍នោះទេ? គួរតែចាត់វិធានការបង្រ្កាប បនល្បែងសុី សងជល់ មាន់ និងអាប៉ោង ខុសច្បាប់បង្កប់នៅក្នុង “កាស៊ីណូ” សុខ គឹមម៉េង មួយកន្លែងនៅក្នុងភូមិសាស្រ្តខាង លើនេះអោយប្រសិទ្ធភាពផង ព្រោះថា “កាសុីណូ”សុខ គឹមម៉េង ដែលបើកអោយពលរដ្ឋខ្មែរចូល លេងល្បែងសុីសងរំលោភលើអាជ្ញាប័ណ្ណក្រសួងអនុញ្ញាតិ ហើយផ្គើនបទបញ្ជាសម្តេចតេជោ នាយករដ្ឋមន្ត្រី ហ៊ុន សែន ទៀតផង៕មានត